Nnyam 9:23 - Uwumbɔr aagbaŋ

²³ Moses nan yoor waajaangbeek mɔk kitaapaak, le Uwumbɔr cha ŋitaatakpal lir, le ki cha utaal moor ki tar kitiŋ pu.

Nnyam 9:23 ပူးပေါင်းရင်းမြစ်များ

Mpiin 19:24

N‑yoonn ngbaan le Uwumbɔr cha mmiigaal ni chirbil lir Sodom ni Gomora aatim ngbaan pu.

Job Aagbaŋ 37:13

Uwumbɔr tuni utaal le u nan sɔŋni kitiŋ, u ga ŋmaa di u daa unibɔn aatafal, ki ga ŋmaa di u mɔk bi waaŋann.

Ilahn 147:17

U cha ŋitaatakpal lir ni ke isak na; tiwoor ti u tun ni na nyaŋ sakpen a,

Ilahn 148:8

utaal aah moor pu na, ni ŋitaanal, ni ntaalangbam, ni ŋibun ŋi pɔɔ ki kii waakaal na, pak u man.

Ilahn 18:13

Le Uwumbɔr bi kitaapaak ki teen ke utaal na; le binib mɔmɔk ŋun Uwumbɔr u kaa kpa ŋeen aatɔ na aaneel pu.

Ilahn 29:3

Bi ŋun Uwumbɔr aaneel nnyusakpem pu; Uwumbɔr u kpa kipak na tar ke utaal na, le uneel ti keei nnyusakpem ni.

Ilahn 77:18

Utaal aah tar pu na buen ni kookoo a, le utaal aah moor pu na cha dulnyaa mɔmɔk woln chain; le kitiŋ dam ki jii.

Nnyam 19:16

Nwiin tatar daal ngbaan aachakpiik ni, le utaal tar ki moor, le ntaalangbam mu bɔn chin chin na jɔnn lijool ngbaan pu, le bi ŋun kakaan aah wii sakpen pu na. Le binib ngbaan mɔmɔk aawon gbaa ki jii ijawaan pu.

Nnyam 20:18

N‑yoonn mu binib ngbaan nan ŋun utaal gben, ni kakaan aawiil, ki kan utaal moor, ni iŋmanyuu Sainai Aajool ngbaan pu na, le ijawaan chuu bi, le biwon gbaa, le bi san ti sil dandar.

Nnyam 9:18

Fen kinakokoona m ga fe cha ŋitaatakpal ŋi pɔɔ aan Ijipt yaab aa kee kan na lir kitiŋ kee pu.

Nnyam 9:24

U nan cha ŋitaatakpal ŋi pɔɔ na lir, le utaal moor ni mɔmɔk. Kitaabuŋ ngbaan aaboln aa nan kee daa Ijipt aatiŋ ni.

Aisaya 30:30

Uwumbɔr ga cha unii mɔmɔk ŋun waaneel mu kpa mpɔɔn na pu, ki ŋun waaŋuul mu pu; le imiigaal, ni ŋitaayiyir, ni ŋitaatakpal, ni utaasakpiin ga li bi.

Esekiel 38:22

M ga di iween ni nkun le daa utafal. Utaal sakpiin ni ŋitaatakpabil, ki di kpee mmii, ni chirbil, ga lir ni u ni waajab, ni ŋitimbol ŋi wiir ki si uchaŋ ni na pu.

Josua 10:11

Amor yaab aah nan san naa Israel yaab na, le Uwumbɔr cha ŋitaatakpal nyan ni paacham ki lir ni bi pu kina, ki ti saa Aseka aatiŋ ni. Ŋitaatakpal aah nan lir bi pu ki ku bi na nan wiir jer Israel yaab aah ku bi na.

Tibɔkpiirkaan 16:18

Le utaal moor, kifuuk mu faa, le utaal teen, le kitiŋ deŋ sakpen ki ti nyaŋ. Uwumbɔr aah nan naan binib buyoonn na, kitiŋ aa nan deŋ sakpen ke kaah deŋ n‑yoonn ngbaan sakpen pu na.

Tibɔkpiirkaan 16:21

Le utaal nun ŋitaatakpabil sakpiin, ki lir binib pu. Ŋi mɔmɔk nan nyuun ke njikaabim bɔtɔ aah nyuun pu na. Le binib sii Uwumbɔr ŋitaatakpabil ngbaan aabɔbir pu; ŋi nan ŋa bi falaa pam.

Tibɔkpiirkaan 8:7

Le Uwumbɔr aatuun njan yoo pii waakakaan. Waah pii waakakaan na, le ŋitaatakpabil, ni mmii, ni nsin ŋmal tɔb ponn ni, ki nyan paacham ki lir ni kitiŋ. Le mmii gaa kitiŋ ligetatar, ni isui mu ligetatar, ni timosɔnn mɔmɔk.