Nnyam 9:22 - Uwumbɔr aagbaŋ

²² Uwumbɔr nan bui Moses ke, “Yoor aaŋaal paacham ki di mɔk kitaapaak, le ŋitaatakpal ga lir ni Ijipt yaab aatiŋ kee pu, ŋi ga lir ni binib, ni tiwakor, ni timoor ti bi kitiŋ ngbaan ni na mɔmɔk pu.”

Nnyam 9:22 ပူးပေါင်းရင်းမြစ်များ

Nnyam 10:21

Uwumbɔr nan ki bui Moses ke, “Yoor aaŋaal paacham ki di mɔk kitaapaak, le mbɔmbɔɔn sakpiin ga lir ni, ki biin Ijipt aatiŋ pu.”

Nnyam 7:19

Uwumbɔr nan ki bui Moses ke, “Bui Aaronn ke u yoor waajaangbeek ngbaan paacham ki di mɔk ŋimɔɔ, ni ikpen, ni ibun mɔmɔk, Ijipt aatiŋ ponn ni. Nnyun ngbaan mɔmɔk ga kpaln nsin, le kitiŋ ngbaan mɔmɔk aanyun, hali ŋibuu ŋimɔk kpa nnyun na ga kpaln nsin.”

Nnyam 8:16

Uwumbɔr nan bui Moses ke, “Tuk Aaronn ke u di waajaangbeek ngbaan ki di faa kitiŋ, aan kitangbaak kpaln tinaapulor ki gbiin Ijipt aatiŋ ngbaan ni.”

Nnyam 8:5

Uwumbɔr nan ki bui Moses ke, “Tuk Aaronn ke u yoor waajaangbeek na paacham ki di mɔk ŋimɔɔ, ni ikpen, ni ibun, aan ŋipulaatal nyan ni lipaal, ki gbiin Ijipt aatiŋ mɔmɔk ni.”

Nnyam 9:21

Bibaa mu yii, kaa pak Uwumbɔr aasurm, le ki cha baawakor, ni baatutum bi lipaal.

Josua 10:11

Amor yaab aah nan san naa Israel yaab na, le Uwumbɔr cha ŋitaatakpal nyan ni paacham ki lir ni bi pu kina, ki ti saa Aseka aatiŋ ni. Ŋitaatakpal aah nan lir bi pu ki ku bi na nan wiir jer Israel yaab aah ku bi na.

Tibɔkpiirkaan 16:21

Le utaal nun ŋitaatakpabil sakpiin, ki lir binib pu. Ŋi mɔmɔk nan nyuun ke njikaabim bɔtɔ aah nyuun pu na. Le binib sii Uwumbɔr ŋitaatakpabil ngbaan aabɔbir pu; ŋi nan ŋa bi falaa pam.