Nnyam 9:16 - Uwumbɔr aagbaŋ

¹⁶ Maah ban m mɔk si maapɔɔn na, maa ku si, nima kan, binib mɔmɔk ga bee maah kpa liyimbil dulnyaa wee mɔmɔk ni pu na.

Nnyam 9:16 ပူးပေါင်းရင်းမြစ်များ

2 Samuel 7:23

Litimbol libaa aa ki bi kitiŋ kee pu ke Israel aatimbol li aa nyan li tinaagbiir ni, ki di li ŋa aabaa aanib na. Saah tun lijinjiir, ni litusakpeln li tii bi na cha saayimbil yaa koo dulnyaa wee mɔmɔk ni. Saanib bi aa nyan ni bi Ijipt ni ke bi nan li ye saanib na, yaa paan cha kan, le aa jenn ŋitimbol ŋiken, ni ŋaawaa.

2 Bibɔrb 19:35

Kinyeek ngbaan le Uwumbɔr aatuun nan buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

1 Bibɔrb Aabɔr 16:24

Moon waah kpa kipak pu na ki tuk ŋitimbol, ki moon waah tun ŋitukpaan pu na tuk binib mɔmɔk.

Nehemia 9:10

Aa nan tun iwaan aatun ki kiir Ijipt aabɔrkpaan, ni waaninkpiib, ni waanib bi bi kitiŋ ngbaan pu na, ba pu? aa nan nyi baah nan muk saanib pu na. Aa nan jin liyimbil li aa beenin kpa dandana wee na.

Ilahn 106:8

Tɔ, waah nan puu pu na, u nan gaa bi lii, ke ni mɔk waah kpa mpɔɔn sakpiin mu na.

Ilahn 64:9

Bi mɔmɔk ga san ijawaan; bi ga li dak Uwumbɔr aah tun pu na le ki tuk binib waabimbin aah bi pu na.

Ilahn 76:10

Unibɔn aaŋuul moo joo ni kipak le nan tii si, binib bi ŋmar butɔb ni na ga li ji saajim.

Nnyam 14:17

M ga pɔɔk Ijipt yaab aajab ngbaan aasui, le bi ga paan ni pu, le m ga nyaŋ ubɔr ngbaan, ni waajab, ni waatɔroku tiib, ni bijab bi ŋaal bi na mɔmɔk, ki kan kipak bi pu.

Nnyam 14:4

M ga cha usui pɔɔk, le u ga fii paan ni ni pu, le maah ga nyaŋ ubɔr ngbaan pu na, m ga kan kipak kina pu. Le Ijipt yaab ga bee ke min le ye Uwumbɔr.” Israel yaab nan ŋa Moses aah tuk bi pu na.

Nnyam 18:11

Dandana wee, m bee ke Uwumbɔr le jer ŋiwaa mɔmɔk, ba pu? Ijipt yaab aah nan lik seen Israel yaab pu na, le u daa bitafal kina.”

Nnyam 9:15

M yaa ba di maapɔɔn ki di iween daa aa ni saanib aatafal kan, kina ni mɔmɔk ba kuln a.

Nnyam 9:17

Linimbaasaln limina mɔmɔk ponn ni, ni mɔmɔk yɔli, aa pɔɔk aasui ki yii ke maanib ngbaan taa buen.

Ŋiyataŋak 16:4

Uwumbɔr aah ŋa tiwan ni mɔmɔk na kpa naah ga ti doo pu na, hali bibiindam aatafadaan aawiin daal bi la.

Jeremia 32:20

N‑yaayoonn na, aa nan tun lijinjiir ni iwaan aatun Ijipt aatiŋ ni, le ki beenin tun ŋi ki nan saa din; aa tun ŋi Israel aatimbol, ni ŋitimbol ŋiken ponn ni, le dandana unii mɔmɔk nyi si, ni kookoo.

Esekiel 39:21

Uwumbɔr nan ki bui ke, “M ga cha ŋitimbol kan maanyuŋ, ki mɔk ŋi maah joo maapɔɔn tun maalandak nyaan aatun pu na.

Malakai 1:11

Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.

Malakai 1:14

Ujinjir u yaa joo ni kiwakork ki kaa bi tibaa ni na nan toor kitork tii mi na kan, m ga puun lii udaan pu, ba pu? u kpa kiwakork ki ŋan aan u puu ke u ga di tii mi na waapiih ni. M ye ubɔrkpaan la, le ŋitimbol mɔmɔk aanib san mi ijawaan.” Uwumbɔr Mpɔɔnsakpiindaan le len kina.

Nkahm 14:21

M mu puu ke maah ga li bi aan ki li kpa kipak dulnyaa wee ni ki cha na,

Rom Yaab 9:17

Ni ŋmee Uwumbɔr Aagbaŋ ni ke Uwumbɔr nan bui Ubɔr Faro, “M ŋa si ubɔr ke m mɔk binib maah kpa mpɔɔn ki chiin si pu na, aan maayimbil nya paacham, dulnyaa aapepel mɔmɔk ni.”

Rom Yaab 9:22

Uwumbɔr aah ŋa pu na, ni bi kina la. U nan ban ke u mɔk binib ke u gee liŋuul titunwanbir pu, ki ban ke bi bee waah kpa mpɔɔn pu na. Nima le u ji limɔr pam binib bi ŋa u liŋuul ki ŋeer ntafadaan na pu.

Josua 4:24

Nima pu na, binib mɔmɔk bi bi dulnyaa wee ni na ga bee Uwumbɔr aapɔɔn aah bi pu na, le ni ga li nyuŋni Nidindaan Uwumbɔr ki cha n‑yoonn mu kaa kpa ndoon na.”

1 Piita 2:19

Unii u kaa ŋa nibaa na, bi yaa ŋa u falaa aan u yaa ji limɔr Uwumbɔr pu kan, nima le ŋan Uwumbɔr chee.

1 Piita 2:8

ki ki len ke, “Binib bibaa ga gbeer litakpal ngbaan ki lir. Litakpal ngbaan pu le bi ga lir.” Baa kii Uwumbɔr aabɔr; nima le cha bi lir, waah siin bi pu na.

Juud 1:4

Budabu cha m gaŋni nimi kina na le ye ke binib bibaa nan koo ni nikaasisik ni, ki ŋmanni nimi. Baa san Uwumbɔr. Bi len ke Uwumbɔr aah di cha pinn timi pu na, ti yaa gɔr kidagook kan, waan daa titafal. Bi yii Tidindaan Yesu Kristo. Uma baanja le ye Tidindaan. N‑yaayoonn na, Uwumbɔr aabɔnabtiib nan ŋmee ke Uwumbɔr ga daa bibiindam ngbaan aatafal.

1 Samuel 4:8

Ŋma ga gaa timi ŋiwaapɔɔndam ŋee chee lii? Ŋiwaa ŋi nan ku doo Ijipt yaab nteer ponn ni na le bi na.