Nnyam 8:8 - Uwumbɔr aagbaŋ

⁸ Ubɔr nan yin ni Moses ni Aaronn le ki nan bui bi ke, “Mee Uwumbɔr ke u nyan ŋipulaatal ngbaan, aan m cha waanib ngbaan nya buen, nima kan, bi ga ŋmaa toor kitork tii u.”

Nnyam 8:8 ပူးပေါင်းရင်းမြစ်များ

1 Bibɔrb 13:6

Ubɔr Jeroboam nan bui Uwumbɔr aabɔnabr ngbaan ke, “Ŋaanii ki mee Aadindaan Uwumbɔr tii mi, aan u cha ŋŋaal ki pɔɔk.” Uwumbɔr aabɔnabr ngbaan nan mee Uwumbɔr, le ubɔr aaŋaal pɔɔk.

Ilahn 66:3

Bui Uwumbɔr ke, “Saah ŋa tiwan ni na nyaŋ a. Saapɔɔn nyaŋ, le saadim san ijawaan ki gbaani aanimbiin ni.

Nnyam 10:16

Ubɔr ngbaan nan ŋa mala le ki yin ni Moses ni Aaronn, le ki nan bui bi ke, “M tun titunwanbir Nidindaan Uwumbɔr, ni nimi chee.

Nnyam 10:17

Nimina ma kan, di cha pinn mi, ki mee Nidindaan Uwumbɔr ke u nyan nkun aawan nimina m pu.”

Nnyam 10:18

Le Moses siir ubɔr chee, ki ti mee Uwumbɔr.

Nnyam 14:5

Buyoonn ubɔr ngbaan ŋun ke binib na san ŋmar na, le u ni waaninkpiib kpeln bisui le ki kpokl ki bui ke, “Ti ŋa ba kina? Ti cha Israel yaab san ŋmar a, le taa ki kpa binaagbiib.”

Nnyam 32:11

Tɔ, Moses nan gaŋ Udindaan Uwumbɔr le ki bui ke, “Uwumbɔr, ba ŋa aa cha saaŋuul fii saanib pu sakpen kina, naa ye saapɔɔn sakpiin pu le aa nan di nyan ni bi Ijipt aatiŋ ni ii?

Nnyam 5:2

Le ubɔr ngbaan baa bi ke, “Ŋma ye Uwumbɔr? U ye ŋma aan m pel waabɔr ki cha Israel yaab buen? Maa nyi Uwumbɔr. Maan cha Israel yaab nya buen.”

Nnyam 8:15

Ubɔr ngbaan aah kan ke ŋipulaatal mɔmɔk kpo doo na, le u ki pɔɔk usui, le ni gbiin Uwumbɔr aah nan tuk Moses ni Aaronn pu na, ke ubɔr ngbaan ga pɔɔk usui kaan tii bi nsan.

Nnyam 8:29

Le Moses giin bui u ke, “M yaa siir do kan, m ga mee Uwumbɔr ke fen kan, u cha tisibir ngbaan nya saatiŋ kee pu. Tɔ, aa taa ki ŋmann timi, kaan cha binib ngbaan buen ti toor kitork tii Uwumbɔr.”

Nnyam 8:32

Tɔ, n‑yoonn mue na, ubɔr nan ki pɔɔk usui, le kaa ki cha bi buen.

Nnyam 8:9

Moses nan kii le ki bui u ke, “M ga li kpa mpopiin ke m mee Uwumbɔr. Siin n‑yoonn mu aa ban ke m mee u tii aa ni saaninkpiib ni saanib na. Le ni ga kan nibaa ŋipulaatal ngbaan chee, ŋi ga li gur bi Nail Aamɔɔl ni baanja la.”

Nnyam 9:27

Le ubɔr ngbaan tun yin Moses ni Aaronn le ki bui bi ke, “N‑yoonn mue m tun bakaa, Uwumbɔr le jin mbamɔn, m ni maanib le galn.

Nnyam 9:28

Mee Uwumbɔr, ki bui u ke ntafadaan mu u tii timi na ŋeer a. M puu ke m ga cha ni li cha; taa ki li bi do man.”

Nnyam 9:33

Moses nan siir ubɔr ngbaan chee, le ki nyan kitiŋ ngbaan ni, ki yoor uŋaal paacham, ki mee Uwumbɔr. Le utaal aa nan ki tar, kaa ki nu, le ŋitaatakpal mu aa ki lir.

Nkahm 21:7

Le bi dan Moses chee ki nan bui u ke, “Taah len aa ni Uwumbɔr tibɔr ti kaa ŋan na, ti tun titunwanbir. Mee Uwumbɔr ke u gaa timi lii iwaa ngbaan chee.” Kina pu le Moses mee Uwumbɔr tii bi.

Lituln 8:24

Le Simonn bui Piita ni Jɔnn, “Mee Uwumbɔr tii mi, aan saah len tibɔr ti na, ti taa pii mi.”

1 Samuel 12:19

le ki bui Samuel ke, “Timi aaninkpel, ti gaŋ si, mee Aadindaan Uwumbɔr tii timi, aan ti taa kpo. Dandana wee ti bee ke taah ki ban ubɔr pu na le ye titunwanbir, ki kpee timi aatunwanbir tiken mɔmɔk pu.”