Nnyam 8:20 - Uwumbɔr aagbaŋ

²⁰ Uwumbɔr nan ki bui Moses ke, “Fen kichakpiik ni, aa fe pue ki ti to ubɔr buyoonn u cha limɔɔl ni na, aan ki tuk u ke Uwumbɔr bui ke, ‘Cha maanib nya saatiŋ ni, nima kan, bi ga ŋmaa buen ki ti doon mi.

Nnyam 8:20 ပူးပေါင်းရင်းမြစ်များ

Ilahn 105:31

Uwumbɔr nan di umɔb len, le tisibir ni tinaapulor gbiin kitiŋ ngbaan mɔmɔk ni.

Ilahn 78:45

U nan tun ni tisibir nan lii bi pu, le ti muk bi, ni ŋipulaatal ŋi bii baatiŋ na.

Nnyam 2:5

Le ubɔr aabisal dan limɔɔl ngbaan ni u nan fu nnyun, le waatutum chuun kpak limɔɔl aagbaan. Ubɔr aabisal aah bi fu nnyun na, le u kan kibɔɔkuuk si tikal ponn ni, le u tun usapɔɔn ubaa, u ye waatutunn na, le u ti yoor ni kibɔɔkuuk ngbaan.

Nnyam 3:18

“Maanib ga pel saah ga bui bi pu na. Le aa di baaninkpiib buen Ijipt yaab aabɔr chee ki ti bui u ke, ‘Uwumbɔr, u ye timi Hiibru yaab Aawumbɔr na, uma le di ubaa mɔk timi. Kina pu na, tii timi nsan ti chuun iwiin itaa ki buen nteersakpiin ponn ni ki ti toor kitork tii Uwumbɔr u ye Tidindaan na.’

Nnyam 4:23

M tuk si, ubɔr, ke aa cha njapɔɔn ngbaan nya ki li cha, nima kan, u ga doon mi ubaa pu, le aa yii. Dandana wee m ga ku saajan aabijabim.’”

Nnyam 5:1

Moses ni Aaronn nan buen Ijipt aabɔr chee le ki ti bui u ke, “Israel yaab Aadindaan Uwumbɔr bui ke, ‘Cha maanib buen, nima kan, bi ga ti ji njim mubaa kipɔɔk ni, ki nyuŋ mi.’”

Nnyam 5:3

Moses ni Aaronn nan giin bui u ke, “Timi Hiibru yaab Aawumbɔr le di ubaa mɔk timi. Kii tii timi ki cha ti chuun iwiin itaa ki buen kipɔɔk ni, ki ti toor kitork tii Tidindaan Uwumbɔr. Ti yaa kaa ŋa kina kan, u ga di iween, bee butɔb le ku timi.”

Nnyam 7:15

Nima pu na, fen kan, aa fe fii mala kichakpiik ni, buyoonn ubɔr chaa Nail aamɔɔl ni na, ki ti kan u. Aa li joo kijaangbeek ki nan kpaln uwaa na, ki ti li kii u, limɔɔl aagbaan,

Nnyam 8:1

Uwumbɔr nan ki bui Moses ke, “Li cha ki ti tuk ubɔr ngbaan ke Uwumbɔr bui ke, ‘Cha maanib ngbaan buen, nima kan, bi ga ti ŋmaa doon mi.

Nnyam 8:21

M sur si ke aa yaa yii kan, m ga daa aatafal, ki cha tisibir dan aa ni saaninkpiib ni saanib aatiŋ kee ponn ni. Tisibir ga gbiin Ijipt yaab aadichal, ni lipaal mɔmɔk.

Nnyam 9:13

Uwumbɔr nan ki bui Moses ke, “Fen kichakpiik ni kan, ki buen ubɔr chee ki ti tuk u ke Hiibru yaab Aadindaan Uwumbɔr bui ke, ‘Cha maanib ngbaan buen, nima kan bi ga ŋmaa doon mi.