Nnyam 8:15 - Uwumbɔr aagbaŋ

¹⁵ Ubɔr ngbaan aah kan ke ŋipulaatal mɔmɔk kpo doo na, le u ki pɔɔk usui, le ni gbiin Uwumbɔr aah nan tuk Moses ni Aaronn pu na, ke ubɔr ngbaan ga pɔɔk usui kaan tii bi nsan.

Nnyam 8:15 ပူးပေါင်းရင်းမြစ်များ

Nnyam 14:5

Buyoonn ubɔr ngbaan ŋun ke binib na san ŋmar na, le u ni waaninkpiib kpeln bisui le ki kpokl ki bui ke, “Ti ŋa ba kina? Ti cha Israel yaab san ŋmar a, le taa ki kpa binaagbiib.”

Nnyam 4:21

Uwumbɔr nan ki gir bui Moses ke, “Saah gir cha Ijipt aatiŋ ni dandana wee na, li nyi ki ti ŋa lijinjiir aatun ŋimɔk m tii si mpɔɔn ke aa ti ŋa na. Tɔ, m ga pɔɔk ubɔr ngbaan aasui, le waan tii nimi nsan ke ni buen.

Nnyam 7:4

Le m ga cha ntafadaan mu bir ki pɔɔ na lir Ijipt aatiŋ ni, le ki loln ŋinibol ŋi ye maanib na nsan ki nyan bi kitiŋ ngbaan ni.

Nnyam 8:14

Ijipt yaab nan kuun ŋi tiŋ ŋikpuk ŋikpuk, le kitiŋ ngbaan mɔmɔk ti nuŋ ŋipulaatakpol pu.

Nnyam 8:16

Uwumbɔr nan bui Moses ke, “Tuk Aaronn ke u di waajaangbeek ngbaan ki di faa kitiŋ, aan kitangbaak kpaln tinaapulor ki gbiin Ijipt aatiŋ ngbaan ni.”

Nnyam 8:28

Ubɔr nan ki bui ke, “Ni yaa kaan buen dandar kan, m ga cha ni buen ti toor kitork nteersakpiin ngbaan ni, ki tii Nidindaan Uwumbɔr. Ni ti mee u tii m mu man.”

Nnyam 8:29

Le Moses giin bui u ke, “M yaa siir do kan, m ga mee Uwumbɔr ke fen kan, u cha tisibir ngbaan nya saatiŋ kee pu. Tɔ, aa taa ki ŋmann timi, kaan cha binib ngbaan buen ti toor kitork tii Uwumbɔr.”

Nnyam 8:32

Tɔ, n‑yoonn mue na, ubɔr nan ki pɔɔk usui, le kaa ki cha bi buen.

Nnyam 8:8

Ubɔr nan yin ni Moses ni Aaronn le ki nan bui bi ke, “Mee Uwumbɔr ke u nyan ŋipulaatal ngbaan, aan m cha waanib ngbaan nya buen, nima kan, bi ga ŋmaa toor kitork tii u.”

Ŋiyataŋak 26:11

Ujɔr yaa ki gir ŋa kijɔrk aatuln nfum mulee kan, ni naahn ubɔ aah gir ti jin waawuln pu na la.

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Ulandaan 8:11

Ba ŋa binib gee ki tun titunwanbir? Naah ye pu na le ye ke baa dar titunwanbirdam aatafal mala ke baah tun ti pu na.

Aisaya 26:10

Saah po ŋani bibiindam tiŋann na, baa kee bae ke bi ŋa ni ŋan na. Hali nin chee bininyaam bi na, bi beenin ŋani ni kaa ŋan na; bi yii, kaa bee ke aa kpa mpɔɔn sakpen.

Hosea 6:4

Le Uwumbɔr bui ke, “Israel ni Juda yaab, m ga ki ŋa nimi kinye? Naah kpa ngeehm mu m pu na fir mala ke kichakpiik ni aakpakpal na la, ki naahn limaln li fir nchakpawiin pu na.

Hiibru Yaab 3:15

Uwumbɔr Aagbaŋ len ke, “Ni yaa ŋun Uwumbɔr aaneel din wee kan, ni taa cha nitafal li pɔɔ ke niyaajatiib aatafal aah nan pɔɔ pu buyoonn bi nan yii waamɔb nteersakpiin ni na.”

Hiibru Yaab 3:8

ni taa cha nitafal li pɔɔ ke niyaajatiib aatafal aah nan pɔɔ pu buyoonn bi nan yii waamɔb nteersakpiin ni na.

Tibɔkpiirkaan 16:9

Le ntoton sakpen seer binib. Le bi sii Uwumbɔr u kpa mpɔɔn ki cha bi ji falaa kina na. Baa kpeln baabimbin, kaa nyuŋ u.

1 Samuel 6:12

Inaa ngbaan nan siir le ki di toŋ Bef Semes ki kpaa tok ki, kaa par nsan ni nibaa chee. I nan cha le ki wooni. Filistia aabɔrb biŋmu ngbaan nan dii i ki ti saa Bef Semes aatiŋ mɔk.

1 Samuel 6:3

Le bi bui ke, “Ni yaa ga giin Israel yaab Aawumbɔr Aadakaa kan, ni ŋan ke ni tii ipiin i ga ti pa nimi aatunwanbir pu na. Dakaa ngbaan aan ŋmaa gir iŋaalkuun. Ni yaa ŋa kina kan, ni ga pɔɔk, le ni ga bee naah ŋa pu aan u dar nitafal na.”

1 Samuel 6:6

Ba ŋa nitafal pɔɔ ke Ijipt aabɔr ni waanib aatafal aah nan pɔɔ pu na? Taa suln man Uwumbɔr aah nan ŋa bi falaa aan ki ti nin cha Israel yaab nyan baatiŋ ponn ni pu na.

1 Samuel 6:9

ki li si lik i, i li cha; i yaa di toŋ Bef Semes aatiŋ ni kan, ni mɔk ke Israel yaab Aawumbɔr le tun ni nimi tibɔbir sakpen ngbaan. I yaa kaa toŋ nima kan, ti ga bee ke naa ye uma le tun ni tibɔbir ngbaan, ti dan tibaa pu la.”