Nnyam 7:5 - Uwumbɔr aagbaŋ

⁵ Buyoonn m daa Ijipt yaab aatafal ki nyan Israel yaab baatiŋ ni na, le Ijipt yaab ga bee ke min le ye Uwumbɔr.”

Nnyam 7:5 ပူးပေါင်းရင်းမြစ်များ

Ilahn 138:7

Buyoonn tibɔr ti mann goln mi ni kookoo na, le aa gaal mi lir. Aa kiir maadim bi aaŋuul fii na ki joo saapɔɔn gaal mi lir.

Ilahn 9:16

Uwumbɔr aah joo ibamɔn ji tibɔr pu na, le u cha ti bee waah bi pu na; le bibiindaan aatunwanbir chur bi ke gaawɔb na.

Nnyam 10:2

le ni mu ga ŋmaa tuk nimi aabim, ni niyaabitiib, maah tun lijinjiir aatuln, ki cha Ijipt yaab kpaln bijɔrb pu na. Ni mɔmɔk ga bee ke min le ye Uwumbɔr.”

Nnyam 10:7

Le ubɔr aaninkpiib ngbaan bui u ke, “N‑yoonn mulamu uja wee ga di cha ki taa ki daa titafal? Cha Israel yaab ngbaan li cha, nima kan, bi ga ŋmaa buen ti doon Bidindaan Uwumbɔr. Saa kan ke Ijipt bii doo oo?”

Nnyam 14:18

N‑yoonn mu m nyaŋ bi na, le Ijipt yaab ga bee ke min le ye Uwumbɔr.”

Nnyam 14:4

M ga cha usui pɔɔk, le u ga fii paan ni ni pu, le maah ga nyaŋ ubɔr ngbaan pu na, m ga kan kipak kina pu. Le Ijipt yaab ga bee ke min le ye Uwumbɔr.” Israel yaab nan ŋa Moses aah tuk bi pu na.

Nnyam 18:8

Moses nan tuk Jetro, Uwumbɔr aah ŋa Ijipt yaab aabɔr, ni waanib pu, aan ki gaa Israel yaab lii na. U nan ki tuk u ŋimuk ŋi bi kan nsan ni aan Uwumbɔr gaa bi lii na mɔmɔk.

Nnyam 3:20

M ga di maapɔɔn daa Ijipt yaab aatafal, ki ŋa ijawaan aawan baatiŋ ni. Nee aapuwɔb na u ga cha ni buen.

Nnyam 6:1

Uwumbɔr nan bui Moses ke, “Dandana wee, aa ga kan maah ga ŋa ubɔr ngbaan pu na. M ga muk u aan u cha maanib ngbaan buen. Mbamɔn, m ga muk u pam, le uma ubaa ga bui binib ngbaan ke bi nya waatiŋ ponn ni.”

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Nnyam 7:17

Ubɔr, Uwumbɔr bui ke waah ga ŋa tiwan nimɔk na, le aa ga bee waah kpa mpɔɔn pu na. Lik, m ga di kijaangbeek kee faa limɔɔl lee aanyun, le nnyun ngbaan kpaln nsin.

Nnyam 8:10

Ubɔr ngbaan nan bui ke, “Ni yaa fe woln kichakpiik ni kan, aa mee Uwumbɔr.” Le Moses bui u ke, “M ga ŋa saah ban pu na, nima kan, aa ga sil bee ke Uwumbɔr ubaa aa ki bi ki kpee Tidindaan Uwumbɔr ngbaan pu.

Nnyam 8:19

le binyɔkdam ngbaan bui ubɔr ke, “Uwumbɔr le ŋa kina.” Tɔ, hali Uwumbɔr aah ŋa lijinjiir aawan nimina mɔmɔk na, ubɔr ngbaan nan moo pɔɔk usui, le ni gbiin Uwumbɔr aah nan tuk Moses ni Aaronn pu na.

Nnyam 8:22

M mu aan cha tisibir ngbaan nya Gosenn aapepel wɔb, nin chee maanib bi na. M ga ŋa kina aan aa ni saanib bee ke min Uwumbɔr bi tun lituln kitiŋ kee ni.

Esekiel 25:17

M ga daa bitafal mbamɔm ki teen bi lipɔln pel pel. Bi ga kan maaŋuul aah bi pu na. N‑yoonn ngbaan le bi ga bee ke min le ye Uwumbɔr.”

Esekiel 28:22

Bui binib bi koo nima chee na, min Dindaan Uwumbɔr aah kpa baabɔr ti m tuk bi na ke: Saidonn aatiŋ, m ye saadin la; binib ga pak mi maah ŋa si pu na pu. M yaa mɔk maah bi chain pu na ki daa binib bi koo aa ponn ni na aatafal kan, bi ga bee ke min le ye Uwumbɔr.

Esekiel 32:15

M yaa cha Ijipt aatiŋ kpaln tilangbenn ki doon nkuun, ki kuln binib bi mɔmɔk koo nima chee na kan, bi ga bee ke min le ye Uwumbɔr.

Esekiel 36:23

M yaa mɔk ŋitimbol maayimbil li ni jinn li inimɔɔn ŋi ponn ni na aah ye chain pu na kan, bi ga bee ke min le ye Uwumbɔr. Min Bidindaan Uwumbɔr le len kina.

Esekiel 39:22

N‑yoonn ngbaan le Israel yaab ga bee ke min le ye Bidindaan Uwumbɔr.

Esekiel 39:7

M ga cha maanib Israel yaab li nyi maayimbil li ye chain na, kaan ki cha maayimbil ji inimɔɔn daalbaadaal. Le ŋitimbol ga bee ke min Uwumbɔr le ye Israel yaab Aawumbɔr u bi chain na.”