Nnyam 7:3 - Uwumbɔr aagbaŋ

³ M ga cha ubɔr ngbaan pɔɔk usui, kaan ŋun tii si; m yaa gee m ŋa ijawaan aatun pu na kan, waan cha ni nya Ijipt aatiŋ ni.

Nnyam 7:3 ပူးပေါင်းရင်းမြစ်များ

Nehemia 9:10

Aa nan tun iwaan aatun ki kiir Ijipt aabɔrkpaan, ni waaninkpiib, ni waanib bi bi kitiŋ ngbaan pu na, ba pu? aa nan nyi baah nan muk saanib pu na. Aa nan jin liyimbil li aa beenin kpa dandana wee na.

Ilahn 135:9

Nima chee le u nan tun iwaan aatun, ki di daa nima chee aabɔr, ni waaninkpiib aatafal.

Ilahn 78:12

Biyaajatiib nan si lik, le Uwumbɔr tun iwaan aatun Soann aapaan mu bi Ijipt aatiŋ ni na.

Nnyam 11:10

Tɔ, Moses ni Aaronn nan ŋa lijinjiir aatun ŋimina mɔmɔk ubɔr ngbaan aanimbiin ni, le Uwumbɔr nan cha usui pɔɔk, le waa kii ke Israel yaab nya waatiŋ ni.

Nnyam 11:9

Uwumbɔr nan puun bui Moses ke, “Ubɔr ngbaan ga li beenin pɔɔni usui, kaan ŋun tii si, nima le ga cha m ŋa lijinjiir aatun Ijipt aatiŋ ponn ni.”

Nnyam 14:4

M ga cha usui pɔɔk, le u ga fii paan ni ni pu, le maah ga nyaŋ ubɔr ngbaan pu na, m ga kan kipak kina pu. Le Ijipt yaab ga bee ke min le ye Uwumbɔr.” Israel yaab nan ŋa Moses aah tuk bi pu na.

Nnyam 3:20

M ga di maapɔɔn daa Ijipt yaab aatafal, ki ŋa ijawaan aawan baatiŋ ni. Nee aapuwɔb na u ga cha ni buen.

Nnyam 4:21

Uwumbɔr nan ki gir bui Moses ke, “Saah gir cha Ijipt aatiŋ ni dandana wee na, li nyi ki ti ŋa lijinjiir aatun ŋimɔk m tii si mpɔɔn ke aa ti ŋa na. Tɔ, m ga pɔɔk ubɔr ngbaan aasui, le waan tii nimi nsan ke ni buen.

Nnyam 4:29

Nima pu na, Moses ni Aaronn nan dii buen Ijipt aatiŋ ni, le ki ti kuun Israel yaab aaninkpiib tɔb chee.

Nnyam 4:7

Uwumbɔr nan ki bui u ke, “Ki giin aaŋaal ŋa saabɔkul ni.” Le u ŋa kina, le n‑yoonn mu u chuu nyan ni mu na, mu ki pɔɔ, ki bi ke uwon tiken aah bi pu na.

Nnyam 7:13

Nimina mɔmɔk aa nan kpeln ubɔr ngbaan aasui, u nan moo pɔɔk usui ke Uwumbɔr aah len pu na la, waa nan ŋun tii Moses ni Aaronn.

Nnyam 9:16

Maah ban m mɔk si maapɔɔn na, maa ku si, nima kan, binib mɔmɔk ga bee maah kpa liyimbil dulnyaa wee mɔmɔk ni pu na.

Ŋiyataŋak 21:1

Uwumbɔr aah mɔk ubɔr aalandak ke i tun pu na, ni waah mɔk nkpen mu aah ga dii pu na aa pɔɔ u chee kpala.

Aisaya 51:9

Uwumbɔr, fii ki ter timi. Di saapɔɔn gaa timi lii; ter timi ke saah nan ŋa pu n‑yaayoonn na. Sin le nan chɔi chɔi nnyusakpem ni aapeewanbiik Rahab.

Maika 7:15

Uwumbɔr, tun lijinjiir aatun tii timi saanib, ke saah nan ŋa pu n‑yoonn mu aa nan nyan ni timi Ijipt aatiŋ ni na.

Jɔnn 4:48

Le Yesu bui u, “Ni yaa kaa kan lijinjiir aatun kan, naan gaa mi ki kii.”

Lituln 2:22

Tɔ, Piita ki len ke, “Israel yaab, li pel man. Uwumbɔr ban ke u mɔk binib ke uma le tun ni Yesu, u ye Nasaref aatiŋ aanii na. Nima pu le u cha u ŋani lijinjiir aatun, ni lituln li kpa liyimbil na, nimi ponn ni. Nimi nibaa nyi kina.

Lituln 7:36

Uma Moses le nyan bi Ijipt aatiŋ ni, ki tun lijinjiir aatun nima chee, ni Limɔɔkal Aanyusakpem ni, le ki ti nin tun lijinjiir aatun timoor ni, ŋibin imonko ilee.

Rom Yaab 15:19

Uwumbɔr Aafuur Nyaan aapɔɔn pu le m tun lijinjiir aatun, ke bi bee waah kpa mpɔɔn pu na. Kina le m mooni Kristo aabɔnyaan mɔmɔk Jerusalem ponn ni, ki di ti saa Ilirikum aatiŋ ni.

Rom Yaab 9:18

Nima le binib bi u ban u san bi kinimbaak na, u san bi kinimbaak. Binib bi u ban ke u cha bi gaa biyil na, u cha bi gaa la.

Ikaal 4:34

Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.

Ikaal 7:19

Ni teer tiwanbir ti ninimbigbaŋ nan kan na, ni laasib, ni iwaan aawan, ni mpɔɔn sakpiin mu Nidindaan Uwumbɔr nan di gaa nimi lii na. Waah nan ŋa pu ki bii Ijipt yaab na, u ga ki ŋa kina le ki kuln binib bi ni san bi ijawaan na.