Nnyam 7:19 - Uwumbɔr aagbaŋ

¹⁹ Uwumbɔr nan ki bui Moses ke, “Bui Aaronn ke u yoor waajaangbeek ngbaan paacham ki di mɔk ŋimɔɔ, ni ikpen, ni ibun mɔmɔk, Ijipt aatiŋ ponn ni. Nnyun ngbaan mɔmɔk ga kpaln nsin, le kitiŋ ngbaan mɔmɔk aanyun, hali ŋibuu ŋimɔk kpa nnyun na ga kpaln nsin.”

Nnyam 7:19 ပူးပေါင်းရင်းမြစ်များ

Mpiin 1:10

Uwumbɔr nan yin nnyun aah kaa bi nin chee na ke “Kitiŋ,” ki yin mu aah kuun doon nin chee na ke “Nnyusakpem.” U nan kan ke ni ŋan.

2 Bibɔrb 4:29

Le Elaisa fenn lik Gehasi wɔb le ki bui ke, “Yoor maajaangbeek ki li san mala. Taa sil nsan ni ke aa doon unii ubaa, le unii yaa doon si kan, taa sil ke aa kii. Li cha lidichal ngbaan ni ki ti di maajaangbeek jɔnn ubo ngbaan pu.”

Nnyam 10:12

Uwumbɔr nan ki bui Moses ke, “Yoor aaŋaal paacham Ijipt aatiŋ kee pu, ki cha itoon dan kitiŋ ngbaan pu. I ga dan ki nan ŋmɔ timoor, ni tifar, ni tiwan ni nan ŋmar ŋitaatakpal ŋi jer na ni na.”

Nnyam 10:21

Uwumbɔr nan ki bui Moses ke, “Yoor aaŋaal paacham ki di mɔk kitaapaak, le mbɔmbɔɔn sakpiin ga lir ni, ki biin Ijipt aatiŋ pu.”

Nnyam 14:16

Yoor saajaangbeek paacham ki di mɔk nnyusakpem ngbaan. Nnyun ngbaan ga yakr, le Israel yaab ga ŋmaa chuun kitikuun pu ki jer nnyusakpem ngbaan aasisik ni.

Nnyam 14:21

Moses nan yoor uŋaal paacham ki mɔk nnyusakpem ngbaan, le Uwumbɔr cha libuln nyan ni liwipuul wɔb ki daa nnyusakpem ngbaan pu, le ki kiir mu, le mu yakr tɔb chee. Libuln ngbaan nan daa kinyeek ki ti woln kitaak, le ni kuur. Nnyun ngbaan nan yakr tɔb chee,

Nnyam 14:26

Uwumbɔr nan ki bui Moses ke, “Yoor aaŋaal paacham ki mɔk nnyusakpem ngbaan, nnyun ngbaan ga gir kpaan tɔb ni, ki biin Ijipt yaab, ni baatɔroku tiib, ni bijab bi ŋaal bi na pu.”

Nnyam 4:9

Hali bi yaa kaa ki faar lelee aajinjiir aatuln ngbaan mu, kaa gaa si kii kan, ki yaa yii, ke baan pel saah len pu na kan, buen ti kab Nail aamɔɔl aanyun ki di mu kpir kitiŋ binimbiin ni. Nnyun ngbaan ga kpaln nsin.”

Nnyam 8:16

Uwumbɔr nan bui Moses ke, “Tuk Aaronn ke u di waajaangbeek ngbaan ki di faa kitiŋ, aan kitangbaak kpaln tinaapulor ki gbiin Ijipt aatiŋ ngbaan ni.”

Nnyam 9:33

Moses nan siir ubɔr ngbaan chee, le ki nyan kitiŋ ngbaan ni, ki yoor uŋaal paacham, ki mee Uwumbɔr. Le utaal aa nan ki tar, kaa ki nu, le ŋitaatakpal mu aa ki lir.

Aisaya 19:10

bikpaluub ni biwanŋab mɔmɔk aasui ga bii.

Aisaya 5:25

Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Habakuk 3:8

Uwumbɔr, ŋimɔɔ pu le saaŋuul nan fii ii? nnyusakpem pu le saaŋuul nan fii ii? Aa nan jak saataan ni yaatɔroku tiib bi ye linyaŋ yaab na.