Nnyam 7:17 - Uwumbɔr aagbaŋ

¹⁷ Ubɔr, Uwumbɔr bui ke waah ga ŋa tiwan nimɔk na, le aa ga bee waah kpa mpɔɔn pu na. Lik, m ga di kijaangbeek kee faa limɔɔl lee aanyun, le nnyun ngbaan kpaln nsin.

Nnyam 7:17 ပူးပေါင်းရင်းမြစ်များ

1 Bibɔrb 20:28

Uwumbɔr aabɔnabr ubaa nan buen Ubɔr Ahab chee le ki ti bui u ke, “Uwumbɔr aah len pu na sɔ: ‘Siria yaab aah bui ke m ye ŋigongon pu aawaal, kaa ye ŋigongon aah kaa bi nin chee na yaal na, m ga cha aa nyaŋ baajab bi wiir sakpen na, le sin ni saanib ga bee ke min le ye Uwumbɔr.’”

2 Bibɔrb 19:19

Kina pu na, Tidindaan Uwumbɔr, gaa timi Asiria yaab ngbaan chee lii aan dulnyaa aatimbol mɔmɔk bee ke sin baanja le ye Uwumbɔr.”

Ilahn 105:29

U nan cha baamɔɔ aanyun kpaln nsin ki ku baajan mɔmɔk.

Ilahn 78:44

U nan cha ŋimɔɔ kpaln nsin, le Ijipt yaab aa nan ki kpa nnyun bi nyu.

Ilahn 83:18

Cha bi bee ke sin baanja le ye Uwumbɔr, ki ye kitiŋ kee aayidaan u kaa kpa ŋeen aatɔ na.

Ilahn 9:16

Uwumbɔr aah joo ibamɔn ji tibɔr pu na, le u cha ti bee waah bi pu na; le bibiindaan aatunwanbir chur bi ke gaawɔb na.

Nnyam 1:22

Gbelngbeln na, ubɔr ngbaan nan siin nkaal ki bui waanib mɔmɔk ke bi di Hiibru yaab aabijabim bi bi laa ma bi na ki di mee lii Nail aamɔɔl ni, tɔ, bi taa ku mpiibim ma.

Nnyam 10:2

le ni mu ga ŋmaa tuk nimi aabim, ni niyaabitiib, maah tun lijinjiir aatuln, ki cha Ijipt yaab kpaln bijɔrb pu na. Ni mɔmɔk ga bee ke min le ye Uwumbɔr.”

Nnyam 4:9

Hali bi yaa kaa ki faar lelee aajinjiir aatuln ngbaan mu, kaa gaa si kii kan, ki yaa yii, ke baan pel saah len pu na kan, buen ti kab Nail aamɔɔl aanyun ki di mu kpir kitiŋ binimbiin ni. Nnyun ngbaan ga kpaln nsin.”

Nnyam 5:2

Le ubɔr ngbaan baa bi ke, “Ŋma ye Uwumbɔr? U ye ŋma aan m pel waabɔr ki cha Israel yaab buen? Maa nyi Uwumbɔr. Maan cha Israel yaab nya buen.”

Nnyam 6:7

M ga di nimi ŋa maanib, m ga li ye nimi Aawumbɔr. Ni ga bee ke m ye Nidindaan Uwumbɔr u gaa nimi lii, ki nyan nimi tinaagbiir ni, Ijipt yaab chee na.

Nnyam 7:20

Moses ni Aaronn nan ŋa Uwumbɔr aah bui ke bi ŋa pu na mɔmɔk. Ubɔr ngbaan ni waaninkpiib aanimbiin ni, le Aaronn yoor waajaangbeek ngbaan paacham, le ki di faa limɔɔl ngbaan aanyun, le nnyun ngbaan mɔmɔk kpaln nsin.

Nnyam 7:5

Buyoonn m daa Ijipt yaab aatafal ki nyan Israel yaab baatiŋ ni na, le Ijipt yaab ga bee ke min le ye Uwumbɔr.”

Esekiel 25:17

M ga daa bitafal mbamɔm ki teen bi lipɔln pel pel. Bi ga kan maaŋuul aah bi pu na. N‑yoonn ngbaan le bi ga bee ke min le ye Uwumbɔr.”

Esekiel 29:9

Ijipt aatiŋ ga kpaln tilangbenkuun la. N‑yoonn ngbaan le ni ga bee ke min le ye Uwumbɔr. “Saah bui ke Nail Aamɔɔl ye sin yaan na pu, ki len ke sin le ŋa li na,

Esekiel 30:19

M yaa daa Ijipt aatiŋ aanib aatafal kina kan, bi ga bee ke min le ye Uwumbɔr.”

Esekiel 30:8

M yaa moo mmii see Ijipt aatiŋ lii, aan bi ku kaakikiib mɔmɔk kan, bi ga bee ke min le ye Uwumbɔr.

Esekiel 32:15

M yaa cha Ijipt aatiŋ kpaln tilangbenn ki doon nkuun, ki kuln binib bi mɔmɔk koo nima chee na kan, bi ga bee ke min le ye Uwumbɔr.

Esekiel 32:6

M ga di saasin kpir le mu ti biin ŋijoo ni ikpen mɔmɔk pu.

Esekiel 38:23

Kina le m ga mɔk ŋitimbol mɔmɔk ke maapɔɔn nyaŋ, le m ye chain. N‑yoonn ngbaan le ŋi ga bee ke min le ye Uwumbɔr.”

Esekiel 39:28

Nima le maanib ga bee ke min le ye Bidindaan Uwumbɔr. Tiwan ni ga cha bi bee kina na le ye ke min le nan cha bi chur bi buen tinaagbiir ni, le ki ki kuun ni bi ki joo ni bi bibaa aatiŋ pu, kaa cha ubaa kina gaar puwɔb.

Daniel 4:17

Uwumbɔr aatuuntiib bi gor bibaa ki lik mbamɔm na aalandak le na. Kina pu na, cha binib mɔmɔk dulnyaa wee mɔmɔk ni bee ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga ŋmaa di mu tii umɔk u gee na, hali unii u binib lik seen u na.’”

Daniel 4:32

Bi ga jenn nyan si binib chee, le aa ni ipeel le ga li kpaan koo tɔb chee, le aa li ŋmɔ timoor ke unaa na ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga di mu tii unii umɔk u gee u na.”

Daniel 4:37

“Le dandana wee, min Nebukadnesar pak ki nyuŋ Paacham Aabɔrkpaan ngbaan ki tii u kipak. Waah ŋani tiwan nimɔk na ye mbamɔn ki tok, le u ga ŋmaa sunn binib bi kpa kigaak na taab.”

Daniel 5:21

Bi nan jenn nyan u binib chee, le waalandak gur bi ke tiwakor aalandak na. U ni ibon i bi timoor ni na, le nan gur koo tɔb chee, ki ŋmɔ timoor ke unaa na, ki doo timoor ni, nibaa aa bii u pu limaln taa pii u. Gbelngbeln na, le u di naadii tii Uwumbɔr u kaa kpa ŋeen aatɔ na, ke uma le joo unibɔn aanaan mɔmɔk, ki ga ŋmaa di mu tii unii umɔk u gee u na.

Daniel 5:23

Aa tun Paacham Aadindaan tiwan ni kaa ŋan na, ki yoor tiyikur ni ŋisambil ŋi nyan ni Waadichal ni na; le sin, ni saaninyuum, ni aapuutiib, ni aabɔtiib nyun ndaan tiyikur ni ŋisambil ngbaan ponn ni, ki pak ŋiwaa ŋi bi di salmaa, ni tikunabr, ni tikumann, ni tikur, ni idɔ, ni ŋitakpal naan ŋi na, ŋiwaa ŋi kaa waa, kaa ŋun tibɔr, kaa nyi nibaa na, kaa tee nyuŋni Uwumbɔr u lik ke aa ga li bi, bee aa ga kpo, ki joo tiwan ni mɔmɔk aa ŋani na.

Tibɔkpiirkaan 11:6

Biseeraadam bilee ngbaan nan kpa mpɔɔn bi kiir utaal u taa nu buyoonn bi bi mooni Uwumbɔr aabɔr na, ki kpa mpɔɔn ki cha nnyun kpaln nsin, ki kpa mpɔɔn ki cha falaa aabɔŋ mɔmɔk lir dulnyaa wee ni, n‑yoonn mumɔk bi gee na.

Tibɔkpiirkaan 8:8

Le Uwumbɔr aatuun leler mu pii waakakaan. Le bi di tiwan ni naahn lijool li gaal mmii na mee lii nnyusakpem ponn ni. Le nnyun ngbaan ligetatar kpaln nsin.