Nnyam 7:16 - Uwumbɔr aagbaŋ

¹⁶ ki bui u ke, ‘Timi Hiibru yaab Aadindaan Uwumbɔr le tun ni mi ke m nan tuk si ke aa cha waanib ngbaan buen ki ti doon u nteersakpiin ni, le ki nan saa din na, saa ŋun tii u.

Nnyam 7:16 ပူးပေါင်းရင်းမြစ်များ

Nnyam 10:3

Moses ni Aaronn nan dii buen ubɔr ngbaan chee, le ki ti bui u ke, “Hiibru yaab Aadindaan Uwumbɔr bui ke, ‘N‑yoonn mulamu aa ga diŋ aasui pu, ki kii tii mi? Cha maanib ngbaan buen, nima kan, bi ga ti ŋmaa doon mi.

Nnyam 13:15

Buyoonn Ijipt aabɔr nan pɔɔk usui, kaa kii ke ti nya waatiŋ ni na, le Uwumbɔr nan ku Ijipt yaab aajan aabijabim mɔmɔk, binib ni tiwakor mu. Nima pu le ti joo kiwakork aajan aabo u ye uja na toor kitork tii Uwumbɔr, le ki tee gir daa timi aajan aabijabim ma.

Nnyam 14:5

Buyoonn ubɔr ngbaan ŋun ke binib na san ŋmar na, le u ni waaninkpiib kpeln bisui le ki kpokl ki bui ke, “Ti ŋa ba kina? Ti cha Israel yaab san ŋmar a, le taa ki kpa binaagbiib.”

Nnyam 3:12

Le Uwumbɔr bui u ke, “M ga li bi aa chee, le buyoonn aa nyan ni bi Ijipt aatiŋ ponn ni na, ni ga li dooni mi lijool lee paab la. Nimina le ga mɔk ke min le tun si.”

Nnyam 3:13

Le Moses giin bui u ke, “M yaa buen Israel yaab chee ki ti bui bi ke, ‘Tiyaajatiib Aawumbɔr le tun ni mi ni chee’ kan, bi ga baa mi ke, ‘Bi yin u kinye?’ Nima pu na, m ga tuk bi kinye?”

Nnyam 3:18

“Maanib ga pel saah ga bui bi pu na. Le aa di baaninkpiib buen Ijipt yaab aabɔr chee ki ti bui u ke, ‘Uwumbɔr, u ye timi Hiibru yaab Aawumbɔr na, uma le di ubaa mɔk timi. Kina pu na, tii timi nsan ti chuun iwiin itaa ki buen nteersakpiin ponn ni ki ti toor kitork tii Uwumbɔr u ye Tidindaan na.’

Nnyam 4:22

Aa ga bui u ke min Uwumbɔr len ke, ‘Israel yaab le ye maajan aabijabo.

Nnyam 4:23

M tuk si, ubɔr, ke aa cha njapɔɔn ngbaan nya ki li cha, nima kan, u ga doon mi ubaa pu, le aa yii. Dandana wee m ga ku saajan aabijabim.’”

Nnyam 7:4

Le m ga cha ntafadaan mu bir ki pɔɔ na lir Ijipt aatiŋ ni, le ki loln ŋinibol ŋi ye maanib na nsan ki nyan bi kitiŋ ngbaan ni.

Nnyam 8:1

Uwumbɔr nan ki bui Moses ke, “Li cha ki ti tuk ubɔr ngbaan ke Uwumbɔr bui ke, ‘Cha maanib ngbaan buen, nima kan, bi ga ti ŋmaa doon mi.

Nnyam 8:20

Uwumbɔr nan ki bui Moses ke, “Fen kichakpiik ni, aa fe pue ki ti to ubɔr buyoonn u cha limɔɔl ni na, aan ki tuk u ke Uwumbɔr bui ke, ‘Cha maanib nya saatiŋ ni, nima kan, bi ga ŋmaa buen ki ti doon mi.

Nnyam 9:1

Uwumbɔr nan bui Moses ke, “Li cha ubɔr ngbaan chee ki ti tuk u ke Hiibru yaab Aadindaan Uwumbɔr bui ke, ‘Cha maanib ngbaan buen, aan ki ti doon mi.

Nnyam 9:13

Uwumbɔr nan ki bui Moses ke, “Fen kichakpiik ni kan, ki buen ubɔr chee ki ti tuk u ke Hiibru yaab Aadindaan Uwumbɔr bui ke, ‘Cha maanib ngbaan buen, nima kan bi ga ŋmaa doon mi.

Aisaya 45:13

Min mbaa le pɔɔk ubɔrkpaan Sairus aataakpab ke u tun maatuln ki cha tiwan mɔmɔk sil chob. M ga naar isan imɔk u chuun i pu aan i gɔr na. U ga gir maa maatiŋ Jerusalem, ki gaa maanib lii. Ubaa aa tii u ipiin ke u di tun lituln limina.” Uwumbɔr Mpɔɔnsakpiindaan le len kina.

Jeremia 50:33

Uwumbɔr Mpɔɔnsakpiindaan len ke, “Bi muk Israel ni Juda aanib la. Binib bi mɔmɔk nyaŋ bi, ki chur bi na kii bi gbingbin, kaan cha bi nya biŋaal ni.