Nnyam 7:13 - Uwumbɔr aagbaŋ

¹³ Nimina mɔmɔk aa nan kpeln ubɔr ngbaan aasui, u nan moo pɔɔk usui ke Uwumbɔr aah len pu na la, waa nan ŋun tii Moses ni Aaronn.

Nnyam 7:13 ပူးပေါင်းရင်းမြစ်များ

2 Bibɔrb Aabɔr 36:13

Sedekia nan nyan Ubɔr Nebukadnesar, u nan cha u puu Uwumbɔr aayimbil pu ke u ga li si uchaŋ ni mbamɔm na aapuwɔb. U nan kpa tafalaaŋun, le ki yii, kaa kpeln waabimbin ki fenn dan Israel yaab Aadindaan Uwumbɔr chee.

Nnyam 10:1

Uwumbɔr nan bui Moses ke, “Buen ki ti kan ubɔr ngbaan. M cha u ni waaninkpiib aasui pɔɔk, nima kan, m ga ŋmaa ŋa lijinjiir aatuln, binib ngbaan aanimbiin ni,

Nnyam 10:20

Uwumbɔr nan ki cha ubɔr aasui ki pɔɔk, le waa kii ke Israel yaab buen.

Nnyam 10:27

Uwumbɔr nan cha ubɔr ngbaan aasui too pɔɔk, le waa kii, ke bi taa nya waatiŋ ponn ni ki buen.

Nnyam 14:17

M ga pɔɔk Ijipt yaab aajab ngbaan aasui, le bi ga paan ni pu, le m ga nyaŋ ubɔr ngbaan, ni waajab, ni waatɔroku tiib, ni bijab bi ŋaal bi na mɔmɔk, ki kan kipak bi pu.

Nnyam 4:21

Uwumbɔr nan ki gir bui Moses ke, “Saah gir cha Ijipt aatiŋ ni dandana wee na, li nyi ki ti ŋa lijinjiir aatun ŋimɔk m tii si mpɔɔn ke aa ti ŋa na. Tɔ, m ga pɔɔk ubɔr ngbaan aasui, le waan tii nimi nsan ke ni buen.

Nnyam 7:12

Bi mu nan di baajaangbar mee lii, le ti kpaln iwaa. Le Aaronn aajaangbeek ki kpaln uwaa na nan chur baawaa na nab.

Nnyam 7:14

Uwumbɔr nan bui Moses ke, “Ubɔr ngbaan aasui pɔɔ pam, le u yii ke binib ngbaan taa buen.

Nnyam 7:22

Ubɔr aanyɔkdam mu nan ŋa kina, le ubɔr ngbaan moo pɔɔk usui sakpen. Le ubɔr ngbaan nan yii, kaa ŋun tii Moses ni Aaronn, ke Uwumbɔr aah tuk bi ke ubɔr ngbaan aan kii ke binib ngbaan buen pu na.

Nnyam 8:11

Aa ni saaninkpiib ni saanib ngbaan ga kan nibaa ŋipulaatal ngbaan chee, le ŋi ga li gur bi Nail aamɔɔl ni baanja.”

Nnyam 8:15

Ubɔr ngbaan aah kan ke ŋipulaatal mɔmɔk kpo doo na, le u ki pɔɔk usui, le ni gbiin Uwumbɔr aah nan tuk Moses ni Aaronn pu na, ke ubɔr ngbaan ga pɔɔk usui kaan tii bi nsan.

Nnyam 8:19

le binyɔkdam ngbaan bui ubɔr ke, “Uwumbɔr le ŋa kina.” Tɔ, hali Uwumbɔr aah ŋa lijinjiir aawan nimina mɔmɔk na, ubɔr ngbaan nan moo pɔɔk usui, le ni gbiin Uwumbɔr aah nan tuk Moses ni Aaronn pu na.

Nnyam 8:28

Ubɔr nan ki bui ke, “Ni yaa kaan buen dandar kan, m ga cha ni buen ti toor kitork nteersakpiin ngbaan ni, ki tii Nidindaan Uwumbɔr. Ni ti mee u tii m mu man.”

Nnyam 9:12

Uwumbɔr nan cha ubɔr ngbaan aasui moo pɔɔk, le ni gbiin waah nan len pu na, ke ubɔr ngbaan aa ŋun tii Moses ni Aaronn.

Nnyam 9:35

kaa cha Israel yaab buen, ke Uwumbɔr aah nan cha Moses len pu na.

Nnyam 9:7

Le ubɔr baa tiwan ni ŋa na, le bi tuk u ke Israel yaab aawakork kibaa aa kpo. Tɔ, u nan pɔɔk usui, le kaa kii ke binib ngbaan nya buen.

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

Rom Yaab 2:5

Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.

Ikaal 2:30

“Le ubɔr Sihonn nan yii, ke ti taa dii waatiŋ ni jer. Nidindaan Uwumbɔr nan cha usui pɔɔk, le u yii Uwumbɔr aamɔb, le Uwumbɔr cha ti nyaŋ u, ki gaa baatiŋ ki ti laa koo ki ponn ni na.

Hiibru Yaab 3:13

Ni li pɔɔk tɔb aataakpab iwiin mɔmɔk, nsan aah laa bi pu buyoonn na, titunwanbir taa ŋmann unii ubaa aan utafal li pɔɔ.

1 Samuel 6:6

Ba ŋa nitafal pɔɔ ke Ijipt aabɔr ni waanib aatafal aah nan pɔɔ pu na? Taa suln man Uwumbɔr aah nan ŋa bi falaa aan ki ti nin cha Israel yaab nyan baatiŋ ponn ni pu na.