Nnyam 6:8 - Uwumbɔr aagbaŋ

⁸ M ga di nimi buen kitiŋ ki m nan puu ke m ga di ki tii Abraham, ni Aisak, ni Jakob na, m ga di ki tii nimi, ki li ye nimi aatiŋ. Min le ye Uwumbɔr.’”

Nnyam 6:8 ပူးပေါင်းရင်းမြစ်များ

Mpiin 14:22

Le Abram bui u ke, “M puu tipuukpaan, Tidindaan Uwumbɔr u kaa kpa ŋeen aatɔ, ki naan paacham ni kitiŋ na aanimbiin ni,

Mpiin 15:18

Nima chee le Uwumbɔr nan puu tipuur tii Abram. U nan bui ke, “M puu ke m ga di kitiŋ kimina tii saamaal, ki yoor Ijipt aatiŋ ki ti saa Yufrates aamɔɔl mɔk,

Mpiin 26:3

Li koo do, le m ga li bi aa chee, ki ŋa tinyoor ŋa aa pu. M ban ke m di kitiŋ kee mɔmɔk tii sin ni aayaabitiib la. Maah nan puu tipuur ti tii aate Abraham na, m ga li joo ti.

Mpiin 28:13

Le u kan ke Uwumbɔr si gbɔk u ki bui u ke, “Min le ye Uwumbɔr, aayaaja Abraham ni aate Aisak Aawumbɔr. M ga di kitiŋ ki aa dɔ ki pu na tii aa ni aayaabitiib.

Mpiin 35:12

M ga di kitiŋ ki m nan di tii aayaaja Abraham ni aate Aisak na di tii si, ni aayaabitiib bi ga paan ni aapuwɔb na.”

Nehemia 9:15

Nkon aah nan joo bi na, aa nan tii bi tijikaar ti nyan ni paacham na, ki tii bi nnyun mu nyan ni litakpal ponn ni na, bi nyun. Aa nan bui bi ke bi li joo kitiŋ ki aa nan puu ke aa ga di tii bi na.

Nnyam 13:5

Uwumbɔr nan puu tipuur tii niyaajatiib ke u ga di kitiŋ ki ye Kanaann yaab, ni Hef yaab, ni Amor yaab, ni Hif yaab, ni Jebus yaab aatiŋ na ki di tii nimi la. U yaa nyan nimi ki joo nimi ti fuu kitiŋ ngbaan ki kpa tiwakor aamoŋmɔpaan ni ŋisubil sakpen na ni na kan, ni pɔɔ nibaa ki li toor Lakr‑jer aajim ngbaan, njan aaŋmal libiln mɔk ni.

Nnyam 32:13

Teer saanaagbiib Abraham, ni Aisak, ni Jakob bɔr. Teer tipuur bamɔnn ti aa nan puu, ke aa ga cha bi maa ki pɔr, ki li wiir ke iŋmabi i bi kitaapaak na, ki di kitiŋ ki aa nan puu ke aa ga di tii bi, aan bi li yeh ki n‑yoonn mu kaa kpa ndoon na bɔr.”

Nnyam 6:2

Uwumbɔr nan len Moses chee ki bui ke, “Min le ye Uwumbɔr.

Nnyam 6:4

M nan ki puu tipuur tii bi ke m ga di Kanaann aatiŋ ki bi nan ye biwɔwɔm ki ponn ni na tii bi.

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Esekiel 20:15

Kina pu le m nan puu tii bi nteersakpiin ni nima chee, ke maan di bi fuu kitiŋ ki kpa tiwakor aamoŋmɔpaan ni ŋisubil sakpen na ki ŋan jer ntim mɔmɔk aan m di tii bi na ni.

Esekiel 20:23

Kina pu na, m nan ki puu tipuur tiken tii bi nteersakpiin ni, nima chee. M nan puu timm ke m ga cha bi yaa koo dulnyaa wee mɔmɔk ni.

Esekiel 20:28

M nan di bi fuu ni kitiŋ ki m nan puu ke m ga di tii bi na pu. Baah kan ŋigongon ŋi paa na, ni isusoon na, le bi toor kitork ni mɔmɔk chee tii ŋiwaa. Bi nan cha maaŋuul fii kitork ki bi di see mmii ni na, ni ndaan mu bi nan joo nan tii ŋiwaa ipiin na pu.

Esekiel 20:42

M yaa nan giin ni nimi Israel aatiŋ ki m nan puu ke m ga di tii niyaajatiib na pu kan, le ni ga bee ke min le ye Uwumbɔr.

Esekiel 36:7

Min, Dindaan Uwumbɔr puu tipuur kpaan ke ŋitimbol ŋi mann goln Israel na ga ji inimɔɔn.

Esekiel 47:14

M nan puu tipuukpaan tii niyaajatiib ke m ga di kitiŋ kimina tii bi; tɔ, yakr ki dee dee tii tɔb man.

Nkahm 10:29

Le Moses bui uchool Jetro, u nan ye Midiann aanii na, aajapɔɔn Hobab ke, “Ti ban ti piin ki buen nin chee Uwumbɔr bui ke u ga di tii timi na la. U puu ke u ga ŋa timi Israel yaab pu tinyoor, nima pu na, li dii timi, aan ti kpaan ji kina aanyoor.”

Nkahm 11:12

Maa naan bi, ki mu le aa cha bi ma bi. Ba ŋa aa cha m kpaln unii u joo bi ŋŋaal ni, ke ubiyoor aah yoo mbim pu na, ki joo ni bi kitiŋ ki aa nan puu ke aa ga di tii biyaajatiib na ni?

Nkahm 14:30

M nan puu ke m ga di kitiŋ ngbaan tii nimi, tɔ, ni ponn ni ubaa aan koo ki ponn ni, see Kaleb ni Josua.

Nkahm 23:19

Uwumbɔr aa ye unii ki geei inyamɔn, waa ye unibɔn le ki kpelni waalandak. U yaa puu ke u ga ŋa pu na kan, see u ŋa kina. U len, le ni ŋani kina.

Ikaal 32:40

Mbamɔn, maah ye Uwumbɔr u bi cha na pu, m yoor ŋŋaal paacham,

Ikaal 4:31

Uma le ye Uwumbɔr u kpa linimbaasaln na. Waan di nimi lii, ki mu aan kuln nimi doo, waan suln tipuur ti u nan puu tii niyaajatiib na.

Josua 24:13

Min le di ikpaakon i naa nan kon i ponn ni kpala na tii nimi, le ki di ntim mu naa nan maa mu na tii nimi. Le dandana wee, ni bi ntim ngbaan ni, ki ji ndaan aasubil, ni olif aakpan aasubil aasui i mu naa nan bun i na.’”

Tibɔkpiirkaan 10:6

ki puu Uwumbɔr u bi n‑yoonn mu kaa kpa ndoon na, ki nan naan paacham ni tiwan nimɔk bi ni ponn ni na, ni kitiŋ ni tiwan nimɔk bi kitiŋ pu na, ni nnyusakpem, ni tiwan nimɔk bi mu ponn ni na, ke Uwumbɔr aan ki taan.

1 Samuel 15:29

Israel yaab Aawumbɔr u ye Ubɔrkpaan na aa mɔnn inyamɔn, kaa kpeln waalandak. Waa ye unibɔn, waan kpeln waalandak.”