Nnyam 6:6 - Uwumbɔr aagbaŋ

⁶ Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Nnyam 6:6 ပူးပေါင်းရင်းမြစ်များ

2 Bibɔrb 17:36

Ni li kii min u di mpɔɔn ni liyabr nyan ni nimi Ijipt aatiŋ ni na aamɔb; ni li gbaani nnimbiin ni, ki toor kitork tii mi.

1 Bibɔrb Aabɔr 17:21

Litimbol libaa aa ki bi kitiŋ kee pu ke Israel aatimbol li aa nyan li tinaagbiir ni, ki di li ŋa aabaa aanib na. Saah tun lijinjiir ni litusakpeln li tii bi na cha saayimbil yaa koo dulnyaa wee mɔmɔk ni. Saanib bi aa nyan ni bi Ijipt ni ke bi nan li ye saanib na, yaa paan cha kan, le aa jenn ŋitimbol ŋiken.

Nehemia 1:10

“Uwumbɔr, binib bee ye saanaagbiib la, le ki ye sin aabaa aanib. Aa di saapɔɔn sakpiin gaa bi lii.

Ilahn 77:16

Uwumbɔr, nnyun aah kan si na, le ijawaan chuu mu, le nnyusakpem aataab deŋni,

Ilahn 81:11

Le maanib aa ŋun tii mi; Maanib Israel yaab aa kii tii mi.

Ilahn 81:6

“M chuu gaa nimi aatun ŋi nyuun na; m cha ni tuur nimi aatun ŋi nyuun ki ye ŋitambil na bil.

Ilahn 81:7

Buyoonn ni nan bi tibɔr ni na, le ni nan yin mi, le m gaa nimi lii. M nan bi maabɔbɔryaan mu ye kitaabuŋ ni na, le ki kii nimi aayim ngbaan. M nan tɔŋ nimi Meriba aanyunbun na chee.

Nnyam 1:11

Nima pu na, Ijipt yaab nan nyan baanib le bi lik Israel yaab ki cha bi tun lituln li pɔɔ na, ki ŋani bi falaa sakpen. Bi nan cha Israel yaab le maa ntisakpem mulee mu bi yin mu ke Pitom ni Rameses na, ntim ngbaan nan ye nin chee ubɔr nan joo waajikaar ni waawan mɔmɔk bilni na la.

Nnyam 12:41

Nwiin mundaal ŋibin ikui inaa ni piitaa doo na, le Uwumbɔr aanibol aanib ngbaan nan nyan Ijipt aatiŋ ponn ni.

Nnyam 12:51

Liyaadaal ngbaan le Uwumbɔr nan nyan Israel aanibol Ijipt aatiŋ ni.

Nnyam 13:14

N‑yoonn mu choo na, saabijabo yaa baa si naatataa kan, aa bui u ke, ‘Uwumbɔr nan di waapɔɔn le nyan ni timi Ijipt aatiŋ ni, nin chee ti nan ye binaagbiib na.

Nnyam 13:16

Ti ŋani kina le ki teer, le ni naahn ke taah di tiwan nibaa le gbin tiŋaal, bee ti di tam tiyigbeer na; ni cha ti teer ke Uwumbɔr le di waapɔɔn sakpiin na nyan ni timi Ijipt aatiŋ ni.’”

Nnyam 13:3

Moses nan bui binib ngbaan ke, “Teer nwiin mue daal man, nwiin mundaal ni nyan Ijipt aatiŋ ni, nin chee ni nan ye binaagbiib na. Nwiin mue daal le Uwumbɔr di waapɔɔn nyan ni nimi. Ni taa ji boroboro u kpa boroboro aanyɔk na.

Nnyam 15:13

Saah puu tipuur ti na aa beer fam, sin le loln saanib bi aa gaa bi lii na pu nsan, saapɔɔn ni le aa joo saanib, bi ti koo saatiŋ ki bi chain na ni.

Nnyam 16:6

Le Moses ni Aaronn nan bui Israel yaab tibɔr ngbaan ke, “Kijook kee le ni ga bee ke Uwumbɔr le nyan ni nimi Ijipt aatiŋ ponn ni ki joo nimi.

Nnyam 18:1

Moses aachool uja Jetro, u ye Midiann aatiŋ aatotoor na, nan ŋun Uwumbɔr aah di Moses tun pu na mɔmɔk, aan ki cha u nyan ni Israel yaab Ijipt aatiŋ ponn ni pu na.

Nnyam 2:11

Buyoonn Moses muun ki ŋa uja na, le u nyan ubɔr aabisal do ki buen u ti mann waanib Israel yaab, le ki ti kan waanib aah kpa falaa pu na. Hali u nan si nibaa chee ki kan Ijipt aanii aah ku Hiibru aanii ubaa pu na, u nan ye Moses aado yoo la.

Nnyam 3:17

M dakl ke m ga nyan bi Ijipt aatiŋ ni, nin chee bi ŋani bi falaa na, ki di bi buen kitiŋ ki kpa tiwakor aamoŋmɔpaan ni ŋisubil sakpen na, kitiŋ ki ye Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab aatiŋ na pu.

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Nnyam 32:11

Tɔ, Moses nan gaŋ Udindaan Uwumbɔr le ki bui ke, “Uwumbɔr, ba ŋa aa cha saaŋuul fii saanib pu sakpen kina, naa ye saapɔɔn sakpiin pu le aa nan di nyan ni bi Ijipt aatiŋ ni ii?

Nnyam 6:2

Uwumbɔr nan len Moses chee ki bui ke, “Min le ye Uwumbɔr.

Nnyam 6:29

u nan len ke, “Min le ye Uwumbɔr. Tuk Ijipt yaab aabɔr ngbaan maah ga len pu na.”

Nnyam 6:8

M ga di nimi buen kitiŋ ki m nan puu ke m ga di ki tii Abraham, ni Aisak, ni Jakob na, m ga di ki tii nimi, ki li ye nimi aatiŋ. Min le ye Uwumbɔr.’”

Nnyam 7:4

Le m ga cha ntafadaan mu bir ki pɔɔ na lir Ijipt aatiŋ ni, le ki loln ŋinibol ŋi ye maanib na nsan ki nyan bi kitiŋ ngbaan ni.

Nnyam 7:5

Buyoonn m daa Ijipt yaab aatafal ki nyan Israel yaab baatiŋ ni na, le Ijipt yaab ga bee ke min le ye Uwumbɔr.”

Aisaya 9:12

Siria yaab ga nyan ni liwipuul wɔb, le Filistia yaab mu nyan ni liwilir wɔb, ki waa bimɔi ki ban bi. Nimina aapuwɔb na, Uwumbɔr aaŋuul aan kee sɔŋ; u beenin ban ke u daa bitafal.

Aisaya 9:17

Kina pu na, Uwumbɔr aan cha unachipɔɔn ubaa ŋmar. Waan san nkpobim ni bikpopiib kinimbaak; ba pu? binib ngbaan mɔmɔk aa dii Uwumbɔr aasan; bi kpa mbiin, le baaliin mɔmɔk ye tibɔbir. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Aisaya 9:21

Manase aanib ni Efraim aanib ga to tɔb butɔb, le ki ki gir kpaan ki to Juda yaab butɔb. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Jeremia 21:5

M ga di maapɔɔn mɔmɔk, ni maaŋuusakpeln na mɔmɔk jan si kijaak.

Jeremia 27:5

“Maapɔɔnsakpiin pu le m naan dulnyaa wee, ni unibɔn, ni tiwakor ti mɔmɔk bi kitiŋ pu na; le ki joo ki tii unii umɔk m gee na.

Jeremia 32:21

Saajinjiir ni iwaan aatun le nan cha ijawaan chuu timi aadim, le aa di saapɔɔn nyan ni saanib Israel yaab, Ijipt aatiŋ ni.

Esekiel 20:33

“Maah ye Nidindaan Uwumbɔr ki bi n‑yoonn mɔmɔk na, m sak nimi ke maaŋuul ponn ni, m ga di maapɔɔn joo nimi, aan ni li pɔɔ ni pu.

Lituln 13:17

Timi Israel yaab Aawumbɔr nan nyan tiyaajatiib. Bi nan ye bicham le Ijipt aatiŋ ni. Baah bi nima na, le Uwumbɔr ter bi, ki cha bi pɔr. Le Uwumbɔr nyan bi Ijipt aatiŋ ni, ki mɔk Ijipt aatiŋ aanib waapɔɔn sakpiin.

Ikaal 11:2

Din wee, ni teer naah bee Uwumbɔr aabimbin, waah tun ŋitukpaan ŋi ni chee na pu. Naa ye nimi aabim le kan, nimi le nan kan ŋitukpaan ngbaan.

Ikaal 15:15

Teer ke ni mu nan ye binaagbiib le Ijipt aatiŋ ni, le Nidindaan Uwumbɔr gaa nimi lii, nima pu le m joo nkaal ngbaan tuk ni mu.

Ikaal 26:8

Le u di waapɔɔnsakpiin na nyan timi Ijipt yaab aaŋaal ni. U nan cha iwaan ni lijinjiir aawan ŋa, le ki cha ijawaan aawan ŋa nima chee.

Ikaal 4:23

Ni pɔɔn nibaa, ki taa suln tipuur ti Nidindaan Uwumbɔr nan puu tii nimi na. Ni kii waamɔb, ki taa naan liwaal libaa tii nibaa.

Ikaal 4:34

Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.

Ikaal 5:15

Teer man ke ni mu nan ye binaagbiib le Ijipt aatiŋ ni, le min, Nidindaan Uwumbɔr di maapɔɔn sakpiin na nyan ni nimi. Nima pu le m bui nimi ke ni li joo Likpaakool daal mbamɔm.

Ikaal 6:12

ni li nyi ki taa suln Uwumbɔr u nyan nimi Ijipt yaab aaŋaal ni na, nin chee ni nan ye binaagbiib na, aabɔr.

Ikaal 7:19

Ni teer tiwanbir ti ninimbigbaŋ nan kan na, ni laasib, ni iwaan aawan, ni mpɔɔn sakpiin mu Nidindaan Uwumbɔr nan di gaa nimi lii na. Waah nan ŋa pu ki bii Ijipt yaab na, u ga ki ŋa kina le ki kuln binib bi ni san bi ijawaan na.

Ikaal 7:8

Uwumbɔr tee gee nimi, le ki ban ke u li joo tipuur ti u nan puu tii niyaajatiib na. Nima pu le u di waapɔɔn sakpiin na nyan nimi tinaagbiir ni, ki gaa nimi lii Ijipt yaab aabɔr chee.

Ikaal 9:29

Ni ye mbamɔn ke binib bee le aa nyan bi ke bi li ye saanib, le ki di saapɔɔn sakpiin na nyan ni bi Ijipt aatiŋ ni.’