Nnyam 6:3 - Uwumbɔr aagbaŋ

³ Min Uwumbɔr Mpɔɔnsakpiindaan nan dan Abraham, ni Aisak, ni Jakob chee, le maa nan cha bi bee maayimbil li ye M‑ye‑na.

Nnyam 6:3 ပူးပေါင်းရင်းမြစ်များ

Mpiin 13:18

Le Abram buen ti kal isui sakpiin i bi yin i ke Mamre aasui na chee, Hebronn aatiŋ ni, le ki maa kitork aabimbiln, le ki doon Uwumbɔr nima chee.

Mpiin 17:1

Buyoonn Abram nan ti saa ŋibin imonko inaa ni kipiik ni ŋiwae na, le Uwumbɔr nan dan u chee ki nan bui u ke, “Min le ye Uwumbɔr Mpɔɔnsakpiindaan. Tii mi naadii, ki li ŋani ni ŋan na n‑yoonn mɔmɔk.

Mpiin 22:14

Abraham nan yin nima chee ke, “Uwumbɔr le tii.” Ki nan saa din binib beenin len ke, “Uwumbɔr aajool paab le u tii.”

Mpiin 28:3

Uwumbɔr Mpɔɔnsakpiindaan ŋa tinyoor ŋa aa ni aapuu pu, ki cha ni maa pɔr sakpen, nima kan, aa ga li ye ŋitimbol pam aate.

Mpiin 35:11

Le Uwumbɔr nan bui u ke, “Min le ye Uwumbɔr Mpɔɔnsakpiindaan. Maa, ki pɔr, ki li kpa mbim. Aayaabitiib le ga li ye ŋitimbol pam, le aa ga li ye bibɔrb aayaaja.

Mpiin 48:3

Le Jakob bui Josef ke, “Uwumbɔr Mpɔɔnsakpiindaan nan dan m chee Lus aatiŋ ki bi Kanaann aatiŋ ni na, le ki nan ŋa tinyoor ŋa m pu.

Ilahn 68:4

Gaa ilahn tii Uwumbɔr man, gaa ilahn ki pak waayimbil man; toor nsan tii Uwumbɔr u chuun ntaalangbam pu na man. Waayimbil le ye Uwumbɔr, cha nisui li piin unimbiin ni man.

Ilahn 83:18

Cha bi bee ke sin baanja le ye Uwumbɔr, ki ye kitiŋ kee aayidaan u kaa kpa ŋeen aatɔ na.

Nnyam 15:3

Uwumbɔr ye u ŋmaa to butɔb na la, waayimbil le ye Uwumbɔr.

Nnyam 23:21

Ni ŋun tii u, ki kii waamɔbon. Ni taa ŋa tafalaaŋun u chee; ba pu? min le tun ni u, le waan di cha pinn tafalaaŋundaan aatunwanbir.

Nnyam 3:14

Le Uwumbɔr bui u ke, “M ye maah ye u na la. Aa tuk bi ke ‘Baah yin u ke M‑ye‑na le tun ni si.’

Aisaya 42:8

Min baanja le ye Nidindaan Uwumbɔr. M ni liwaal libaa aan ŋmaa kpaan maapak; Maan yakr maah kpa kipak ki na tii liwaal libaa.

Aisaya 44:6

Uwumbɔr u joo ki kii Israel yaab na, Uwumbɔr Mpɔɔnsakpiindaan kpa tibɔr tee u len ke: “Min le ye mpiin ngbaan ni ndoon ngbaan, min baanja le ye Uwumbɔr; Uwumbɔr uken aa ki bi ki kpee m pu.

Jeremia 16:21

Le Uwumbɔr bui ke, “Kina pu na, m ga cha ŋitimbol bee maah kpa mpɔɔn ni liyimbikpaan pu na; bi ga bee ke min le ye Uwumbɔr.”

Jeremia 33:2

Uma u aayimbil ye Uwumbɔr, aan u naan taab, ki toor, ki di ki siin na, nan len m chee tibɔr ke,

Esekiel 20:5

Tuk bi maah bi len pu na. Maah nan lee Israel aanibol na, m nan puu tipuur tii bi. M nan di mbaa mɔk bi, Ijipt aatiŋ ni, ki bui bi ke: Min le ye Nidindaan Uwumbɔr.

Esekiel 37:13

M yaa chuu biir ŋikaakul ŋi ponn ni bi di maanib sub na ki nyan ni bi kan, bi ga bee ke min le ye Uwumbɔr.

Esekiel 37:6

M ga tii nimi ŋigiinjal ni tigir, ki ban tiwon aagban biin ni pu. M ga di kifuurk ŋa ni ponn ni ki ki giin ni nimi limɔfal ni. N‑yoonn ngbaan le aa ga bee ke min le ye Uwumbɔr.”

Jɔnn 8:58

Le u bui bi, “M tuk nimi mbamɔn la, baah kaa nan kee ma Abraham buyoonn na, m nan bi.”

Tibɔkpiirkaan 1:4

Min Jɔnn le ŋmee kigbaŋ kee ke m tii Yesu aanib bi bi Asia aatim mulole ni na. Uwumbɔr u nan bi, ki beenin bi, ki ga li bi n‑yoonn mu kaa kpa ndoon na, ni Waafuur mulole mu bi waabɔrjal chee na, ni Yesu Kristo, ŋa tinyoor ŋa ni pu, ki tii nimi nsuudoon. Yesu Kristo len mbamɔn, ki puen fikr nkun ni, ki ye dulnyaa wee ni aabɔrb aayidaan. U gee timi la, ki di waasin finn timi, ki nyan timi titunwanbir ni, ki gaa timi lii,

Ruf Aagbaŋ 1:20

Le Naomi bui ke, “Taa ki yin mi ke Naomi, ni li yin mi ke Mara, ba pu? Uwumbɔr Mpɔɔnsakpiindaan cha mmɔb ponn ni toŋ.