Nnyam 6:20 - Uwumbɔr aagbaŋ

²⁰ Amram nan yoor ute aaninkpan Jokebed, le u ma Aaronn ni Moses. Amram nan bi ki ti saa ŋibin nkub ni piitaa ni ŋilole la.

Nnyam 6:20 ပူးပေါင်းရင်းမြစ်များ

1 Bibɔrb Aabɔr 23:13

Ujapɔpol Amram le nan ma Aaronn ni Moses. Uwumbɔr le nan nyan Aaronn ni uyaabitiib ke bi li joo Uwumbɔr Aadichal ni aawan ni bi chain na, ki ti saa n‑yoonn mu kaa kpa ndoon na. Bima le nan ki joo tulalee aayon ŋani mmii ni, ki dooni Uwumbɔr, ki tun waatuln na. Bima le mee Uwumbɔr aanyoor ŋani binib pu waayimbil ni.

Nnyam 6:16

Liifai nan kpa mbijabim bitaa la, baayimbil sɔ: Gesonn, ni Kohaf, ni Merari. Liifai aamaal le na. Liifai nan bi ki ti saa ŋibin nkub ni piitaa ni ŋilole la.

Nnyam 6:18

Kohaf nan kpa mbijabim binaa la, baayimbil sɔ: Amram, ni Isar, ni Hebronn, ni Usiel. Kohaf nan bi ki ti saa ŋibin nkub ni piitaa ni ŋitaa la.

Nkahm 26:58

Baamaal ni aanib biken le nan ki ye imaal waatiir i bi yin bi ke Libni, ni Hebronn, ni Mali, ni Musi, ni Kora aataŋaal na. Kohaf le nan ye Amram aate,

Nkahm 26:59

uma le nan joo Liifai yaab aapiibo u bi nan yin u ke Jokebed, aan bi nan ma u Ijipt aatiŋ ni na. Upii ngbaan nan ma mbijabim mulee le tii Amram, bi nan yin bi ke Moses ni Aaronn, le ki ma upiibo u bi nan yin u ke Miriam na mu.

Nkahm 3:1

N‑yoonn mu Uwumbɔr nan len Moses chee tibɔr Sainai Aajool pu na, Aaronn ni Moses aamaal aah nan ye pu na sɔ:

Josua 21:4

Liifai aamaal mu nan ye Kohaf aataŋaal ni yaab na le bi nan pue tii ntim. Utotoor Aaronn aamaal nan kan ntim kipiik ni mutaa. Mu nan bi Juda, ni Simeonn, ni Benjaminn aanibol aapepel ni la.