Nnyam 6:2 - Uwumbɔr aagbaŋ

² Uwumbɔr nan len Moses chee ki bui ke, “Min le ye Uwumbɔr.

Nnyam 6:2 ပူးပေါင်းရင်းမြစ်များ

Mpiin 15:7

Uwumbɔr nan ki bui u ke, “Min le ye Uwumbɔr u nyan ni si Ur aatiŋ, ki ye Babiloŋ yaab aatiŋ na ni, le ki di kitiŋ kimina tii si, ke ki li ye siyaan.”

Nnyam 12:12

“Kinyeek ngbaan le m ga chuun Ijipt aatiŋ ni, ki ku njan aabijabim mɔmɔk, binib ni tiwakor mɔmɔk, ki daa Ijipt yaab aawaa aatafal. Min le ye Uwumbɔr.

Nnyam 14:18

N‑yoonn mu m nyaŋ bi na, le Ijipt yaab ga bee ke min le ye Uwumbɔr.”

Nnyam 15:3

Uwumbɔr ye u ŋmaa to butɔb na la, waayimbil le ye Uwumbɔr.

Nnyam 17:1

Israel yaab mɔmɔk nan nyan Sinn aateersakpiin ngbaan ni, le ki chuun ki gonni ke Uwumbɔr aah siin pu na. Bi nan kal Refidim aatiŋ ni, le nnyun aa nan bi nima bi nyu.

Nnyam 20:2

“Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Nnyam 3:14

Le Uwumbɔr bui u ke, “M ye maah ye u na la. Aa tuk bi ke ‘Baah yin u ke M‑ye‑na le tun ni si.’

Nnyam 3:15

Tuk Israel yaab ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na le tun ni si bi chee. Bi ga li yin mi kina le n‑yoonn mu kaa kpa ndoon na. Kina le n‑yoonn mu choo na aanib ga li yin mi.

Nnyam 6:29

u nan len ke, “Min le ye Uwumbɔr. Tuk Ijipt yaab aabɔr ngbaan maah ga len pu na.”

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Nnyam 6:8

M ga di nimi buen kitiŋ ki m nan puu ke m ga di ki tii Abraham, ni Aisak, ni Jakob na, m ga di ki tii nimi, ki li ye nimi aatiŋ. Min le ye Uwumbɔr.’”

Aisaya 42:8

Min baanja le ye Nidindaan Uwumbɔr. M ni liwaal libaa aan ŋmaa kpaan maapak; Maan yakr maah kpa kipak ki na tii liwaal libaa.

Aisaya 43:11

Min baanja le ye Uwumbɔr. Min baanja le ga ŋmaa gaa nimi lii.

Aisaya 43:15

Min le ye Nidindaan Uwumbɔr u bi chain na. Min le naan nimi Israel yaab, ki ye nimi aabɔrkpaan.”

Aisaya 44:6

Uwumbɔr u joo ki kii Israel yaab na, Uwumbɔr Mpɔɔnsakpiindaan kpa tibɔr tee u len ke: “Min le ye mpiin ngbaan ni ndoon ngbaan, min baanja le ye Uwumbɔr; Uwumbɔr uken aa ki bi ki kpee m pu.

Jeremia 9:24

Unii umɔk ban u li kpa kipupuk na u li kpa kipupuk ke u nyi min Uwumbɔr, ba pu? maageehm bi n‑yoonn mɔmɔk la, le m ŋani tiwan ni tok ki ye ibamɔn na. Tiwan ni piir nsui na le na. Min Uwumbɔr le len kina.”

Esekiel 20:5

Tuk bi maah bi len pu na. Maah nan lee Israel aanibol na, m nan puu tipuur tii bi. M nan di mbaa mɔk bi, Ijipt aatiŋ ni, ki bui bi ke: Min le ye Nidindaan Uwumbɔr.

Malakai 3:6

“Min le ye Uwumbɔr, maa kpelni. Kina pu na, nimi, Jakob aayaabitiib aa kee kuln doo.