Nnyam 6:1 - Uwumbɔr aagbaŋ

¹ Uwumbɔr nan bui Moses ke, “Dandana wee, aa ga kan maah ga ŋa ubɔr ngbaan pu na. M ga muk u aan u cha maanib ngbaan buen. Mbamɔn, m ga muk u pam, le uma ubaa ga bui binib ngbaan ke bi nya waatiŋ ponn ni.”

Nnyam 6:1 ပူးပေါင်းရင်းမြစ်များ

2 Bibɔrb 7:19

Waah len kina na, le uninkpel ngbaan mu len ke, “Hali Uwumbɔr ubaa le yaa kpaan cha njikaabim fuu ni kan, kina aan ŋmaa ŋa.” Le Elaisa gar u ke, “Aa ga kan kina bi ŋani, le aa ma aan tee ji tijikaar ngbaan tibaa.”

2 Bibɔrb 7:2

Ubɔr aajɔ nan bui Elaisa ke, “Hali Uwumbɔr ubaa le yaa kpaan cha njikaabim fuu ni kan, kina aan ŋmaa ŋa.” Le Elaisa gar u ke, “Aa ga kan kina bi ŋani, le aa ma aan tee ji tijikaar ngbaan tibaa.”

2 Bibɔrb Aabɔr 20:17

Naa ye ke nimi le ga jan butɔb bue ni. Nima li cha ki ti lul sil ki li kii; ni ga kan ke Uwumbɔr tii nimi linyaŋ a. Juda ni Jerusalem aanib, taa joo beeni ki taa san ijawaan man. Nya buen butɔb ni man, le Uwumbɔr ga li bi ni chee.”

Ilahn 12:5

Le Uwumbɔr bui ke, “Tɔ, m ga dan dandana wee, ba pu? binib bi kaa kpa na bi limukl ni la, le baah muk bi pu na, bi ker iween aadun. M ga tii bi lifuur li bi wii ban n‑yoonn mɔmɔk na.”

Ilahn 12:6

Aa ga ŋmaa tii Uwumbɔr aah len pu na naadii; waah len pu na ye ibamɔn ke tikunabr ti bi pun ti mmii ni nfum mulole ke bi nyan taajɔŋ na la.

Ilahn 136:12

U nan di waaŋaal mu kpa mpɔɔn sakpen na le ŋa kina; waageehm aa kpa ndoon.

Ilahn 89:13

Saapɔɔn nyaŋ a. Aa kpa mpɔɔn sakpen a.

Nnyam 11:1

Uwumbɔr nan bui Moses ke, “Ntafadaan mubaa le gur, le m ga di daa ubɔr ngbaan ni waanib Ijipt yaab aatafal. Nee aapuwɔb na, u ga cha ni nya ki buen. Mbamɔn, u ga jenn nimi ke ni nya waatiŋ ponn ni.

Nnyam 12:31

Kinyeek ngbaan le ubɔr nan tun yin ni Moses ni Aaronn ki bui bi ke, “Li chaa nya man, ni ni Israel yaab. Nya man maatiŋ ni, li cha ki ti doon Uwumbɔr naah ban pu na.

Nnyam 12:33

Ijipt yaab nan muk bi ke bi ŋa mala mala ki nya baatiŋ ponn ni. Bi nan bui ke, “Ni yaa kaa nyan timi aatiŋ ni kan, ti ga kpoi doo.”

Nnyam 12:39

Bi nan di boroboro aayon mu kaa kpa nnyɔk na le ki ŋa boroboro, ba pu? bi nan jenn nyan bi Ijipt aatiŋ ni mala sakpen, nima pu le baa nan ŋmaa gor ki ŋa tijikaar waahr le ki nin nyan Ijipt aatiŋ ni.

Nnyam 13:14

N‑yoonn mu choo na, saabijabo yaa baa si naatataa kan, aa bui u ke, ‘Uwumbɔr nan di waapɔɔn le nyan ni timi Ijipt aatiŋ ni, nin chee ti nan ye binaagbiib na.

Nnyam 13:16

Ti ŋani kina le ki teer, le ni naahn ke taah di tiwan nibaa le gbin tiŋaal, bee ti di tam tiyigbeer na; ni cha ti teer ke Uwumbɔr le di waapɔɔn sakpiin na nyan ni timi Ijipt aatiŋ ni.’”

Nnyam 13:3

Moses nan bui binib ngbaan ke, “Teer nwiin mue daal man, nwiin mundaal ni nyan Ijipt aatiŋ ni, nin chee ni nan ye binaagbiib na. Nwiin mue daal le Uwumbɔr di waapɔɔn nyan ni nimi. Ni taa ji boroboro u kpa boroboro aanyɔk na.

Nnyam 13:9

Ni yaa ti ŋa kina kan, le ni ga teer nimi; ni ga li naahn ke naah di tiwan nibaa le gbin niŋaal pu, bee ni di tam niyigbeer na la, ni ga teer nimi, le ni ga li len ki bae Uwumbɔr aakaal, ba pu? Uwumbɔr le di waapɔɔn nyan ni nimi Ijipt aatiŋ ni.

Nnyam 14:13

Moses nan giin bui bi ke, “Taa san ijawaan man. Sil chob man, ni ga kan Uwumbɔr aah ga ŋa pu ki gaa nimi lii din wee na. Naan ki kan Ijipt yaab bee daalbaadaal.

Nnyam 15:6

Uwumbɔr, saaŋangii le tun mpɔɔn aatuln li kpa kipak na; muma le kool saadim aakpab yuk yuk.

Nnyam 7:4

Le m ga cha ntafadaan mu bir ki pɔɔ na lir Ijipt aatiŋ ni, le ki loln ŋinibol ŋi ye maanib na nsan ki nyan bi kitiŋ ngbaan ni.

Nnyam 7:5

Buyoonn m daa Ijipt yaab aatafal ki nyan Israel yaab baatiŋ ni na, le Ijipt yaab ga bee ke min le ye Uwumbɔr.”

Aisaya 63:12

Uwumbɔr u nan tii Moses waapɔɔn sakpiin ki nan yakr nnyusakpem nfum mulee aan waanib dii jer, ki ti kan liyimbil li kaa kpa ndoon ki tii ubaa na bi la chee?” Uwumbɔr aah nan loln bi pu nsan na, bi nan chuun ke timoor ni aataan na, kaa gbeer nibaa.

Nkahm 11:23

Le Uwumbɔr giin baa u ke, “Aa nyi maapɔɔn mɔk aa? Naan yunn le aa ga kan ke maah len pu na ga ŋa aan naan ŋa.”

Nkahm 23:23

Nnyɔk mubaa aa bi, le kisook mu aa bi ki ga ŋmaa ŋa Israel yaab nibaa. Binib ga len Israel yaab aabɔr ke, ‘Lik Uwumbɔr aah ŋa pu tii bi na.’

Lituln 13:17

Timi Israel yaab Aawumbɔr nan nyan tiyaajatiib. Bi nan ye bicham le Ijipt aatiŋ ni. Baah bi nima na, le Uwumbɔr ter bi, ki cha bi pɔr. Le Uwumbɔr nyan bi Ijipt aatiŋ ni, ki mɔk Ijipt aatiŋ aanib waapɔɔn sakpiin.

Ikaal 32:39

Min baanja le ye Uwumbɔr, ubaa aa ki bi; ŋiwaa ye nnyamɔn aawan la. Min le ga ku unii, min le ga tii unii limɔfal, min le tii unii iween, min le sɔŋni unii aaween, le ubaa aan ŋmaa kpak mi maatuln ni.

Ikaal 4:34

Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.