Nnyam 5:6 - Uwumbɔr aagbaŋ

⁶ Liyaadaal ngbaan le ubɔr bui Ijipt yaab ni Israel yaab bi joo binaagbiib bi tun lituln na ke:

Nnyam 5:6 ပူးပေါင်းရင်းမြစ်များ

2 Bibɔrb Aabɔr 26:11

U nan kpa butɔb aajab bi ŋeer bi buen butɔb ni na pam. Binib bi nan kahn ki nyi bijab ngbaan mɔk na le nan ye waagbaŋmeeb Jeyel ni Maaseya, le Hanania ye baaninkpel. Hanania nan ye ubɔr aaninkpiib ponn ni ubaa la.

Nnyam 1:11

Nima pu na, Ijipt yaab nan nyan baanib le bi lik Israel yaab ki cha bi tun lituln li pɔɔ na, ki ŋani bi falaa sakpen. Bi nan cha Israel yaab le maa ntisakpem mulee mu bi yin mu ke Pitom ni Rameses na, ntim ngbaan nan ye nin chee ubɔr nan joo waajikaar ni waawan mɔmɔk bilni na la.

Nnyam 3:7

Le Uwumbɔr bui u ke, “M kan maanib aah bi ji falaa Ijipt yaab aaŋaal ponn ni pu na. M ŋun bi wii ki ban unii u ga gaa bi lii na. M nyi baafalaa mɔmɔk aabɔr.

Nnyam 5:10

Le binib bi joo binaagbiib na, ni Israel yaab bi mɔk biken lituln na buen ti tuk Israel yaab ke, “Dandana wee na ubɔr bui ke ti taa ki tii nimi ntɔm, ni li joo ŋani ŋitambil.

Nnyam 5:19

Binib ngbaan nan bee ke falaa pii bi a; ba pu? ubɔr ngbaan nan bui bi ke bi buen ti ban ntɔm ki ki ŋa ŋitambil ŋi li wiir ke baah nan ti ŋani pu na.

Nnyam 5:7

“Taa ki tii Israel yaab ntɔm mu bi joo ŋmalni ŋitambil ni na. Cha bima bibaa buen ti ban ni ntɔm ngbaan,

Ŋiyataŋak 12:10

Uninyaan lik waawakor mbamɔm la, le bibiindam ma ŋani baawakor mbiin.

Nkahm 11:16

Le Uwumbɔr bui Moses ke, “Kuun ni binib bi aa nyi Israel yaab ponn ni, aan bi ye biyidam na, ki li joo ni bi m chee, Maabool aabisamɔb chee, aan ki cha bi nan sil gbaŋ si.

Ikaal 1:15

Nima pu na, m nan di binib bi kpa nlan, ki nyi mbimbin mbamɔm, aan ni nan nyan bi nimi aanibol ni ki di bi tii mi na, ki di nimi kpaan bi. Bibaa nan lik nimi binib lichur, biken mu binib nkub, le biken mu binib piiŋmu, biken mu kipiik. M nan ki nyan biyidam bibaa mu ke bi li lik ŋinibol ngbaan mɔmɔk.

Ikaal 16:18

“Nyan bibɔjirb, ni biyidam kaan ntim mu Nidindaan Uwumbɔr di tii nimi na mɔmɔk ni. Binib ngbaan li ji tibɔr, ki taa li kpa imaagann.

Josua 24:1

Josua nan kuun Israel aanibol ngbaan mɔmɔk dan ubaa chee Sekem aatiŋ ni. U nan yin baaninkpiib, ni baasalolm, ni baabɔjirb, ni baayidam, le bi mɔmɔk kuun ni Uwumbɔr aanimbiin ni.

Josua 24:4

le Aisak mu ma Jakob ni Esɔ. Le m nan di ŋigongon aatiŋ ki bi yin ki ke Edom na ki di tii Esɔ, u li joo, le niyaaja Jakob ni waabim nan buen Ijipt aatiŋ ni.

Josua 8:33

Le Israel yaab, ni baaninkpiib, ni baayidam, ni baabɔjirb, ki kpee biwɔwɔm bi nan bi bi chee na, nan sil Uwumbɔr Aakaal Aadakaa aapepel mɔmɔk ŋilee pu, ki lik bitotoorb bi nan si tu Dakaa ngbaan na. Ligeln libaa nan si, le bipuwɔb kpaa Gerisim Aajool wɔb, le ligeln liken mu aanib si, bipuwɔb kpaa Ebal Aajool wɔb. Uwumbɔr aatutunn Moses le nan bui bi ke n‑yoonn yaa nan ŋeer bi gaa Uwumbɔr aanyoor kan, bi ŋa kina.