Nnyam 5:3 - Uwumbɔr aagbaŋ

³ Moses ni Aaronn nan giin bui u ke, “Timi Hiibru yaab Aawumbɔr le di ubaa mɔk timi. Kii tii timi ki cha ti chuun iwiin itaa ki buen kipɔɔk ni, ki ti toor kitork tii Tidindaan Uwumbɔr. Ti yaa kaa ŋa kina kan, u ga di iween, bee butɔb le ku timi.”

Nnyam 5:3 ပူးပေါင်းရင်းမြစ်များ

2 Bibɔrb 17:25

Baah nan puen kal nima chee na, baa nan dooni Uwumbɔr, kina pu le u nan cha ichinn dan ki nan ku bi ponn ni bibaa.

2 Bibɔrb Aabɔr 30:8

Taa li kpa tafalaaŋun ke baah nan kpa pu na man, ni tee kii Uwumbɔr aamɔb. Dan man Uwumbɔr Aadichal li Nidindaan Uwumbɔr ŋa li chain n‑yoonn mɔmɔk aan li bi Jerusalem ni na ni, ki nan doon u aan waaŋuul sɔŋ ni pu.

Esra 7:23

Aa tii tiwan ni mɔmɔk Uwumbɔr u bi Paacham na ban Waadichal ni na, ki taa cha waaŋuul fii m pu, bee bi ga nan paan m pu na.

Nnyam 3:18

“Maanib ga pel saah ga bui bi pu na. Le aa di baaninkpiib buen Ijipt yaab aabɔr chee ki ti bui u ke, ‘Uwumbɔr, u ye timi Hiibru yaab Aawumbɔr na, uma le di ubaa mɔk timi. Kina pu na, tii timi nsan ti chuun iwiin itaa ki buen nteersakpiin ponn ni ki ti toor kitork tii Uwumbɔr u ye Tidindaan na.’

Nnyam 7:16

ki bui u ke, ‘Timi Hiibru yaab Aadindaan Uwumbɔr le tun ni mi ke m nan tuk si ke aa cha waanib ngbaan buen ki ti doon u nteersakpiin ni, le ki nan saa din na, saa ŋun tii u.

Nnyam 8:1

Uwumbɔr nan ki bui Moses ke, “Li cha ki ti tuk ubɔr ngbaan ke Uwumbɔr bui ke, ‘Cha maanib ngbaan buen, nima kan, bi ga ti ŋmaa doon mi.

Nnyam 8:20

Uwumbɔr nan ki bui Moses ke, “Fen kichakpiik ni, aa fe pue ki ti to ubɔr buyoonn u cha limɔɔl ni na, aan ki tuk u ke Uwumbɔr bui ke, ‘Cha maanib nya saatiŋ ni, nima kan, bi ga ŋmaa buen ki ti doon mi.

Nnyam 8:27

see ti chuun iwiin itaa ki buen nteersakpiin ni, le ki ti toor kitork tii Tidindaan Uwumbɔr, waah bui ke ti ŋa pu na.”

Esekiel 6:11

Tidindaan Uwumbɔr len ke, “Ŋmaan aaŋaal. Di aataa taa kitiŋ mpɔɔn pu. Li wii ni mpombiin Israel yaab aah tun titunwanbir ni tiwan ni sukr ponn ni na pu. Bi ga kpoi butɔb ni, ni nkon, ni iween ni.

Liifai Yaab 26:25

M ni nimi aah nan puu tipuur tii tɔb na, le ni nan bii tipuur ngbaan, nima pu na le m ga cha nimi aadim to nimi butɔb, le ni yaa kuun buen ntim mu ponn ni ke ni koo ki ŋmar na kan, m ga cha iween i kaan sɔŋ na dan ni pu, le kina pu na, ni ga di nibaa tii nimi aadim.

Ikaal 28:21

U ga cha iween aabɔŋ dan ni pu, le ki kuln ni mɔmɔk, ubaa aan ti ki gur kitiŋ ki ni ban ni gaa ki na ni.