Nnyam 5:22 - Uwumbɔr aagbaŋ

²² Moses nan gir bui Uwumbɔr ke, “Ndindaan, ba ŋa aa ŋa saanib ngbaan falaa kina? Ba ŋa aa tun ni mi do?

Nnyam 5:22 ပူးပေါင်းရင်းမြစ်များ

1 Bibɔrb 19:10

Le u gar u ke, “Ndindaan Uwumbɔr Mpɔɔnsakpiindaan, sin baanja le m dii n‑yoonn mɔmɔk, le Israel aanib bii aa ni bima aamɔbaan na, ki ber saatork aabimbin, ki ku saabɔnabtiib mɔmɔk. Min baanja le gur, le bi ban ke bi ku m mu.”

1 Bibɔrb 19:4

le ki di nwimɔn chuun buen nteersakpiin ni. U nan ti sil nibaa chee le ki kal busub bubaa aaboon ni, ki ba neen ke u tee kpo. U nan mee limeel ke, “Uwumbɔr, nimina nyaŋ mi a. Gaa maawiin; m ba kpo kan, ni ŋan.”

Ilahn 73:25

M ki kpa ba paacham kaa ye sin? Maah kpa sin na, maa ki ban nibaa kitiŋ do.

Nnyam 17:4

Le Moses mee Uwumbɔr mbamɔm le ki bui u ke, “M ga ŋa binib bee kinye? Bi gor ke bi mae mi ŋitakpal la.”

Jeremia 12:1

“Uwumbɔr, m yaa ban m ni sin kpak tibɔr pu kan, aa ga li kpa mbamɔn. Tɔ, m mu tee ga baa si ibamɔn aabɔr tibaa pu. Ni ŋa kinye aan bibiindam kani liwangol? Ni ŋa kinye aan beebeedam nya tibɔr ni n‑yoonn mɔmɔk?

Jeremia 20:7

Uwumbɔr, aa ŋmann mi la, ki nan sil ŋmann mi. Aa pɔɔ ki jer mi, le ki nyaŋ mi. Unii mɔmɔk laa mi la, bi ŋani mi yaansara le nwiin ti lir.

Jeremia 4:10

Le m bui ke, “Ndindaan Uwumbɔr, aa ŋmann Jerusalem aanib kookoo a. Aa bui bi ke nsuudoon ga li bi, le kijaak aajuk ka bineen ni.”

Habakuk 2:3

ba pu? tibɔkpiirkaan ngbaan aayoonn aa kee ŋeer ke ti gbiin, ti ye ndoon aabɔr la, le ki ga dan mala ki nan gbiin kina. Nibaakan, ti ga yunn siib, aa mu tee li kii ti, ti ga sil dan kaan yunn.

Nkahm 11:11

Le u bui Uwumbɔr ke, “Ba ŋa aa ŋa mi kina? Ba ŋa aasui wu m pu? Ba ŋa aa di litukpaan lee tii mi ke m li lik binib bee?

Josua 7:7

Josua nan bui ke, “Tidindaan Uwumbɔr u kaa kpa ŋeen aatɔ na, ba ŋa aa di timi puur ni Jɔɔdann aamɔɔl? Aa ban aa nan di timi tii Amor yaab la aa? Aa ban aa bii timi la aa? Ba ŋa saa cha ti bee Jɔɔdann Aamɔɔdapuul lima na wɔb?

1 Samuel 30:6

David nan gur bi tibɔsakpenn ni la; ba pu? waajab aasui nan bii baah kaa ki kpa mbim pu na pu, le bi nan ban bi mae u ŋitakpal; Uwumbɔr mu nan tee tii u ntaakpapɔɔn.