Nnyam 5:21 - Uwumbɔr aagbaŋ

²¹ Bi nan bui Moses ni Aaronn ke, “Uwumbɔr kan naah ŋa tiwan ni na, ki ga daa nitafal, nimi le cha ubɔr ni waaninkpiib nan timi. Nimi le tii bi nsan ke bi ku timi.”

Nnyam 5:21 ပူးပေါင်းရင်းမြစ်များ

Mpiin 16:5

Sarai nan bui uchal Abram ke, “Ni ye saataani pu le Hagar aa ki lik pak mi. Min le nan di u tii si, le waah bee ke u kpa lipuul na, waa ki pak mi. Uwumbɔr le ga lik ki bee m ni si u aabɔr ŋan na.”

Mpiin 31:53

Aayaaja Abraham Aawumbɔr ni n‑yaaja Nahor Aawumbɔr le ga li ye timi aabɔjir.” Le Jakob aate Aisak Aawumbɔr aayimbil pu, u mu nan puu ke u mu ga li joo tipuur ngbaan.

Mpiin 34:30

Le Jakob bui Simeonn ni Liifai ke, “Ni ban tibɔr tii mi; dandana wee, Kanaann yaab, ni Peris yaab, ni binib bimɔk bi kitiŋ kee ni na aan ki li gee timi aabɔr. Maajab aa wiir, nibaakan bi ga kpokl tɔb, ki dan nan lir ti pu ki ku ti mɔmɔk.”

2 Samuel 10:6

Amonn yaab nan bee ke bi ŋa David baadin, le bi buen Siria ki ti ban bijab ŋichur moninko, Bef Rehob ni Soba aatim ni, ki ban ŋichur kipiik ni ŋilee Tob aatiŋ ni, le ki ban Maaka aabɔr ni waajab lichur, ke bi ti jan tii bi aan bi pa bi.

1 Bibɔrb Aabɔr 19:6

Ubɔr Hanunn ni Amonn yaab nan bee ke bi ŋa David baadin, le bi buen ti pan tikunabr aamombil ŋichur piitaa ni ŋinaa tii Mesopotamia aapaacham wɔb, ni Maaka, ni Soba aatim mu bi Siria aatiŋ pu na aajab ke bi nan ter bi butɔb ni.

Nnyam 14:11

le ki bui Moses ke, “Ŋikaakul aa bi Ijipt aatiŋ ponn ni la aa? Aa nyan ni timi ke ti nan kpo nteersakpiin mue ni la aa? Lik saah ŋa pu na, ki nyan ni timi Ijipt aatiŋ ni.

Nnyam 15:24

Le binib ngbaan nan ŋulni Moses pu ki baa u ke, “Ti ga nyu ba?”

Nnyam 16:2

Nima chee, nteersakpiin ngbaan ni, le bi mɔmɔk len tibɔbir ti kaa ŋan na Moses ni Aaronn pu,

Nnyam 4:31

Bi nan gaa kii, le baah ŋun ke Uwumbɔr dan bi chee ki nan kan baah muk bi ki ŋani bi falaa pu na, le bi gbaan kitiŋ ki doon u.

Nnyam 5:20

Baah nan gir cha na, le bi ton Moses ni Aaronn nsan ni, bi nan si kii bima la.

Nnyam 6:9

Moses nan tuk Israel yaab Uwumbɔr aah len pu na, le baa nan ŋun tii u; ba pu? bisui nan bii pam, baah nan bi tinaagbiir ni aan Ijipt yaab ŋani bi mbiin pu na.

Ulandaan 10:1

Ŋisibikpol ga ŋmaa cha kpalba u gbii tulalee na nuŋ. Le kijɔrk siib kina ga ŋmaa bii nlan sakpem.

Aisaya 30:6

Uwumbɔr aah len tiwakor ti bi nteersakpiin ngbaan ni na aabɔr ti na sɔ: “Juda aaninkpiib ngbaan chuun isan i kpa tibɔbir na pu, ni nin chee ichinn koo na, ni nin chee iwaa i bir na bi na, ni nin chee tipeewanbir ti fii paacham na koo na. Bi di ipiin i kpa kidaak na buu baabon, ni laakumii mam pu, bi ti tii litimbol li kaan ŋmaa tii bi nterm mubaa na.

Joel 2:20

M ga chuu nyan itoon i nan nyan ni ŋŋangan wɔb na ki ga jenn ibaa buen litambol ŋmeen aatiŋ ni. Itoon i loln i mɔmɔk pu nsan na ga buen ti koo N‑yaan Aanyusakpem na ni, le i paa puwɔb na ga buen ti koo Kaasisik ni Aanyusakpem na ni. I ga kpo, le iwon ga bur ki nuŋ. Yaa ŋa nimi pu na, nima le ga cha m ku i mɔmɔk.

Nkahm 14:22

binib bee ubaa kina aan li bi ki koo kitiŋ ngbaan ni. Bi kan maawiihn mu moor lak lak na, ni lijinjiir aawan nimɔk m ŋa ni Ijipt aatiŋ ni, ni nteersakpiin ni na, le ki tɔŋni mi, ki ki gir tɔŋni mi kina, ki yii mi.

Nkahm 14:3

Ba ŋa Uwumbɔr joo timi cha kitiŋ ngbaan ni? Bi ga ku timi butɔb ni, ki chur tipuutiib ni timi aabim tinaagbiir. Ti yaa ba gir buen Ijipt aatiŋ ni kan, naa ba soor aa?”

1 Samuel 13:4

Israel yaab mɔmɔk nan ŋun ke Sɔɔl ku Filistia yaab aaninkpel, le Filistia yaab mɔmɔk nan gur nan bi. Kina pu le binib nan kii Sɔɔl aayim ngbaan, ki buen u chee Gilgal ni.

1 Samuel 27:12

Akis nan tii David naadii sakpen, le ki bui ubaa ke, “David aanib Israel yaab aah nan u sakpen pu na, u ga li ye maatutunn ki ti saa waakun daal.”