Nnyam 40:34 - Uwumbɔr aagbaŋ

³⁴ N‑yoonn ngbaan, Uwumbɔr aataalangbam nan biin Libool pu, le waawiihn mu moor ki deer ŋinimbil na gbiin li ponn ni.

Nnyam 40:34 ပူးပေါင်းရင်းမြစ်များ

2 Samuel 7:6

Ki nyan nwiin mundaal m nyan ni Israel yaab Ijipt aatiŋ ni ki nan saa din wee na, maa kee koo lidichal ponn ni; m chuun kpak gonni ki bi likekeln aabool ni la.

2 Bibɔrb Aabɔr 7:2

Nwiihn ngbaan aah nan moor ki deer ŋinimbil ni na, le bitotoorb aa nan ŋmaa koo li ponn ni.

Ilahn 26:8

Uwumbɔr, m gee saah koo lidichal li ponn ni na, nin chee saapak bi na,

Nnyam 14:24

Naah ti chaa woln ni na, le Uwumbɔr bi ntaalangbam ni, mmii ponn ni, le ki lik waa Ijipt yaab aajab, le ki cha ijawaan chuu bi.

Nnyam 16:10

Aaronn aah bui bi kina na, le bi mɔmɔk fenn binimbil toŋ nteersakpiin wɔb, le libuul ngbaan ni Uwumbɔr aajinjiir aawiihn na nyan bi chee ntaalangbam ni.

Nnyam 25:8

Cha binib ngbaan ŋa Libool tii mi, nima kan, m ga li bi gbɔk bi.

Nnyam 29:43

Nima chee le m ga pii maanib, Israel yaab, le maawiihn mu moor lak lak na ga ŋa nima chee chain.

Nnyam 33:9

Moses yaa ti koo li ponn ni kan, le ntaalangbam dan nan sil Libool ngbaan aabisamɔb, le Uwumbɔr len Moses chee tibɔr ntaalangbam ngbaan ponn ni.

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 6:4

Tiwan ngbaan aah nan tar mpɔɔn pu sakpen pu na, Uwumbɔr Aadichal ngbaan nan deŋni la, le iŋmanyuu gbiin lidichal ngbaan mɔmɔk ni.

Esekiel 10:4

Nwiihn mu deer ŋinimbil ki mɔk ke Uwumbɔr bi nima chee na nan fii tiwan ni kpa ifeen ngbaan na chee ki ti sil Uwumbɔr Aadichal aabisamɔb chee. Ntaalangbam na nan ti gbiin Lidichal ngbaan, le lichiln ni mɔmɔk woln chain.

Liifai Yaab 16:2

le Uwumbɔr len Moses chee ke, “Bui aakpel Aaronn ke u taa li koo Chain Chain Aapepel ni, nin chee likekeln gii Libool ngbaan ni na yɔl yɔl, see n‑yoonn mu u ga koo ni ponn ni na ti fuu, ba pu? nima chee le m bi ntaalangbam ni, Maakaal Aadakaa aabiil aapaacham. U yaa yii ki koo kan, u ga kpo.

Hagai 2:7

M ga nyaŋ ŋitimbol mɔmɔk, ki joo ni ŋaawangol do, le liwangol ga gbiin Maadichal ni.

Hagai 2:9

Maadichapɔln limina ga li ŋan jer likpokl na pel pel, nima chee le m ga tii maanib nwankam ni nsuudoon.” Uwumbɔr Mpɔɔnsakpiindaan le len kina.

Nkahm 7:89

N‑yoonn mu Moses buen Uwumbɔr Aabool ni u ti len Uwumbɔr chee tibɔr na, le u ŋun Uwumbɔr len u chee tibɔr, tiwan ni bi Nkaal Aadakaa pu aapaacham ki kpa ifeen na aakaasisik ni.

Rom Yaab 9:4

Bi ye Israel yaab la. Uwumbɔr nan ŋa bi waabim, ki nyuŋ bi, ki puu tipuur tii bi, ki tii bi waakaal, ki mɔk bi baah ga li dooni u pu na, ki bui bi waah ga ŋa tinyoor pu ki ŋa bi pu na.

Tibɔkpiirkaan 15:8

Le Uwumbɔr aanyuŋ ni waapɔɔn cha iŋmanyuu gbiin waadichal. Ubaa aa ŋmaa koo lidichal ngbaan ni ki nan saa buyoonn falaa bilole bi Uwumbɔr aatuuntiib bilole joo ni bi na ga pii dulnyaa ni aanib ki doo na.

Tibɔkpiirkaan 21:3

Le m ŋun nneel sakpiin libɔrjal ngbaan chee len ke, “Lik, Uwumbɔr do bi binib chee, le u ga li bi bi chee. Bi ga li ye waanib. Uma ubaa ga li bi bi chee ki ga li ye Baawumbɔr,