Nnyam 40:20 - Uwumbɔr aagbaŋ

²⁰ Le u di ŋitakpapapan ŋilee na ki di ŋa Uwumbɔr Aakaal Aadakaa ni. U nan di ŋidabil na ki di bɔn ibuen i dab baa dakaa ngbaan pu na, li ki di waabiil biin u pu.

Nnyam 40:20 ပူးပေါင်းရင်းမြစ်များ

1 Bibɔrb 8:9

Moses aah nan di ŋitakpapapan ŋi ŋa u ponn ni, Sainai Aajool chee na baanja le bi Uwumbɔr Aakaal Aadakaa ngbaan ni, nibaa aa nan ki bi u ni ki kpee ŋi pu. Israel yaab aah nan nyan ni Ijipt aatiŋ ni, aan Uwumbɔr puu tipuur tii bi na, le Moses nan di ŋi ŋa u ponn ni.

1 Bibɔrb Aabɔr 15:3

David nan kuun Israel aanib mɔmɔk dan Jerusalem ni, ke bi ti yoor Uwumbɔr Aakaal Aadakaa kunn ni udo.

2 Bibɔrb Aabɔr 5:10

Ŋitakpapapan ŋilee ŋi Moses nan gaa Sainai Aajool paab ki di ŋa u ponn ni na baanja le nan bi Nkaal Aadakaa ngbaan ni, nibaa aa nan ki bi u ni ki kpee. Israel yaab aah nan nyan ni Ijipt aatiŋ ni aan Uwumbɔr ni bima nan ŋa kimɔbaan Sainai Aajool chee na, le Moses nan ŋmee kimɔbaan ngbaan ŋitakpan na pu ki di ŋi ŋa Dakaa ngbaan ponn ni.

Ilahn 40:8

Maawumbɔr, m gee sakpen ke m ŋa saageehn, m joo saamɔkm nsui ni la.”

Nnyam 16:34

Uwumbɔr aah nan bui Moses pu na, le Aaronn di ti ŋa Uwumbɔr Aakaal Aadakaa chee, ke ti li bi.

Nnyam 26:34

Ni di Uwumbɔr Aakaal Aadakaa ngbaan aabiil biin u pu.

Nnyam 31:18

N‑yoonn mu Uwumbɔr len Moses chee tibɔr doo, Sainai Aajool paab na, le u di ŋitakpapapan ŋilee ŋi uma Uwumbɔr ubaa ŋmee waakaal ŋi pu na di tii u.

Nnyam 40:19

U nan kpaa tiwan ni bi ga di biin Libool ngbaan pu na, le ki di biin li pu, lipaal wɔb, ke Uwumbɔr aah nan bui u ke u ŋa pu na.

Nnyam 40:3

Aa di Dakaa u ponn ni Ikaal Kipiik bi na siin Libool ngbaan ni, ki di likekeln gbin u chee.

Matiu 3:15

Le Yesu bui u ke, “Kii kina n‑yoonn mue. Ni ŋan ke ti ŋa Uwumbɔr aah ban pu na mɔmɔk.” Le Jɔnn kii ki muin u nnyun ni.

Rom Yaab 10:4

Kristo fuu ni ke binib bi gaa u ki kii na aabɔr li ŋan. Naa ye ke baah dii nkaal pu na le cha baabɔr ŋan.

Rom Yaab 3:25

U nan di Yesu siin binib aanimbil ni, ke u nan kpo, aan uma Uwumbɔr taa ki gee liŋuul ti pu. Ti yaa gaa Yesu ki kii kan, waasin pu le Uwumbɔr ga di cha pinn timi. Nima le mɔk ke Uwumbɔr ŋani ni ŋan na; ba pu? u nan kpa limɔr, kaa bii binib bi tun titunwanbir buyoonn Yesu Kristo aa kee dan dulnyaa wee ni na.

Ikaal 10:5

le m fenn ki sunn ni lijool ngbaan taab. Uwumbɔr aah nan bui mi pu na, m nan di ŋi ŋa dakaa ngbaan ni, le ŋi beenin bi u ponn ni, ki nan saa din wee.”

Hiibru Yaab 4:16

Timi aatotoorninkpel aah bi kina na, cha ti li kpa lipobil ki dan Uwumbɔr u kpa tibulchinn na aabɔrjal chee, aan u san timi kinimbaak, ki ter timi buyoonn ti ban nterm na.

Hiibru Yaab 9:4

Salmaa aatork aabimbiln nan bi ni ponn ni. Libimbiln ngbaan paab le bi seer tulalee aayon tii Uwumbɔr. Uwumbɔr aakaal aah nan bi dakaa u ponn ni na, mu nan bi ni ni. Bi nan di salmaa aakur le biin dakaa ngbaan pu. Tijikaar ti bi yin ti ke mana na, nan bi salmaa aasambil ponn ni, dakaa ngbaan ponn ni. Aaronn aadabil li nan ŋeen nsupuun na mu nan bi u ponn ni. Uwumbɔr aakaal aah nan ŋmee ŋitakpapapan ŋilee ŋi pu na, mu nan bi u ponn ni.

1 Jɔnn 2:2

U nan si timi aasisiiyaan ki di ubaa toor kitork tii Uwumbɔr, timi aatunwanbir pu; naa ye timi baanja aatunwanbir pu, binib bimɔk bi dulnyaa ni na aatunwanbir pu. Uma Yesu pu, le Uwumbɔr ga di cha pinn timi.