Nnyam 40:13 - Uwumbɔr aagbaŋ

¹³ Di utotoor aawanpeenkaan peen Aaronn, ki di maakpan kpir uyil pu. Aa yaa ŋa u kina kan, u ga ŋmaa tun utotoor aatuln ki tii mi.

Nnyam 40:13 ပူးပေါင်းရင်းမြစ်များ

Nnyam 28:41

Aa di tiwanpeenkaan ngbaan ki di peen aakpel Aaronn ni waabijabim, ki nyan bi siin ki di olif aakpan kpir bi pu, aan bi li ye bitotoorb.

Nnyam 29:7

ki di nkpan kpir uyil pu, ki ŋa u utotoor.

Nnyam 40:14

Li joo ni ujapɔtiib mu, ki nan di ŋibɔkul peen bi,

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Liifai Yaab 7:35

Tinann ti Uwumbɔr nan nyan ki siin ke bi li joo tii Aaronn ni ujapɔtiib, bundaal bi nan kaan bi bitotoorb na le bi na.

Liifai Yaab 7:36

Liyaadaal ngbaan le Uwumbɔr nan siin ke Israel yaab li joo ipiin ngbaan aanann timina ki joo tii bitotoorb. Ni ye nkaal mu ŋan ke Israel yaab li joo mu n‑yoonn mɔmɔk na la.

Liifai Yaab 8:13

Ni paa na, Moses nan nyan Aaronn aajapɔtiib siin, le ki di ŋibɔkul peen bi, ki di ŋitan buu bichaŋ ni, ki di tiyikpupur chiŋ biyil, Uwumbɔr aah nan tuk u pu na.

Jɔnn 17:19

Bi pu le m di mbaa tii si ke bi mu li ye saanib bi bi chain mbamɔm na.

Jɔnn 3:34

Yesu u Uwumbɔr tun ni u na le len uma Uwumbɔr aabɔr; ba pu? Uwumbɔr di Waafuur Nyaan mu kaa kpa ŋŋaŋ na gbiin u.

Hiibru Yaab 10:10

U ŋa Uwumbɔr aageehn, le ki di ubaa aawon toor kookoo aatork nfum mbaa, le ki ŋa timi waanib bi ye chain na.

Hiibru Yaab 10:29

Unii yaa lik Uwumbɔr Aajapɔɔn fam, ki yaa dak ke Yesu aasin mu ŋa u chain na ye fam, ki yaa sii Uwumbɔr Aafuur Nyaan mu san timi kinimbaak na kan, udaan ngbaan ŋeer ntafadaan sakpen ki jer unii u bii Moses aakaal na aah kan pu na.

1 Jɔnn 2:20

Nimi kan, Yesu u ye chain na tii nimi Waafuur Nyaan. Waafuur Nyaan aah bi nisui ni na, nima le ni mɔmɔk nyi tibɔr ti ye mbamɔn na.

1 Jɔnn 2:27

Nimi le Yesu nan tii Waafuur Nyaan. Waafuur Nyaan ngbaan beenin bi ni ni. Nima pu na, naa ki ban ke unii ubaa mɔk nimi waabɔr. Waafuur Nyaan le mɔk nimi Uwumbɔr aabɔr mɔmɔk. Waafuur Nyaan aah mɔk nimi pu na, ni ye mbamɔn la, naa ye nnyamɔn. Nima pu na, kii man Waafuur Nyaan aah mɔk nimi pu na, ki li kpaan Yesu chee n‑yoonn mɔmɔk.