Nnyam 4:5 - Uwumbɔr aagbaŋ

⁵ Le Uwumbɔr bui u ke, “Ti ŋa kina ki mɔk Israel yaab ke Uwumbɔr, u ye niyaajatiib Abraham, ni Aisak, ni Jakob Aawumbɔr na le dan aa chee.”

Nnyam 4:5 ပူးပေါင်းရင်းမြစ်များ

Mpiin 12:7

Uwumbɔr nan dan Abram chee le ki nan bui u ke, “Kitiŋ kee le m joo m di tii saamaal.” Nima chee le Abram maa kitork aabimbiln tii Uwumbɔr u nan dan u chee na.

Mpiin 17:1

Buyoonn Abram nan ti saa ŋibin imonko inaa ni kipiik ni ŋiwae na, le Uwumbɔr nan dan u chee ki nan bui u ke, “Min le ye Uwumbɔr Mpɔɔnsakpiindaan. Tii mi naadii, ki li ŋani ni ŋan na n‑yoonn mɔmɔk.

Mpiin 18:1

Uwumbɔr nan dan Abraham chee Mamre aasui sakpiin na taab. Nwiin aah nan tɔŋ sisik ni ki ton na, le Abraham nan ka waadiik aabisamɔb,

Mpiin 26:2

Buyoonn waa nan kee buen Gerar aatiŋ ni na, le Uwumbɔr nan dan u chee ki nan bui u ke, “Taa buen Ijipt aatiŋ ni. Li bi kitiŋ kee ni, nin chee m bui si ke aa li bi na.

Mpiin 28:13

Le u kan ke Uwumbɔr si gbɔk u ki bui u ke, “Min le ye Uwumbɔr, aayaaja Abraham ni aate Aisak Aawumbɔr. M ga di kitiŋ ki aa dɔ ki pu na tii aa ni aayaabitiib.

Mpiin 48:15

le ki mee tinyoor ŋa Josef pu ke: “Uwumbɔr u ye ntetiib Abraham ni Aisak Aawumbɔr na, ŋa tinyoor ŋa mbim bee pu. Cha Uwumbɔr u lik mi ki nan saa din wee na, ŋa tinyoor ŋa bi pu.

Mpiin 48:3

Le Jakob bui Josef ke, “Uwumbɔr Mpɔɔnsakpiindaan nan dan m chee Lus aatiŋ ki bi Kanaann aatiŋ ni na, le ki nan ŋa tinyoor ŋa m pu.

1 Bibɔrb 18:36

Naah nan ŋeer nwiin pu aatork yoonn na, le Elaija buen ti sil kitork ngbaan chee ki mee ke, “Abraham, ni Aisak, ni Jakob Aadindaan Uwumbɔr, mɔk dandana ke sin le ye Israel yaab Aawumbɔr, le m ye saatutunn ki bi ŋani nimina saah tuk mi pu na pu la.

2 Bibɔrb Aabɔr 20:20

Lichakpitaawoln, le binib ngbaan fii ke bi buen nteersakpiin mu bi gbɔk Tekoa aatiŋ na ni. Baah nan ban bi siir nima chee na, le Jehosafat di lilambil limina tii bi: “Juda ni Jerusalem aajab, di nimi aanaadii tii Nidindaan Uwumbɔr man, nima kan, ni ga sil chob. Kii tii waabɔnabtiib aah tuk nimi pu na, nima kan, ni ga kan linyaŋ.”

Nnyam 19:9

Uwumbɔr nan ki bui Moses ke, “M ga dan ni chee ntaalangbam mu bɔɔn na ni, nima kan, binib ngbaan ga ŋun maah bi len aa chee tibɔr pu na, aan dandana wee ki joo cha bi ga gaa kii saah len pu na.” Moses nan tuk Uwumbɔr binib ngbaan aah kii pu na,

Nnyam 3:15

Tuk Israel yaab ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na le tun ni si bi chee. Bi ga li yin mi kina le n‑yoonn mu kaa kpa ndoon na. Kina le n‑yoonn mu choo na aanib ga li yin mi.

Nnyam 3:16

Li cha ki ti kuun Israel yaab aaninkpiib ki bui bi ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na, le dan aa chee. Tuk bi ke m dan bi chee le ki kan Ijipt yaab aah ŋani bi falaa pu na.

Nnyam 3:18

“Maanib ga pel saah ga bui bi pu na. Le aa di baaninkpiib buen Ijipt yaab aabɔr chee ki ti bui u ke, ‘Uwumbɔr, u ye timi Hiibru yaab Aawumbɔr na, uma le di ubaa mɔk timi. Kina pu na, tii timi nsan ti chuun iwiin itaa ki buen nteersakpiin ponn ni ki ti toor kitork tii Uwumbɔr u ye Tidindaan na.’

Nnyam 3:4

Buyoonn Uwumbɔr kan ke Moses ŋɔŋ mmii ngbaan chee na, le u yin u mmii ngbaan ni ke, “Moses, Moses.” U nan kii ke, “M sɔ.”

Nnyam 3:6

Min le ye aayaajatiib Aawumbɔr, min le ye Abraham, ni Aisak, ni Jakob Aawumbɔr.” Nima pu na, Moses nan biin unimbil pu, kaa nan kaa u lik Uwumbɔr.

Nnyam 4:1

Moses nan bui Uwumbɔr ke, “Nibaakan, Israel yaab yaa kaa gaa mi ki kii, kaan pel maah ga len pu na kan, bi yaa bui ke saa dan m chee kan, m ga ŋa kinye?”

Nnyam 4:31

Bi nan gaa kii, le baah ŋun ke Uwumbɔr dan bi chee ki nan kan baah muk bi ki ŋani bi falaa pu na, le bi gbaan kitiŋ ki doon u.

Nnyam 4:4

Le Uwumbɔr bui Moses ke, “Boon ki chuu lijuul wɔb.” Nima chee le Moses boon le ki chuu li, le li ki kpaln kijaangbeek.

Aisaya 7:9

Israel aa pɔɔ ki jer Samaria ki ye kaatiyil na, le Samaria mu aa pɔɔ jer ubɔrkpaan Peka. “Aa yaa kaa kpa gaakii u ga yunn na kan, aa mu aan li bi ki yunn.”

Jeremia 31:3

m nan nya dandar ki dan bi chee. Israel aanib, m gee nimi n‑yoonn mɔmɔk, le ki ga li mɔk nimi maageehm mu bi n‑yoonn mɔmɔk na.

Jɔnn 11:15

Ni ŋa mi mpopiin maah kaa nan bi u chee aan u kpo na; ba pu? nima le ga cha ni moo gaa mi ki kii. Cha ti li cha u chee man.”

Jɔnn 11:42

M nyi ke n‑yoonn mɔmɔk aa ŋun maah len aa chee pu na. Kinipaak ki si do na pu, le m len kina, ke bi pak ke sin le tun ni mi.”

Jɔnn 20:27

le ki bui Tomas, “Di aaŋanbik baan ŋŋaal aabue ponn ni, ki di aaŋaal baan nsikakl aabuer mu ponn ni, aan ki gaa mi ki kii, aan ki taa ki beeni.”

Jɔnn 20:31

Bi ŋmee nimina ke ni pak ke Yesu le ye Kristo u gaa timi lii na, ki ye Uwumbɔr Aajapɔɔn. Ni yaa gaa u ki kii kan, u pu le ni ga li kpa limɔfal.

Jɔnn 5:36

Jɔnn nan tuk nimi maah ye pu na. Tiwan nibaa mu bi ki ji seeraa ki tii mi, ki jer Jɔnn aaseeraa. Nte Uwumbɔr tii mi lituln ke m tun li ki doo. Lima le m tun. Lituln ngbaan le ji seeraa ki tii mi ke Nte Uwumbɔr tun ni mi dulnyaa wee ni.

Lituln 7:2

Le Stiifen bui ke, “Ntetiib ni nnaabitiib, ni li pel man. Uwumbɔr u nyuun na nan dan tiyaaja Abraham chee. Waah nan dan u chee na, u nan laa bi Mesopotamia aatiŋ ni, kaa kee buen Harann aatiŋ ni, ke u ti kal nima.

Hiibru Yaab 11:16

Bi nan ban kitiŋ ki ŋan jer kitiŋ ngbaan na la. Bi nan ban paacham aatiŋ la. Nima pu na, inimɔɔn aa nan joo Uwumbɔr ke bi yin u ke Baawumbɔr. U nan toor kitiŋ tii bi.