Nnyam 4:31 - Uwumbɔr aagbaŋ

³¹ Bi nan gaa kii, le baah ŋun ke Uwumbɔr dan bi chee ki nan kan baah muk bi ki ŋani bi falaa pu na, le bi gbaan kitiŋ ki doon u.

Nnyam 4:31 ပူးပေါင်းရင်းမြစ်များ

Mpiin 17:3

Le Abram gbaan Uwumbɔr aanimbiin ni, le unimbil kpaa kitiŋ. Le Uwumbɔr bui u ke,

Mpiin 24:26

Le uja ngbaan gbaan kitiŋ ki doon Uwumbɔr.

Mpiin 29:32

Lea nan dek lipuul, le ki ma ubijabo. Le u bui ke, “Uwumbɔr kan maamukl. Maah ma ubijabo wee na, nchal ga li gee mi.” Nima pu na, u nan yin ubo ngbaan ke Rubenn.

Mpiin 50:24

Le u bui ukpetiib ke, “Ni ŋeer m kpo; Uwumbɔr mu ga sil li joo nimi, ki nyan nimi Ijipt aatiŋ kee ni, ki giin nimi buen kitiŋ ki u nan puu ke u ga di ki tii titetiib Abraham, ni Aisak, ni Jakob na.”

1 Bibɔrb Aabɔr 29:20

David nan bui binib ngbaan ke, “Pak Nidindaan Uwumbɔr man.” Le binib bi mɔmɔk kuun nima na pak Uwumbɔr, u ye biyaajatiib Aawumbɔr na, le ki gbaan kitiŋ ki nyuŋ uma Uwumbɔr, ni ubɔr mu.

2 Bibɔrb Aabɔr 20:18

Le Jehosafat gbaan kitiŋ ki cha uyigbeer ti meeh kitiŋ, le binib ngbaan mɔmɔk mu ŋa kina ki doon Uwumbɔr.

2 Bibɔrb Aabɔr 32:8

U kpa unibɔn aapɔɔn la, le tima kpa Tidindaan Uwumbɔr u ga ter timi aan ki to butɔb tii timi na.” Binib ngbaan nan kan ntaakpapɔɔn baabɔr aah len pu na chee.

2 Bibɔrb Aabɔr 7:3

Israel aanib ngbaan aah nan kan mmii nyan ni paacham ki lir ni aan nwiihn gbiin Uwumbɔr Aadichal ngbaan na, le bi lir lichichikr lichiln ngbaan ni, ki dooni Uwumbɔr ki pak u, waaŋann ni waageehm mu kaa kpa ndoon na pu.

Nehemia 8:6

Le Esra bui ke, “Pak Uwumbɔr man, u ye Uwumbɔr Sakpiin la.” Le binib ngbaan mɔmɔk yoor biŋaal paacham ki kii ke, “Amii, amii.” Bi mɔmɔk nan gbaan kitiŋ ki doon Uwumbɔr, le binimbil chik kitiŋ.

Job Aagbaŋ 1:20

Le Job fii sil, ki daa kar waawanpeenkaan nsuugar pu. U nan kuu uyil, le ki lir lichichikr,

Nnyam 12:27

ni bui bi ke, ‘Ni ye Lakr‑jer aatork ki ti ŋani ki nyuŋni Uwumbɔr na la, ba pu? njan aatork ngbaan daal le u nan lakr jer timi Israel yaab aadichal pu, Ijipt aatiŋ ponn ni. U nan ku Ijipt yaab, le ki di cha timi.’” Moses aah len kina doo na, le Israel yaab nan gbaan kitiŋ le ki doon Uwumbɔr.

Nnyam 14:31

N‑yoonn mu Israel yaab kan Uwumbɔr aah di waapɔɔn nyaŋ Ijipt yaab na, le ni ŋa bi tifaan Uwumbɔr aah ŋa pu na, le bi gaa Uwumbɔr ni waatutunn Moses ki kii.

Nnyam 19:8

Le binib ngbaan mɔmɔk kpaan kii ke, “Ti ga ŋa tiwan nimɔk Uwumbɔr bui ke ti ŋa na.” Le Moses gir ki ti tuk Uwumbɔr kina.

Nnyam 19:9

Uwumbɔr nan ki bui Moses ke, “M ga dan ni chee ntaalangbam mu bɔɔn na ni, nima kan, binib ngbaan ga ŋun maah bi len aa chee tibɔr pu na, aan dandana wee ki joo cha bi ga gaa kii saah len pu na.” Moses nan tuk Uwumbɔr binib ngbaan aah kii pu na,

Nnyam 2:25

U kan Israel yaab aah ji falaa pu na, le naa mɔr u, le utafal nan bi bi ni.

Nnyam 3:16

Li cha ki ti kuun Israel yaab aaninkpiib ki bui bi ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na, le dan aa chee. Tuk bi ke m dan bi chee le ki kan Ijipt yaab aah ŋani bi falaa pu na.

Nnyam 3:18

“Maanib ga pel saah ga bui bi pu na. Le aa di baaninkpiib buen Ijipt yaab aabɔr chee ki ti bui u ke, ‘Uwumbɔr, u ye timi Hiibru yaab Aawumbɔr na, uma le di ubaa mɔk timi. Kina pu na, tii timi nsan ti chuun iwiin itaa ki buen nteersakpiin ponn ni ki ti toor kitork tii Uwumbɔr u ye Tidindaan na.’

Nnyam 3:7

Le Uwumbɔr bui u ke, “M kan maanib aah bi ji falaa Ijipt yaab aaŋaal ponn ni pu na. M ŋun bi wii ki ban unii u ga gaa bi lii na. M nyi baafalaa mɔmɔk aabɔr.

Nnyam 33:10

Binib ngbaan yaa ti kan ntaalangbam ngbaan kan, le bi ti gbaan kitiŋ.

Nnyam 34:8

Moses nan gbaan kitiŋ mala le ki doon u,

Nnyam 4:5

Le Uwumbɔr bui u ke, “Ti ŋa kina ki mɔk Israel yaab ke Uwumbɔr, u ye niyaajatiib Abraham, ni Aisak, ni Jakob Aawumbɔr na le dan aa chee.”

Sefania 2:7

Juda aanib bi ŋmar na le ga gaa nimi aatiŋ. Baawakor ga li ŋmɔ timoor nima chee la, le bi mu li doo Askelonn aanib aadichal ni. Bidindaan Uwumbɔr ga li bi bi chee ki cha bi ki kan liwangol.

Tibɔnyaan ti Luk ŋmee ti na 1:68

“Cha ti pak Tidindaan u ye timi Israel yaab Aawumbɔr na. U dan nan ter waanib, ki nyan bi tinaagbiir ni,

Tibɔnyaan ti Luk ŋmee ti na 8:13

Mu lir ntakpateer pu na le ye binib bi ŋun Uwumbɔr aabɔr ki gaa ti ni mpopiin na. Bi mu aa gaa ti bisui ni mbamɔm. Bi gaa Uwumbɔr ki kii ni yunn siib; tɔ, ntɔŋ yaa pii bi kan, le bi ga di u lii.

Ruf Aagbaŋ 1:6

Naah yunn siib na, le Naomi ŋun ke Uwumbɔr ŋa waanib tinyoor ki tii bi tijikaar sakpen; le u gor ke u ni ubipuutiib nya Moab aatiŋ ni.