Nnyam 4:29 - Uwumbɔr aagbaŋ

²⁹ Nima pu na, Moses ni Aaronn nan dii buen Ijipt aatiŋ ni, le ki ti kuun Israel yaab aaninkpiib tɔb chee.

Nnyam 4:29 ပူးပေါင်းရင်းမြစ်များ

Ilahn 105:26

Le u nan tun waatutunn Moses, ni Aaronn, u u nan lee u na.

Nnyam 19:7

Moses nan sunn ni taab, le ki kuun binib ngbaan aaninkpiib tɔb chee, le ki tuk bi tibɔr ti mɔmɔk Uwumbɔr bui u ke u ŋa na.

Nnyam 24:1

Uwumbɔr nan bui Moses ke, “Dan m chee lijool paab, aa ni Aaronn, ni Nadab, ni Abihu, ni Israel yaab aaninkpiib imonko itaa ni kipiik. Ni yaa laa bi dandar kan, ni gbaan kitiŋ ki doon mi.

Nnyam 24:11

Uwumbɔr aa nan ŋa Israel yaab aaninkpiib ngbaan nibaa; bi nan kan Uwumbɔr, le ki jin ki nyun.

Nnyam 3:16

Li cha ki ti kuun Israel yaab aaninkpiib ki bui bi ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na, le dan aa chee. Tuk bi ke m dan bi chee le ki kan Ijipt yaab aah ŋani bi falaa pu na.