Nnyam 4:21 - Uwumbɔr aagbaŋ

²¹ Uwumbɔr nan ki gir bui Moses ke, “Saah gir cha Ijipt aatiŋ ni dandana wee na, li nyi ki ti ŋa lijinjiir aatun ŋimɔk m tii si mpɔɔn ke aa ti ŋa na. Tɔ, m ga pɔɔk ubɔr ngbaan aasui, le waan tii nimi nsan ke ni buen.

Nnyam 4:21 ပူးပေါင်းရင်းမြစ်များ

Mpiin 6:3

Le Uwumbɔr bui ke, “Binib aah tun titunwanbir pu na, maan ki cha bi li bi ki yunn sakpen. N‑yoonn mue ki joo cha, maan ki cha unibɔn yunn ki ti jer ŋibin nkub ni moninko.”

1 Bibɔrb 22:22

Le Uwumbɔr baa mu ke, ‘Aa ga ŋa kinye?’ Le mu gar u ke, ‘M ga buen le ki ti cha Ahab aabɔnabr mɔmɔk mɔnn inyamɔn.’ Le Uwumbɔr bui ke, ‘Li cha ki ti ŋmann u. Aa ga ti ŋman.’”

Ilahn 105:25

U nan cha Ijipt yaab nann waanib ki ŋmanni bi.

Ilahn 78:43

ni bundaal u nan tun waatukpaan Soann aapaan mu bi Ijipt aatiŋ ni na bɔr.

Nnyam 10:1

Uwumbɔr nan bui Moses ke, “Buen ki ti kan ubɔr ngbaan. M cha u ni waaninkpiib aasui pɔɔk, nima kan, m ga ŋmaa ŋa lijinjiir aatuln, binib ngbaan aanimbiin ni,

Nnyam 10:20

Uwumbɔr nan ki cha ubɔr aasui ki pɔɔk, le waa kii ke Israel yaab buen.

Nnyam 10:27

Uwumbɔr nan cha ubɔr ngbaan aasui too pɔɔk, le waa kii, ke bi taa nya waatiŋ ponn ni ki buen.

Nnyam 11:10

Tɔ, Moses ni Aaronn nan ŋa lijinjiir aatun ŋimina mɔmɔk ubɔr ngbaan aanimbiin ni, le Uwumbɔr nan cha usui pɔɔk, le waa kii ke Israel yaab nya waatiŋ ni.

Nnyam 11:9

Uwumbɔr nan puun bui Moses ke, “Ubɔr ngbaan ga li beenin pɔɔni usui, kaan ŋun tii si, nima le ga cha m ŋa lijinjiir aatun Ijipt aatiŋ ponn ni.”

Nnyam 14:17

M ga pɔɔk Ijipt yaab aajab ngbaan aasui, le bi ga paan ni pu, le m ga nyaŋ ubɔr ngbaan, ni waajab, ni waatɔroku tiib, ni bijab bi ŋaal bi na mɔmɔk, ki kan kipak bi pu.

Nnyam 14:4

M ga cha usui pɔɔk, le u ga fii paan ni ni pu, le maah ga nyaŋ ubɔr ngbaan pu na, m ga kan kipak kina pu. Le Ijipt yaab ga bee ke min le ye Uwumbɔr.” Israel yaab nan ŋa Moses aah tuk bi pu na.

Nnyam 14:8

Uwumbɔr nan cha ubɔr ngbaan aasui pɔɔk, le u di paan Israel yaab bi nan nyan buen linyaŋ ni na aapuwɔb.

Nnyam 3:19

M nyi ke Ijipt aabɔr aan tii nimi nsan ni buen, see limukl pii u le u cha ni buen.

Nnyam 3:20

M ga di maapɔɔn daa Ijipt yaab aatafal, ki ŋa ijawaan aawan baatiŋ ni. Nee aapuwɔb na u ga cha ni buen.

Nnyam 7:13

Nimina mɔmɔk aa nan kpeln ubɔr ngbaan aasui, u nan moo pɔɔk usui ke Uwumbɔr aah len pu na la, waa nan ŋun tii Moses ni Aaronn.

Nnyam 7:3

M ga cha ubɔr ngbaan pɔɔk usui, kaan ŋun tii si; m yaa gee m ŋa ijawaan aatun pu na kan, waan cha ni nya Ijipt aatiŋ ni.

Nnyam 8:11

Aa ni saaninkpiib ni saanib ngbaan ga kan nibaa ŋipulaatal ngbaan chee, le ŋi ga li gur bi Nail aamɔɔl ni baanja.”

Nnyam 8:15

Ubɔr ngbaan aah kan ke ŋipulaatal mɔmɔk kpo doo na, le u ki pɔɔk usui, le ni gbiin Uwumbɔr aah nan tuk Moses ni Aaronn pu na, ke ubɔr ngbaan ga pɔɔk usui kaan tii bi nsan.

Nnyam 8:32

Tɔ, n‑yoonn mue na, ubɔr nan ki pɔɔk usui, le kaa ki cha bi buen.

Nnyam 9:12

Uwumbɔr nan cha ubɔr ngbaan aasui moo pɔɔk, le ni gbiin waah nan len pu na, ke ubɔr ngbaan aa ŋun tii Moses ni Aaronn.

Nnyam 9:35

kaa cha Israel yaab buen, ke Uwumbɔr aah nan cha Moses len pu na.

Aisaya 6:10

Le u ki bui mi ke, “Cha binib ngbaan aasui taa li bi nibaa ni, ki cha bitafal kpaa, ki cha binimbil mu jɔb, aan bi taa li waa ki taa ŋun, ki taa bee nibaa. Ni yaa kaa ye kina kan, bi ga kpeln baabimbin ki dii mi aan m tii bi laafee.”

Aisaya 63:17

Ba ŋa aa cha ti yenn saasan chee? Ba ŋa aa cha titafal pɔɔ sakpen kina aan ti fenn tipuwɔb tii si? Gir ni, saanib bi ye saatutum ki ye sin yaab n‑yoonn mɔmɔk na chee.

Jɔnn 12:40

“Uwumbɔr jɔb binimbil ke bi taa li waa; ki cha bitafal pɔɔ, bi taa bee waaliin aatataa, ki taa fenn dan uwɔb ke u tii bi laafee.”

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

Rom Yaab 9:18

Nima le binib bi u ban u san bi kinimbaak na, u san bi kinimbaak. Binib bi u ban ke u cha bi gaa biyil na, u cha bi gaa la.

Ikaal 2:36

Tidindaan Uwumbɔr le nan cha ti gaa ntim ngbaan mɔmɔk, ki nyan Aroer aatiŋ ni, ki di dii Anonn aafataŋ aagbaan, ni kitisakpeŋ ki mu bi kifataŋ ngbaan aakaasisik ni na, ki di ti ker Gilead aatiŋ. Ntim ngbaan mɔmɔk aagon aa nan pɔɔ nyaŋ timi.

Josua 11:20

Uwumbɔr le nan cha binib ngbaan aasui fii ke bi to Israel yaab butɔb, aan u ŋmaa kuln bi mɔmɔk; linimbaasaln aa nan bi, le bi ku bi mɔmɔk. Kina le Uwumbɔr nan bui Moses ke u ŋa.

1 Piita 2:8

ki ki len ke, “Binib bibaa ga gbeer litakpal ngbaan ki lir. Litakpal ngbaan pu le bi ga lir.” Baa kii Uwumbɔr aabɔr; nima le cha bi lir, waah siin bi pu na.