Nnyam 4:11 - Uwumbɔr aagbaŋ

¹¹ Le Uwumbɔr bui u ke, “Ŋma tii unii bumɔb? Ŋma cha unii ye utafakpaa, bee ubir? Ŋma tii unii ŋinimbil, ki ki cha u ŋani ujoon? Min Uwumbɔr le ŋani kina.

Nnyam 4:11 ပူးပေါင်းရင်းမြစ်များ

Mpiin 11:7

Cha ti buen ki ti yakr baaliin aan bi taa ki ŋun tɔb aaliin.”

Mpiin 18:14

Nibaa pɔɔ min Uwumbɔr chee ee? Maah len pu na, m ga ki gir ni iŋmal iwae aapuwɔb, le Sara ga maa ubijabo.”

Ilahn 146:8

le ki likr bijoom aanimbil. U fiini binib bi lir ki dɔ na siini paacham; u gee waanib bi aabimbin ŋan na.

Ilahn 51:15

Uwumbɔr, ter mi aan m ŋmaa len ki pak si.

Ilahn 94:9

Uwumbɔr le naan timi aatafal, kina pu na u ŋun. Uma le naan timi aanimbil, kina pu na, u waa.

Ŋiyataŋak 20:12

Uwumbɔr tii timi ŋinimbil ke ti li joo lik, le ki tii timi ŋitafal ke ti li joo ŋun.

Aisaya 42:7

Aa ga likr bijoom aanimbil, ki nyan binib bi bi mbɔmbɔɔn ni, tiyondir ni na lii ni nwiihn ni.

Aisaya 6:7

U nan di limiisakɔl ngbaan meeh mmɔgban le ki bui ke, “Nimina meeh aamɔgban, dandana saataani buen a, le Uwumbɔr di cha saatunwanbir mɔmɔk pinn si a.”

Jeremia 1:6

Le m gar u ke, “Ndindaan Uwumbɔr, maa ŋmaa len; m laa par sakpen.”

Jeremia 1:9

Nee aapuwɔb le Uwumbɔr taln uŋaal ki di meeh mmɔgban, le ki bui mi ke, “Li pel, m bi tii si tibɔr ti aa ga len na la.

Esekiel 33:22

Kijook ki woln aan u nin fuu ni na, m nan kan ke Uwumbɔr aapɔɔn sakpiin dan m pu. Naah woln kichakpiik ni aan uja ngbaan fuu ni na, le Uwumbɔr nan ki lɔkr nlambil ke m len tibɔr.

Amos 3:6

Ukpiin yaa wii kitiŋ ni kan, ijawaan chur binib mɔmɔk la. Tibɔbir aan ŋmaa koo ni kitisakpeŋ ni kaa nyan ni Uwumbɔr chee.

Matiu 11:5

ke m likr bijoom aanimbil, ki cha biwɔb, ni bikɔndam, ni bitafakpaab pɔɔk, ki fikr binib bi kpo na nkun ni, ki tuk bigiim Uwumbɔr aabɔnyaan tee.

Tibɔnyaan ti Luk ŋmee ti na 1:20

Ni yaa nan ŋeer kan, maah len pu na ga gbiin. Saah kaa pak maah len pu na, le aa ga ŋa ubir, kaan ki ŋmaa len tibɔr ki ti saa buyoonn tiwan nimina ga ŋa na.”

Tibɔnyaan ti Luk ŋmee ti na 1:64

Libuul ngbaan ni le Sekaria aalambil lɔkr. Le u piin ki bi len ki pak Uwumbɔr.

Jɔnn 10:21

Le biken mu len ke waah len pu na, naa ye unii u tiyayaar joo u na aaliin, ke unii u tiyayaar joo u na aan ŋmaa likr bijoom aanimbil.