Nnyam 4:1 - Uwumbɔr aagbaŋ

¹ Moses nan bui Uwumbɔr ke, “Nibaakan, Israel yaab yaa kaa gaa mi ki kii, kaan pel maah ga len pu na kan, bi yaa bui ke saa dan m chee kan, m ga ŋa kinye?”

Nnyam 4:1 ပူးပေါင်းရင်းမြစ်များ

1 Bibɔrb 13:3

Le Uwumbɔr aabɔnabr ngbaan ki len ke, “Kitork aabimbiln limina ga wur lir, le nfatan mu paa li pu na ga yaa. Le aa ga bee ke Uwumbɔr le cha m len.”

Nnyam 2:14

Le uja ngbaan giin bui u ke, “Ŋma ŋa si timi aayidaan ni ubɔjir? Aa ban ke aa ku mi ke saah fe ku Ijipt aaja na pu na la aa?” Nima chee le ijawaan chuu Moses, le u dakl usui ni ke, “Binib bee maah ŋa pu na a.”

Nnyam 3:15

Tuk Israel yaab ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na le tun ni si bi chee. Bi ga li yin mi kina le n‑yoonn mu kaa kpa ndoon na. Kina le n‑yoonn mu choo na aanib ga li yin mi.

Nnyam 3:16

Li cha ki ti kuun Israel yaab aaninkpiib ki bui bi ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na, le dan aa chee. Tuk bi ke m dan bi chee le ki kan Ijipt yaab aah ŋani bi falaa pu na.

Nnyam 3:18

“Maanib ga pel saah ga bui bi pu na. Le aa di baaninkpiib buen Ijipt yaab aabɔr chee ki ti bui u ke, ‘Uwumbɔr, u ye timi Hiibru yaab Aawumbɔr na, uma le di ubaa mɔk timi. Kina pu na, tii timi nsan ti chuun iwiin itaa ki buen nteersakpiin ponn ni ki ti toor kitork tii Uwumbɔr u ye Tidindaan na.’

Nnyam 4:10

Moses nan bui ke, “Aayii, Ndindaan, taa tun mi. Maa ŋmaa len tibɔr mbamɔm, le saah piin ki len m chee buyoonn ki nan saa dandana wee na, m beenin bi kina la, maa ŋmaa len mala mala.”

Nnyam 4:30

Le Aaronn tuk bi tibɔr ti Uwumbɔr nan bui Moses na mɔmɔk, le Moses ŋa lijinjiir aatun binib ngbaan aanimbil ni.

Nnyam 4:31

Bi nan gaa kii, le baah ŋun ke Uwumbɔr dan bi chee ki nan kan baah muk bi ki ŋani bi falaa pu na, le bi gbaan kitiŋ ki doon u.

Nnyam 6:12

Moses nan giin bui u ke, “Hali Israel yaab bibaa aa ŋun tii mi, ubɔr ngbaan le tee ga ti ŋun tii mi ii? M mu aa ti ki ŋmaa len tibɔr mbamɔm.”

Nnyam 6:30

Le Moses nan giin bui u ke, “Aa nyi ke maa ŋmaa len tibɔr mbamɔm, ubɔr ngbaan ga ŋa kinye ki ŋun tii mi?”

Jeremia 1:6

Le m gar u ke, “Ndindaan Uwumbɔr, maa ŋmaa len; m laa par sakpen.”

Esekiel 3:14

Uwumbɔr aapɔɔn nan di mpɔɔnsakpiin mubaa le dan m pu, le Waafuur Nyaan aah yoor mi buen na, le nsui fii, le liŋuul chuu mi.

Lituln 7:25

U nan dakl ke unaabitiib ga bee ke Uwumbɔr ga cha u nyan bi baadim aaŋaal ni. Le baa bee.

Bibɔjirb 6:17

Gideonn nan gar ke, “Aa yaa lik faar mi kan, mɔk mi limɔkl ke sin Uwumbɔr sil ye.