Nnyam 37:9 - Uwumbɔr aagbaŋ

⁹ Tiwan ngbaan si libiil pu le ki tok tɔb, le naafeen bii li pu.

Nnyam 37:9 ပူးပေါင်းရင်းမြစ်များ

Mpiin 28:12

U nan doon daŋ ke u kan mpijadɔ si kitiŋ ki ti tuu paacham, le Uwumbɔr aatuuntiib chuun mu pu ki cha paacham ki ki sunni.

Mpiin 3:24

le ki di tiwanfuurkaan ni kpa ifeen na, ki di siin kisaak ngbaan aawipuul wɔb, le ki di mmiigaal mu naahn kijuk ki fenni ŋipepel mɔmɔk na, ki kiir kisaak ngbaan. Nima kan, unii ubaa aan ki pii limɔfal aasub chee.

1 Bibɔrb 6:27

Ni nan si kpak tɔb Chain Chain Aapepel ni, le naah taln ifeen pu na ilee ti tuu tɔb kidiik ngbaan aasisik ni, le ilee i gur na nibaa aafeen ti tuu lidigbimal libaa, le nee mu yoo ti tuu liken.

Nnyam 25:20

Tiwan ni kpa ifeen na li si tok tɔb aan tiwan ngbaan aafeen biin dakaa aabiil pu.

Nnyam 37:10

U nan di lisiijal aadɔ le kpaa teebul ngbaan, waah nan fɔk kitiŋ pu na nan ye ŋisaŋ ŋiloob, le waah waa pu na nan ye ŋisaŋ ŋitaa, le waah fɔk paacham pu na nan ye ŋisaŋ ŋinaa ni ligeln.

Nnyam 37:8

nibaa nan si dakaa aagbaan mubaa, le niken mu si ngbaan muken. U nan mɔɔ ni, le tiwan ngbaan ni libiil dab tɔb ki kpaan liwanbaal.

Aisaya 6:2

Tiwanfuurkaan ni aawon mɔmɔk ye mmii na nan si mann gob u, ki kpa ifeen iloloob. Tiwanfuurkaan ngbaan nibaa mɔk nan di ifeen ilee di biin ninimbil wɔb, ki di ilee biin niwon pu, le ki joo ilee i gur na fiir.

Jɔnn 1:51

M tuk nimi mbamɔn la, ni ga kan kitaapaak chuu piir, ki ga kan Uwumbɔr aatuuntiib cha paacham ki ki sunni, min Unibɔn Aabo pu.”

2 Korenti 3:18

Ti mɔmɔk waa Tidindaan aah wiin chain pu na. Nibaa aa bi ki dok timi ke ti taa li waa u. Tidindaan u ye Nfuur Nyaan na le cha ti bi kpelni, ki naŋni u, ki moo wolni n‑yoonn mɔmɔk, ke waah wiin chain pu na.

Efesusi 3:10

U ŋa kina ke waatuuntiib bi bi paacham na yaa kan Juu yaab ni bi kaa ye Juu yaab na aah kpaan tɔb chee ki ŋa Yesu aanib pu na kan, bi ga bee uma Uwumbɔr aah kpa nlan mɔk aabɔŋ pu na.

Filipi 3:8

Ni ye mbamɔn la, m yii tiwan mɔmɔk ke naa ye nibaa, ke m li nyi Yesu Kristo u ye Ndindaan na. Maah nyi u pu na, nima le jer tiwan mɔmɔk. U pu le m di tiwan mɔmɔk lii, ke ni ye timoor la, ke m gaa uma,

1 Timoti 3:16

Uwumbɔr aah kpiir waasan aabɔr ti tuk timi na, ti ye tibɔkpaan la: U nan yoor unibɔn aawon, ki nyan ubaa mpaan pu. Uwumbɔr Aafuur Nyaan le mɔk ke u ŋan. Uwumbɔr aatuuntiib waa u. Binib moon waabɔr ki tuk ŋitimbol aanib, le binib gaa u ki kii dulnyaa wee mɔmɔk ni. Uwumbɔr nan yoor u ki di buen paacham, ki nyuŋ u.

Hiibru Yaab 1:14

Kina kan, waatuuntiib ye ba? Bi mɔmɔk ye iwiin i tun lituln tii Uwumbɔr na la. U tun ni bi ke bi nan ter timi waanib bi ŋmar na.

1 Piita 1:12

Le Uwumbɔr nan mɔk bi ke baah len tibɔr ti na, baa len ke bi ter bima bibaa, bi len ke bi ter nimi la. Le ni ŋun tibɔr ngbaan dandana wee. Uwumbɔr cha Waafuur Nyaan nyan ni paacham ki tii binib mpɔɔn bi tuk nimi tibɔnyaan tee. Tibɔnyaan timina le Uwumbɔr aatuuntiib ban ke bi bee taatataa.