Nnyam 37:1 - Uwumbɔr aagbaŋ

¹ Besalel nan kpaa Uwumbɔr Aakaal Aadakaa; u nan di lisiijal aadɔ le ki di kpaa u, dakaa ngbaan aah nan fɔk kitiŋ pu na nan ye ŋisaŋ ŋilole ni ligeln, le waah waa pu na nan ye ŋisaŋ ŋinaa ni ligeln. Nfɔfɔk paacham mu nan ye ŋisaŋ ŋinaa ni ligeln la.

Nnyam 37:1 ပူးပေါင်းရင်းမြစ်များ

1 Bibɔrb Aabɔr 2:20

Hur le nan ma Uri, le Uri mu ma Besalel.

Nnyam 26:33

Ni di likekeln sakpeln ngbaan di leen Libool ngbaan ni, ki yakr li nfum mulee; ni di Uwumbɔr Aakaal Aadakaa u ŋitakpapapan ŋilee bi u ponn ni na, ki di siin likekeln ngbaan aapuwɔb. Likekeln ngbaan le ga yakr Chain Aapepel, ni Chain Chain Aapepel chee.

Nnyam 31:7

Bi ga ŋa Maabool, ni Maakaal Aadakaa ni waabiil, ni Libool ngbaan aawan mɔmɔk,

Nnyam 37:2

U nan di salmaa aakur ŋmeen le donn biin u ponn ni, ni lipaal mɔmɔk, le ki di salmaa aakur ŋa nkuul mann gonn u paacham aamɔgben.

Nnyam 40:3

Aa di Dakaa u ponn ni Ikaal Kipiik bi na siin Libool ngbaan ni, ki di likekeln gbin u chee.

Ikaal 10:3

“Nima pu na, m nan di lisiijal aadɔ le kpii dakaa ngbaan, ki kpii ŋitakpapapan ŋilee ke njan yee na, le ki di ŋi jon lijool paab.

Hiibru Yaab 9:4

Salmaa aatork aabimbiln nan bi ni ponn ni. Libimbiln ngbaan paab le bi seer tulalee aayon tii Uwumbɔr. Uwumbɔr aakaal aah nan bi dakaa u ponn ni na, mu nan bi ni ni. Bi nan di salmaa aakur le biin dakaa ngbaan pu. Tijikaar ti bi yin ti ke mana na, nan bi salmaa aasambil ponn ni, dakaa ngbaan ponn ni. Aaronn aadabil li nan ŋeen nsupuun na mu nan bi u ponn ni. Uwumbɔr aakaal aah nan ŋmee ŋitakpapapan ŋilee ŋi pu na, mu nan bi u ponn ni.