Nnyam 34:9 - Uwumbɔr aagbaŋ

⁹ le ki bui ke, “Ndindaan, maabimbin yaa piir aasui kan, m mee si ke aa dii timi buen. Binib ngbaan aasui pɔɔ pam. Cha pinn timi aataani, ni timi aatunwanbir, aan ki cha ti li ye saanib.”

Nnyam 34:9 ပူးပေါင်းရင်းမြစ်များ

Ilahn 135:4

U nyan Jakob ke u li ye uyoo, u nyan Jakob aayaabitiib Israel yaab ke bi li ye waanib.

Ilahn 25:11

Uwumbɔr, li joo saah puu tipuur ti na, ki di maatunwanbir ti wiir sakpen na cha pinn mi,

Ilahn 28:9

Uwumbɔr, gaa saanib lii, ki ŋa saanyoor ŋa saah yeh binib bi na pu, ki li ye u kpaa bi ki lik bi pu n‑yoonn mɔmɔk na.

Ilahn 33:12

Litimbol li dii Tidindaan Uwumbɔr na, lima le kpa mpopiin; waah lee binib bi ke bi ye uyaab na, bima le kpa mpopiin.

Ilahn 78:62

Waaŋuul nan fii waanib pu pam, le u cha baadim ku bi.

Ilahn 94:14

Uwumbɔr aan siir cha waanib; waan suln binib bi ye waanib na aabɔr.

Nnyam 19:5

Dandana wee, ni yaa ga kii maaliin aan ki joo maah puu tipuur ti na kan, ni ga li ye maanib. Min le yeh dulnyaa wee mɔmɔk, nimi le ga li ye bininyaam

Nnyam 32:9

M nyi binib ngbaan aasui aah pɔɔ sakpen pu na.

Nnyam 33:12

Moses nan bui Uwumbɔr ke, “Ni ye mbamɔn ke aa tuk mi ke m loln binib ngbaan pu nsan, ki di bi buen kitiŋ ngbaan ni, tɔ, saa tuk mi u ga cheen mi na. Aa bui ke aa nyi mi, ki gee maabɔr mbamɔm.

Nnyam 34:7

M joo maah puu tipuur ti na le ti ye ki tii mmaal lichur, le ki cha pinni titunwanbir; mmaal mu aatetiib tun titunwanbir na kan, m ga daa biyaabitiib ni biyaabisɔsɔk aatafal.”

Aisaya 48:4

M nan nyi ke nitafal ga li pɔɔ ke kikurk na, kaan li kool ke tikumann aakur na.

Jeremia 10:16

Uma Uwumbɔr u tiyaaja Jakob mu dii u na aa bi ke ŋima na; uma Uwumbɔr le naan tiwan mɔmɔk, le ki lee Israel yaab ke bi li ye uma ubaa aanib. Waayimbil le ye ke Uwumbɔr Mpɔɔnsakpiindaan.

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Sekaria 2:12

Juda aapepel ga ki gir ŋa Uwumbɔr aawankpaan ki bi waatiŋ ki bi chain na pu, le Jerusalem li ye kitiŋ ki u gee jer ntim muken na.

Nkahm 14:19

Tɔ, Uwumbɔr, m mee si la, saah kpa ngeehm sakpen pu na, cha pinn binib bee aatunwanbir, ke saah ti cha pinni bi baatunwanbir, n‑yoonn mu aa nyan ni bi Ijipt aatiŋ ni ki nan saa din na.”

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Ikaal 32:9

le ki nyan Jakob aamaal ke bi li ye waanib.

Ikaal 4:20

Nimi ma kan, uma le nyan nimi Ijipt yaab aamuk ni. U nyan ni nimi ke u di nimi ŋa waanib, ke naah ye waanib din wee pu na.

Ikaal 9:18

Le m ki lir gbaan Uwumbɔr aanimbiin ni, nwiin pu ni kinyeek, iwiin imonko ilee, kaa ji, kaa nyu nibaa. Naah nan tun titunwanbir Uwumbɔr chee, ki cha waaŋuul fii pu na le cha m nan ŋa kina.

Ikaal 9:26

M nan mee ke, ‘Ndindaan Uwumbɔr, taa kuln saanib bi aa di saapɔɔnsakpiin gaa bi lii, ki nyan ni bi Ijipt aatiŋ ni na.

Ikaal 9:29

Ni ye mbamɔn ke binib bee le aa nyan bi ke bi li ye saanib, le ki di saapɔɔn sakpiin na nyan ni bi Ijipt aatiŋ ni.’