Nnyam 34:4 - Uwumbɔr aagbaŋ

⁴ Le Moses nan ŋa Uwumbɔr aah len pu na, ki kpii ŋitakpal ŋilee ngbaan. Naah woln kichakpiik ni na, le u di ŋi jon Sainai Aajool ngbaan paab.

Nnyam 34:4 ပူးပေါင်းရင်းမြစ်များ

Nnyam 19:20

Le Uwumbɔr nyan ni paacham ki sunn ni Sainai Aajool ngbaan paab, ki yin Moses ke u dan u chee lijool ngbaan paab. Moses nan jon u chee paacham,

Nnyam 19:3

le Moses buen lijool ngbaan aapaacham, u ti doon Uwumbɔr. Uwumbɔr nan bi lijool ngbaan paab le ki yin u, le ki tuk u ke u bui Jakob aayaabitiib, Israel yaab ke:

Nnyam 32:16

Uwumbɔr ubaa le nan kpii ŋitakpal ngbaan, le ki ŋmee ikaal ngbaan paan ŋi pu.

Nnyam 34:1

Uwumbɔr nan ki bui Moses ke, “Kpii ŋitakpal ŋilee, ŋi li bi ke njan yee na, aan m ki ŋmee ŋi pu ŋimɔbon ŋi nan bi njan yee, ŋi aa nan di lii wii na.

Ikaal 10:1

“N‑yoonn ngbaan le Uwumbɔr bui mi ke, ‘Kpii ŋitakpapapan ŋilee ŋi naahn njan yee na, aan ki ŋa ŋikpan aadakaa mu, ki di ŋi ŋa u ponn ni.

Ikaal 10:3

“Nima pu na, m nan di lisiijal aadɔ le kpii dakaa ngbaan, ki kpii ŋitakpapapan ŋilee ke njan yee na, le ki di ŋi jon lijool paab.