Nnyam 33:4 - Uwumbɔr aagbaŋ

⁴ N‑yoonn mu binib ngbaan ŋun kina na, le bisui bii, baa ki peeni salmaa aawan kpala,

Nnyam 33:4 ပူးပေါင်းရင်းမြစ်များ

2 Samuel 19:24

Le Sɔɔl aayaabil Mefibosef mu dan ke u nan tooh ubɔr nsan ni. Waa nan finn utaa, kaa kuu ulangbaln, kaa finn waawanpeenkaan, ki nyan bundaal Ubɔr David nan nyan Jerusalem ni na, ki nan saa waah di linyaŋ gir ni pu na.

1 Bibɔrb 21:27

Elaija aah nan len doo na, le Ahab daa kar kar waawanpeenkaan, ki chuu peer ni, le ki di tiwan ni saak kuub na peen, ki yii tijikaar, ki doo tiwanpeenkaan ngbaan ni, le usui bii, le u chuun lik gbilngbiln.

2 Bibɔrb 19:1

Ubɔr Hesekia aah ŋun baah len pu na, libuul ngbaan ni le u daa kar waawanpeenkaan, usui aah bii sakpen pu na, le ki di tiwan ni saak kuub na peen, le ki buen Uwumbɔr Aadichal ni,

Esra 9:3

Maah ŋun kina na, le m daa kar maawanpeenkaan, ni n‑yikpir, ni nlangban, mpombiin pu.

Job Aagbaŋ 1:20

Le Job fii sil, ki daa kar waawanpeenkaan nsuugar pu. U nan kuu uyil, le ki lir lichichikr,

Job Aagbaŋ 2:12

Baah laa bi ni dandar na, le bi waa Job, ki mu aa bee u. Baah ti bee u na, le bi piin ki wii, ki kaani, ki dar kar baawanpeenkaan mpombiin pu, le ki fai titan mae paacham, ni biyil pu,

Nnyam 33:6

Nima pu na, baah nyan Sainai Aajool chee ki cha na, binib ngbaan aa nan ki peeni salmaa aaleen kpala.

Aisaya 32:11

Ni po bi nibaa pu la, kaa kpa ilandak ibaa; dandana ma kan, cha niwon li gbaa ijawaan pu. Gbabr nimi aakeken mee man, ki ban tiwankpir di gbin nichaŋ ni.

Esekiel 24:17

Taa cha saah ka wii liŋmiŋmiln pu na nya lipaal aan ubaa ŋun aa pu. Taa pir kpiir aayil pu, bee aa li chuun kaa tak ŋinaatak ke ni mɔk ke aa bi wii likpuul la. Taa di nibaa biin aanimbil pu, bee aa ji binib bi bi wii likpuul na aah ji tijikaar ti na.”

Esekiel 24:23

Naan chuun kaa tak ŋinaatak, bee ni li chuun aan tiwan aa bii niyil pu, bee ni wii likpuul, bee ni wii bi pu. Nimi nibaa aatunwanbir pu le ni ga kuur doo, le ni ga li ker idun tɔb chee.

Esekiel 26:16

Bibɔrb bi mɔmɔk bi dandar nnyusakpem aapuwɔb na ga suln baabɔkur ŋi bi ŋa nyɔla nyɔla ŋi pu na, ki ka kitiŋ ki jii. Saabɔr ga chuu bi ijawaan sakpen le baan ŋmaa di cha njiim.

Hosea 7:14

Baa joo bisui mɔmɔk mee mi, le ki labr lir kitiŋ le ki kaani ke binib bi kaa dii maasan na aah ŋani pu na. Bi yaa bi mee ban njikaabim ni ndaan kan, bi joo njum le geei bibaa ke binib bi kaa dii maasan na aah ŋani pu na. Bi ye binib bi kaa keei min Uwumbɔr aamɔb na la.

Liifai Yaab 10:6

Moses nan ki bui Aaronn ni ujapɔtiib bilee bi gur ki bi, aan bi yin bi ke Eleasar ni Itamar na ke, “Ni toor nimi aayikpir, ki taa kar nimi aawanpeenkaan, ki taa cha nisui bii ninaabitiib ngbaan pu. Ni yaa cha nisui bii bi pu kan, ni mu ga kpo; le Uwumbɔr ga gee liŋuul ŋa Israel yaab mɔmɔk pu. Tɔ, nido yaab Israel yaab bi gur na wii baakpuul, Uwumbɔr aah cha mmii ku ninaabitiib na pu.

Jona 3:6

Ninefa aabɔr aah ŋun tibɔr ngbaan na, le u fii libɔrjal pu, ki chuu peer waanaan aawanpeenkaan, le ki di tiwanpeenkaan ni saak kuub na peen, le ki kal nfatan ponn ni.

Sekaria 7:3

ki baa waabɔnabtiib ni bitotoorb mbaan mumina ke: “Ti li beenin wii Uwumbɔr Aadichal aah bii pu na, ki lulni bumɔb ŋmaŋmu ni ke taah puen ŋa ŋibin ŋi jer pam na ni pu na aa?”

Sekaria 7:5

U nan bui ke, “Bui kitiŋ ngbaan aanib ni bitotoorb ngbaan ke baah nan lulni bumɔb ki wii ikpowiil ŋmaŋmu ni ŋmalole ni ŋibin imonko itaa ni kipiik ŋi jer na, naa nan ye maanyuŋ pu le bi nan ŋani kina.

Nkahm 14:1

Kinyeek wɔb ki ti woln kitaak, binib ngbaan nan wii ki ŋulni.

Nkahm 14:39

N‑yoonn mu Moses tuk Israel yaab Uwumbɔr aah len pu na, bisui nan bii pam, le bi wii ikpowiil.

1 Samuel 6:19

Uwumbɔr nan ku Bef Semes aajab imonko itaa ni kipiik, ba pu? bi nan lik Uwumbɔr Aakaal Aadakaa ngbaan ponn ni la. Le binib ngbaan nan wii ikpowiil, Uwumbɔr aah tun bi litusakpeln pu na.