Nnyam 33:3 - Uwumbɔr aagbaŋ

³ Ni cha kitiŋ ki kpa nkpan, ni n‑yaan, ki nyuun na ni la. Min mbaa aan dii nimi buen; ba pu? nitafal aah pɔɔ pu na, nibaakan m ga ti kuln nimi nsan ni.”

Nnyam 33:3 ပူးပေါင်းရင်းမြစ်များ

2 Bibɔrb 17:14

Le baan kii tii u; bi nan kpa tafalaaŋun ke biyaajatiib bi kaa nan di naadii tii Bidindaan Uwumbɔr na la.

Ilahn 78:8

Baan li bi ke biyaajatiib na, kaan li ye binib bi yii Uwumbɔr aamɔb ki nyan upuwɔb na. Baan li ye binib bi kaa gaa Uwumbɔr ki kii mbamɔm, kaan ŋmaa nyii u pu ki sil n‑yoonn mɔmɔk na.

Nnyam 13:5

Uwumbɔr nan puu tipuur tii niyaajatiib ke u ga di kitiŋ ki ye Kanaann yaab, ni Hef yaab, ni Amor yaab, ni Hif yaab, ni Jebus yaab aatiŋ na ki di tii nimi la. U yaa nyan nimi ki joo nimi ti fuu kitiŋ ngbaan ki kpa tiwakor aamoŋmɔpaan ni ŋisubil sakpen na ni na kan, ni pɔɔ nibaa ki li toor Lakr‑jer aajim ngbaan, njan aaŋmal libiln mɔk ni.

Nnyam 23:21

Ni ŋun tii u, ki kii waamɔbon. Ni taa ŋa tafalaaŋun u chee; ba pu? min le tun ni u, le waan di cha pinn tafalaaŋundaan aatunwanbir.

Nnyam 3:17

M dakl ke m ga nyan bi Ijipt aatiŋ ni, nin chee bi ŋani bi falaa na, ki di bi buen kitiŋ ki kpa tiwakor aamoŋmɔpaan ni ŋisubil sakpen na, kitiŋ ki ye Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab aatiŋ na pu.

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Nnyam 32:14

Nima pu na, Uwumbɔr nan kpeln waalandak, le kaa ki daa bitafal waah nan dak pu na.

Nnyam 33:5

ba pu? Uwumbɔr le nan bui Moses ke u tuk binib ngbaan ke, “Nitafal pɔɔ pam. Nibaakan, m yaa ban m dii nimi foor siib kan, m ga kuln nimi kookoo. Tɔ, chuu nyan nimi aasalmaa aaleen, aan m dakl lik maah ga ŋa nimi pu na.”

Nnyam 34:9

le ki bui ke, “Ndindaan, maabimbin yaa piir aasui kan, m mee si ke aa dii timi buen. Binib ngbaan aasui pɔɔ pam. Cha pinn timi aataani, ni timi aatunwanbir, aan ki cha ti li ye saanib.”

Aisaya 48:4

M nan nyi ke nitafal ga li pɔɔ ke kikurk na, kaan li kool ke tikumann aakur na.

Jeremia 11:5

Le m ga li joo tipuur ti m nan puu tii biyaajatiib, ke m ga tii bi kitiŋ ki kpa tiwakor aamoŋmɔpaan ni ŋisubil sakpen na, aan bi kpa ki dandana wee na.” Le m bui ke, “Een, Uwumbɔr.”

Esekiel 20:6

N‑yoonn ngbaan le m nan puu ke m ga nyan bi Ijipt aatiŋ ni ki di buen kitiŋ ki kpa tiwakor aamoŋmɔpaan ni ŋisubil sakpen na, kitiŋ ki ŋan jer ntim mɔmɔk aan m nyan ke m di tii bi na pu.

Liifai Yaab 20:24

M puu ke m ga di kitiŋ ki kpa tiwakor aamoŋmɔpaan ni ŋisubil sakpen na tii nimi ki li ye nimi yaan, le m ga sil di ki tii nimi. Min le ye Nidindaan Uwumbɔr, le ki nyan nimi nibaa ŋinibol mɔmɔk ni.

Jona 3:10

Uwumbɔr nan kan baah ŋa pu na; u nan kan ke bi di cha baabiin aabimbin, kina pu le u kpeln waalandak kaa ki daa bitafal ke waah ba ga daa pu na.

Jona 3:4

Jona nan piin ki bɔ dii kitiŋ ngbaan ponn ni, le waah chuun nwimɔn aasachuln na, le u mooni tuk binib ngbaan ke, “Joo cha ni iwiin imonko ilee na, Ninefa aatiŋ ga kuln.”

Nkahm 13:27

Bi nan bui Moses ke, “Ti mann kitiŋ ngbaan ni mɔmɔk, ki kan ke ki kpa liwangol pam, le kaakpaatan mu nyuun. Lik, taah joo ni nima chee aasubil ŋi na sɔ.

Nkahm 14:12

M ga cha iween i bir sakpen na dan nan lir bi pu, ki kuln bi, ki tee cha sin Moses ma maa pam ki ŋa litimbokpaan, ki li kpa mpɔɔn sakpen ki jer bi.”

Nkahm 14:8

Ti yaa piir Uwumbɔr aasui kan, u ga di timi koo kitiŋ ngbaan ni, ki tii timi kaawangol, ni kaakpaatan mu nyuun na.

Nkahm 16:13

Saah nyan ni timi Ijipt aatiŋ ki kpa nkpan ni n‑yaan, ke aa nan ku timi lii nteersakpiin mue ni na, naa ŋeer aa? Le aa ki ban ke aa kpaln timi aabɔr aa?

Nkahm 16:21

“Ni foor binib ngbaan chee aan ki cha m ku bi mɔmɔk libuul lee ni.”

Nkahm 16:45

“Foor cha binib ngbaan ki sil nibaa man, aan m kpaan ku bi mɔmɔk libuul ni.” Le bi mɔmɔk bilee tar lir bipuu pu.

Lituln 7:51

Tɔ, Stiifen nan ki len ke, “Nitafal pɔɔ, naa dii Uwumbɔr aasan nisui ni, kaa pel waaliin. N‑yoonn mɔmɔk ni ban ni yii Uwumbɔr Aafuur Nyaan, ke niyaajatiib aah nan yii mu pu na.

Ikaal 4:24

Ba pu? Nidindaan Uwumbɔr bi ke mmiigaal na la, le kaa ban ke unibɔn ki dii tiwan nibaa ki kpee u pu.

1 Samuel 2:30

Min, Israel yaab Aadindaan Uwumbɔr le nan puu n‑yoonn mu jer na ke saadichal ni saamaal le ga li tun maatuln ke bitotoorb na n‑yoonn mɔmɔk. Le dandana wee m len ke maan ŋa nimi kina. Maah ga ŋa pu na sɔ, m ga nyuŋ binib bi nyuŋni mi na la, le ki lik seen binib bi lik mi fam na.