Nnyam 32:9 - Uwumbɔr aagbaŋ

⁹ M nyi binib ngbaan aasui aah pɔɔ sakpen pu na.

Nnyam 32:9 ပူးပေါင်းရင်းမြစ်များ

2 Bibɔrb 17:14

Le baan kii tii u; bi nan kpa tafalaaŋun ke biyaajatiib bi kaa nan di naadii tii Bidindaan Uwumbɔr na la.

2 Bibɔrb Aabɔr 30:8

Taa li kpa tafalaaŋun ke baah nan kpa pu na man, ni tee kii Uwumbɔr aamɔb. Dan man Uwumbɔr Aadichal li Nidindaan Uwumbɔr ŋa li chain n‑yoonn mɔmɔk aan li bi Jerusalem ni na ni, ki nan doon u aan waaŋuul sɔŋ ni pu.

Nehemia 9:16

Le tiyaajatiib nan ŋa gaankpela ni n‑yipɔɔn, ki yii, kaa kii tii saakaal.

Nehemia 9:17

Bi nan yii, kaa kii tii si; bi nan suln saah ŋa tiwan nimɔk na; bi nan suln saah ŋa iwaan aawan nimɔk na. Baanimpoo ni, bi nan nyan uyidaan ubaa ke u di bi giin tinaagbiir ponn ni, Ijipt aatiŋ ni. Le aa ye Uwumbɔr u joo cha pinni titunwanbir na; aa ŋan ti nyaŋ, ki gee binib, le saaŋuul aa fii mala mala. Saanimbaasaln aah nyaŋ sakpen pu na, le saa nan yii bi.

Ilahn 78:8

Baan li bi ke biyaajatiib na, kaan li ye binib bi yii Uwumbɔr aamɔb ki nyan upuwɔb na. Baan li ye binib bi kaa gaa Uwumbɔr ki kii mbamɔm, kaan ŋmaa nyii u pu ki sil n‑yoonn mɔmɔk na.

Nnyam 33:3

Ni cha kitiŋ ki kpa nkpan, ni n‑yaan, ki nyuun na ni la. Min mbaa aan dii nimi buen; ba pu? nitafal aah pɔɔ pu na, nibaakan m ga ti kuln nimi nsan ni.”

Nnyam 33:5

ba pu? Uwumbɔr le nan bui Moses ke u tuk binib ngbaan ke, “Nitafal pɔɔ pam. Nibaakan, m yaa ban m dii nimi foor siib kan, m ga kuln nimi kookoo. Tɔ, chuu nyan nimi aasalmaa aaleen, aan m dakl lik maah ga ŋa nimi pu na.”

Nnyam 34:9

le ki bui ke, “Ndindaan, maabimbin yaa piir aasui kan, m mee si ke aa dii timi buen. Binib ngbaan aasui pɔɔ pam. Cha pinn timi aataani, ni timi aatunwanbir, aan ki cha ti li ye saanib.”

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Aisaya 48:4

M nan nyi ke nitafal ga li pɔɔ ke kikurk na, kaan li kool ke tikumann aakur na.

Jeremia 13:27

U kan nimi, ni tun tijɔŋ aatuln. U kan naah chuun ban ŋiwaa ŋigongon paab, ni ikpaakon ni, ke uja aah neen uŋeen aatɔ aapuu pu, bee utanja aah neen utaninkpel pu na. Jerusalem aanib, nimi aamɔfal junn a. Bayoonn aan ni mu ga ŋaŋ?

Hosea 6:10

M kan tibɔbir tibaa Israel aatiŋ ni: tima le ye ke maanib Israel yaab bii bibaa le ki dooni ŋiwaa.

Nkahm 14:11

Uwumbɔr nan baa Moses ke, “Bayoonn aan binib bee ga di cha kaan ki yii mi? Maah ŋa lijinjiir aawan bikaasisik ni pu na, bayoonn aan bi ga di cha ki tii mi naadii?

Lituln 7:51

Tɔ, Stiifen nan ki len ke, “Nitafal pɔɔ, naa dii Uwumbɔr aasan nisui ni, kaa pel waaliin. N‑yoonn mɔmɔk ni ban ni yii Uwumbɔr Aafuur Nyaan, ke niyaajatiib aah nan yii mu pu na.

Ikaal 10:16

Nima pu na, n‑yoonn mue ki joo cha, ni kii Uwumbɔr aamɔb, ki di cha nimi aatafalaaŋun ngbaan.

Ikaal 31:27

M nyi bisui aah pɔɔ aan bi kpa tafalaaŋun pu na. Maah bi limɔfal ponn ni na, m kan baah bir ki yiir Uwumbɔr pu na, le m yaa kpo kan, bi ga ŋa ni bir ki jer kina na.

Ikaal 9:13

“Uwumbɔr nan ki bui mi ke, ‘M nyi binib ngbaan aah kpa tafalaaŋun pu na.

Ikaal 9:6

Ni li nyi mbamɔm ke naa ye ke ni ŋan ki ŋeer kitiŋ ngbaan le ga cha u gaa kitinyanyaan ngbaan tii nimi. Naa ye kina, ni ye tafalaaŋun aanib la.