Nnyam 32:7 - Uwumbɔr aagbaŋ

⁷ Uwumbɔr nan bui Moses ke, “Gir sunn mala, ba pu? saanib bi aa nyan ni bi Ijipt aatiŋ ni na tun titunwanbir, ki yii mi a.

Nnyam 32:7 ပူးပေါင်းရင်းမြစ်များ

2 Bibɔrb Aabɔr 27:2

U nan tun Uwumbɔr aageehn ke ute na; waa nan tee tun taani ke ute aah nan see tulalee aayon Uwumbɔr Aadichal ni ki tun Uwumbɔr titunwanbir pu na. Waanib le nan tee beenin tun titunwanbir.

Ilahn 78:36

Tɔ, baamɔbon tee ye inyamɔn la; baabɔr mɔmɔk aa gbiini.

Nnyam 19:24

Le Uwumbɔr giin bui u ke, “Sunn ki ti cha Aaronn dii ni si. Bitotoorb ni binib ngbaan ma taa puur nkuul ngbaan ke bi dan m chee, bi yaa yii kan, m ga daa bitafal.”

Nnyam 32:1

N‑yoonn mu binib ngbaan nan bee ke Moses yunn lijool ngbaan paab, kaa sunn ni, ki bi nima chee na, le bi kuun ni ki mann goln Aaronn, le ki bui u ke, “Taa nyi tiwan ni ŋa Moses u nan nyan ni timi Ijipt aatiŋ ni na aan waa gir ni na, nima pu na, ŋa liwaal tii timi, ti li dii li.”

Nnyam 32:11

Tɔ, Moses nan gaŋ Udindaan Uwumbɔr le ki bui ke, “Uwumbɔr, ba ŋa aa cha saaŋuul fii saanib pu sakpen kina, naa ye saapɔɔn sakpiin pu le aa nan di nyan ni bi Ijipt aatiŋ ni ii?

Nnyam 32:4

Le u gaa tafajɔn ngbaan le ki donn bi, le ki di kpaar ŋa tiwan ni naahn unaa na ni, le ni kpaln salmaa aanaajabo. Le binib ngbaan bui ke, “Timi Israel yaab aawaal li nyan ni timi Ijipt aatiŋ ni na le na.”

Nnyam 33:1

Uwumbɔr nan bui Moses ke, “Fii do, aa ni binib bi aa nyan ni bi Ijipt aatiŋ ni na, ki li cha kitiŋ ki m puu tii Abraham, ni Aisak, ni Jakob, ni biyaabitiib na ni.

Aisaya 1:4

Ni kpo doo a, nimi titunwanbirdam, nimi beebeedam, ni kinimbɔŋdam. Nimi aatunwanbir le dar nimi lir kitiŋ. Nimi Israel yaab, ni yii nimi Aawumbɔr u bi chain na, ki fenn nipuwɔb tii u.

Daniel 9:24

“Ŋibin ŋi Uwumbɔr di siin ke u nyan saanib, ni kitiŋ ki bi chain na titunwanbir ni, ni tiwan ni kaa ŋan na ni na, ye ŋibin imonko itaa ni kipiik nfum mulole pu la. U ga di cha pinn titunwanbir, ki cha ibamɔn i ga li bi n‑yoonn mɔmɔk na dan, le tidaŋ ngbaan, ni Uwumbɔr aabɔnabr ngbaan aamɔbon ga gbiin, le Uwumbɔr Aadichal li bi chain na ga ki gir sil.

Hosea 9:9

Baatuln mɔmɔk ponn ni ye titunwanbir le kaa kpa ŋitataa, ke baah nan bi Gibea aatiŋ ni pu na. Uwumbɔr ga teer baatunwanbir le ki daa bitafal ti pu.

Ikaal 31:29

M bee ke m yaa kpo kan, binib ngbaan ga tun titunwanbir, ki yii maah mɔk bi ikaal i na. Le bi yaa ŋa kina kan, n‑yoonn mbaa choo, bi ga nan kan tibɔbir, ba pu? baah ga tun titunwanbir ti na le ga cha Uwumbɔr aaŋuul fii bi pu.”

Ikaal 32:5

Nimi Aawumbɔr ŋani waah len pu na, nimi le aa si chob, kaa ŋeer ke ni li ye waanib, le kaa ye mbamɔndam, ki ye litimbol li ŋmanni, ki ye titunwanbirdam na.

Ikaal 4:16

ki taa tun titunwanbir ke ni di tiwan nibaa ŋa liwaal tii nibaa, aan ni li naahn upii, bee uja,

Ikaal 9:12

“Le Uwumbɔr bui mi ke, ‘Ŋa mala ki sunn lijool taab; saanib bi aa nyan ni bi Ijipt aatiŋ ni na yii mi, ki tun titunwanbir. Bi kpaan fenn ki cha maah tuk bi ke bi ŋa pu na, le ki ŋa liwaal tii bibaa.’

Ikaal 9:8

Sainai Aajool chee, ni nan ŋa Uwumbɔr liŋuul. Naah nan ŋa u liŋuul pu na nan ŋeer u kuln nimi.

Bibɔjirb 2:19

Le usaloln ngbaan yaa ti ti kpo kan, le binib ngbaan ki gir buen baatunwanbir ni, le ki tun ni bir jer biyaajatiib na. Bi nan dooni ŋiwaa, le ki tun tii ŋi, ki yii, kaan di cha baatunwanbir aatum.