Nnyam 32:26 - Uwumbɔr aagbaŋ

²⁶ Nima chee le u sil mbisamɔb chee le ki teen ke, “Ŋma si Uwumbɔr aachaŋ ni na? Udaan nyan ni ki dan m chee.” Nima pu na, Liifai aamaal nan buen ti sil gbaŋ u.

Nnyam 32:26 ပူးပေါင်းရင်းမြစ်များ

2 Samuel 20:11

Joab aaja ubaa nan gaar ki si Amasa aanikpol chee, ki tar ke, “Unii umɔk ye Joab ni David yoo na kan, u li paa Joab pu.”

2 Bibɔrb 9:32

Jehu nan waan lik paacham le ki teen ke, “Ŋma si nchaŋ ni?” Libɔrdichal ni aaninkpiib bilee bee bitaa nan baan takolu ni lik ni u,

Ilahn 94:16

Ŋma nan sil nchaŋ ni bibiindam chee? Ŋma nan sil mpuwɔb titunwanbirdam chee?

Nnyam 32:25

Moses nan kan ke Aaronn le cha binib ngbaan gaa bibaa ki ŋa kijɔrk aatuln, baadim aanimbil ni.

Nnyam 32:27

Le u bui bi ke, “Uwumbɔr, u ye nimi Israel yaab Aawumbɔr na bui ke, ‘Nimi bi si uchaŋ ni na di nimi aajaak aajum ki bɔ dii binib bi gur na ni, ki ku nina aabim, ni nijɔtiib, ni nido yaab mɔmɔk.’”

Matiu 12:30

“Unii umɔk kaa dii mi na, u ye maadin la. Unii umɔk kaa kuuni binib tii mi na, u yaal bi la.

Ikaal 33:9

Bi nan mɔk ke bi pak si sakpen, ki jer baah pak bitetiib, ni binatiib, ni binaabitiib, ni baabim pu na. Bi kii saamɔb ki nan joo saah puu tipuur ti na mbamɔm.

Josua 5:13

Buyoonn Josua nan bi gbɔk Jeriko aatiŋ na, le uja ubaa kpaan nyan sil u chee, unimbiin ni, le ki joo kijaak aajuk. Josua nan buen u chee le ki ti baa u ke, “Aa ye timi aajab ponn ni ubaa, bee aa ye timi aadin la?”