Nnyam 32:25 - Uwumbɔr aagbaŋ

²⁵ Moses nan kan ke Aaronn le cha binib ngbaan gaa bibaa ki ŋa kijɔrk aatuln, baadim aanimbil ni.

Nnyam 32:25 ပူးပေါင်းရင်းမြစ်များ

Mpiin 3:10

Le uja bui u ke, “M ŋun saah chuun kisaak ni pu na; le maah chuun ŋŋmeen na, ijawaan chuu mi, le m bɔr.”

1 Bibɔrb 12:28

Waah moo dakl ti lik na, le u di salmaa ŋa inaajabi ilee, le ki bui waanib ke, “Naah chaa Jerusalem pu ti dooni Uwumbɔr na, ni taa ki buen. Israel aanib, nimi aawaa ŋi nyan ni nimi Ijipt aatiŋ ni na sɔ.”

1 Bibɔrb 14:16

Jeroboam aah tun titunwanbir ki cha Israel yaab mu tun pu na le ga cha Uwumbɔr yii Israel yaab.”

2 Bibɔrb Aabɔr 28:19

Ubɔr Ahas aah kaa nan tii waanib baabamɔn ki bii Uwumbɔr aakaal na, le Uwumbɔr cha tibɔr dan nan lir waatiŋ Juda pu.

Nnyam 32:26

Nima chee le u sil mbisamɔb chee le ki teen ke, “Ŋma si Uwumbɔr aachaŋ ni na? Udaan nyan ni ki dan m chee.” Nima pu na, Liifai aamaal nan buen ti sil gbaŋ u.

Ŋiyataŋak 29:18

Litimbol li kaa kpa Uwumbɔr aasurm na aa bi mbamɔm. Unii u joo Uwumbɔr aakaal na le kpa mpopiin.

Aisaya 47:3

Binib ga kan saah chuun aaŋmeen pu na; bi ga kan ke bi jinn si inimɔɔn ki sunn si taab. M mu ga giin si mbiin mu aa ŋa mi na, le ubaa aan ŋmaa bui mi ke m di cha si.”

Jeremia 5:5

M ga buen binib bi bi mpɔɔn ni na chee le ti ti gbaa tibɔr. Nibaakan, bima ga li nyi Baawumbɔr aah gee pu na, bima ga li nyi Uwumbɔr aah ban ke bi ŋa pu na.” Le bi mu mɔmɔk yii Uwumbɔr aamɔb ki nyan upuwɔb.

Esekiel 16:63

M ga di cha pinn si saah tun taani u mɔmɔk na, aa mu tee ga teer taani ngbaan bɔr, le inimɔɔn ga chuu si sakpen, le saan ki ŋmaa waar aamɔb.” Aadindaan Uwumbɔr le len kina.

Daniel 12:2

Bi puen kpo na pam le ga fikr nkun ni: bibaa ga kan limɔfal li kaa kpa ndoon na, le bibaa mu ji inimɔɔn i kaa kpa ndoon na.

Hosea 2:3

U yaa kaa di cha kan, m ga gbabr u ki cha u uŋmeen ke baah nan ma u nwiin mundaal na. M ga ŋa u nkuun ke kitiŋ ki kaa kpa tijikaar na, le ki cha nnyunyuu ku u.

Maika 1:11

Safir aatiŋ aanib, di inimɔɔn ki chuun niŋmeen man, nimi aadim aah di nimi buen kitiyayaŋ ni man. Binib bi koo Saanann aatiŋ ni na aa kaa ke bi nya ni baatiŋ ponn ni. Ni yaa nan ŋun Bef Esel aatiŋ aanib bi wii kan, ni bee ke lifuur aa bi nima.

Rom Yaab 6:21

Ni yaa teer naah tun titunwanbir ti na kan, ni jinni nimi inimɔɔn dandana wee la. Tinyoor nan bi titunwanbir ngbaan ni ii? Aayii. Titunwanbir ngbaan aadoon ye nkun la.

Ikaal 9:20

Uwumbɔr aaŋuul nan fii Aaronn pu, le u ban u ku u, nima pu na, m nan mee Uwumbɔr tii Aaronn mu n‑yoonn ngbaan.

Tibɔkpiirkaan 16:15

Tiyayaar ngbaan nan kuun bi lipepel libaa wɔb. Hiibru aaliin ponn ni bi yin nima chee ke Amagedonn. Le Yesu bui ke, “Li pel man, m ga dan ke unaayuk aah choo pu na la. Uwumbɔr aanyoor bi binib bi si kii bundaln m ga nan fuu ni na, ki lik baawanpeenkaan ke bi taa chuun biŋmeen, ki taa ji inimɔɔn.”