Nnyam 32:19 - Uwumbɔr aagbaŋ

¹⁹ N‑yoonn mu Moses fuu ni linampal ki kan unaajabo aawaal, aan binib ngbaan bi waa liwaal linimbiin ni na, le liŋuul chuu u. Le u di ŋitakpapapan na di lii lijool ngbaan aataab, le ŋi wii.

Nnyam 32:19 ပူးပေါင်းရင်းမြစ်များ

2 Samuel 6:14

David nan gbab Uwumbɔr aatotoor aakekengeŋ uchaŋ ni, ki di waapɔɔn mɔmɔk ki waa liwaal ki pak Uwumbɔr.

Ilahn 119:53

M yaa kan bibiindam bi bii saakaal kan, maaŋuul fiir la.

Nnyam 15:20

Uwumbɔr aabɔnabpii Miriam, u ye Aaronn aaninkpan na nan yoor waachayakrtuun, le bipiib mɔmɔk mu yoor baachayakrtuun ki dii u ki waa liwaal,

Nnyam 32:11

Tɔ, Moses nan gaŋ Udindaan Uwumbɔr le ki bui ke, “Uwumbɔr, ba ŋa aa cha saaŋuul fii saanib pu sakpen kina, naa ye saapɔɔn sakpiin pu le aa nan di nyan ni bi Ijipt aatiŋ ni ii?

Nnyam 32:18

Le Moses nan bui u ke, “Kifuuk ngbaan aa ye ke bi kan linyaŋ la, ki mu aa ki ye ke bi san dii bi la, ni ye ilahn le bi gaa ki kpa kifuuk.”

Nnyam 34:1

Uwumbɔr nan ki bui Moses ke, “Kpii ŋitakpal ŋilee, ŋi li bi ke njan yee na, aan m ki ŋmee ŋi pu ŋimɔbon ŋi nan bi njan yee, ŋi aa nan di lii wii na.

Jeremia 31:32

Taan le bi ke tipuukpok ti m nan puu tii biyaajatiib, buyoonn m nan chuu biŋaal ki daar nyan bi, ki cheen bi nyan Ijipt aatiŋ ni na. M nan bi ke chal na le ki tii bi, bi mu aa nan joo tipuur ngbaan.

Inandalahn 5:15

Taa ki kpa mpopiin; mpombiin cha taa ki waa liwaal.

Sekaria 11:14

Le m yoor ndɔ muken na, mu m yin mu ke “Kimɔbaan” na, ki nyii koo mu, le kimɔbaan ki nan bi Juda ni Israel aakaasisik ni na yaa.

Nkahm 12:3

Moses nan ye unii u sunn ubaa taab na la, u nan sunn ubaa taab ki jer unii mɔmɔk dulnyaa wee ni.

Matiu 5:22

Min le tuk nimi ke unii umɔk gee liŋuul una aabo pu na, bi ga ji u tibɔr. Unii umɔk tuk una aabo, ‘Saa bi tibɔr tibaa ni,’ bibɔjirb aaninkpiib ga ji u tibɔr. Unii umɔk tuk una aabo ke, ‘Si ujɔr’ na, u ŋeer u koo mmii mu kaan junn na ni.

Tibɔnyaan ti Mak ŋmee ti na 10:14

Waah kan ke bi kae bi na, le u gee liŋuul, ki bui waadidiliib ke, “Cha mbim ngbaan dan m chee man. Taa ki jenn bi man. Binib bi aabimbin bi ke mbim aah bi pu na, bima le yeh Uwumbɔr aanaan.

Tibɔnyaan ti Mak ŋmee ti na 3:5

Le u lik bi mɔmɔk, le ki gee liŋuul bi pu. Bitafal aah pɔɔ pu na, le ni bii usui. Le u bui uja u aaŋaal faan na ke, “Taln aaŋaal.” Le u taln uŋaal. Le mu pɔɔk.

1 Korenti 10:7

Ni mu taa dii ŋiwaa, ke bi ponn ni bibaa aah nan dii pu na; ni ŋmee Uwumbɔr Aagbaŋ ni ke, “Binib ngbaan nan kal ki ŋman kitork aanann, ki nyu ndaan gbii, le ki fii ki tun kininsuŋ aatun.”

Efesusi 4:26

Ni yaa gee liŋuul kan, ni taa cha nimi aaŋuul ngbaan tun titunwanbir. Ni taa li beenin joo liŋuul ngbaan nwiin ti lir,

Ikaal 10:2

Dan m chee lijool paab, aan m nan ki ŋmee ŋitakpapapan ngbaan pu, ke maah nan ŋmee ŋima na pu, aan aa di lii wii na, aan aa di ŋi ŋa dakaa ngbaan ni.’

Ikaal 27:26

“‘Uwumbɔr aamɔpuur bi unii umɔk yii, kaa joo Uwumbɔr aakaal ni waamɔkm mɔmɔk na pu.’ “Le binib ngbaan mɔmɔk ga kpaan ki kii ke, ‘Amii.’