Nnyam 32:11 - Uwumbɔr aagbaŋ

¹¹ Tɔ, Moses nan gaŋ Udindaan Uwumbɔr le ki bui ke, “Uwumbɔr, ba ŋa aa cha saaŋuul fii saanib pu sakpen kina, naa ye saapɔɔn sakpiin pu le aa nan di nyan ni bi Ijipt aatiŋ ni ii?

Nnyam 32:11 ပူးပေါင်းရင်းမြစ်များ

Mpiin 18:27

Abraham nan ki mee Uwumbɔr ki bui u ke: “M gaŋ si, cha pinn mi, maah beenin kpa lipobil ki bi len tibɔr aa chee na. Ndindaan, m ye unibɔn la, le kaa kpa nsan m kpak si tibɔr.

1 Bibɔrb 8:51

Bi ye aabaa aanib bi aa nyan ni bi mmii sakpiin mu ye Ijipt aatiŋ na ni la.

Nehemia 1:10

“Uwumbɔr, binib bee ye saanaagbiib la, le ki ye sin aabaa aanib. Aa di saapɔɔn sakpiin gaa bi lii.

Ilahn 106:23

Uwumbɔr aah nan bui ke u ga kuln waanib na, waatutunn Moses, u u nan lee u na aa nan kii kina; u nan kiir Uwumbɔr, le waaŋuul aa kuln bi.

Nnyam 32:7

Uwumbɔr nan bui Moses ke, “Gir sunn mala, ba pu? saanib bi aa nyan ni bi Ijipt aatiŋ ni na tun titunwanbir, ki yii mi a.

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Nnyam 8:8

Ubɔr nan yin ni Moses ni Aaronn le ki nan bui bi ke, “Mee Uwumbɔr ke u nyan ŋipulaatal ngbaan, aan m cha waanib ngbaan nya buen, nima kan, bi ga ŋmaa toor kitork tii u.”

Aisaya 63:17

Ba ŋa aa cha ti yenn saasan chee? Ba ŋa aa cha titafal pɔɔ sakpen kina aan ti fenn tipuwɔb tii si? Gir ni, saanib bi ye saatutum ki ye sin yaab n‑yoonn mɔmɔk na chee.

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Inandalahn 2:20

Uwumbɔr, lik binib bi aa bi jinni bi falaa na. Bipiib joo baah gee baabim mu na le ŋmɔ. Bi ku bitotoorb ni saabɔnabtiib Saadichal ni la.

Esekiel 20:9

Kina ngbaan aah ba ga nan joo ni maayimbibiil na, maa nan ŋa kina, ba pu? baah nan koo binib bi chee na aanimbil ni le m nan bui Israel yaab ngbaan ke m ga nyan bi Ijipt aatiŋ ni.

Daniel 9:15

“Tidindaan Uwumbɔr, aa nan mɔk saapɔɔn buyoonn aa nan di saanib nyan ni Ijipt aatiŋ ni na, le bi beenin teer saapɔɔn bɔr. Ti tun titunwanbir, ki ŋa tiwan ni kaa ŋan na.

Joel 2:17

Bitotoorb bi tun Uwumbɔr aatuln, waatork aabimbiln ni Waadichal aabisamɔb aakaasisik ni na; ni li mee Uwumbɔr ni tinyunyunn ke: “Uwumbɔr, san saanib kinimbaak. Taa cha ŋinibol ŋiken lik timi fam ki ŋa timi mbɔnyun ki len ke, ‘Nimi Aawumbɔr ngbaan bi la?’”

Nkahm 11:11

Le u bui Uwumbɔr ke, “Ba ŋa aa ŋa mi kina? Ba ŋa aasui wu m pu? Ba ŋa aa di litukpaan lee tii mi ke m li lik binib bee?

Nkahm 14:13

Le Moses bui Uwumbɔr ke, “Sin Uwumbɔr le nan di saapɔɔn nyan ni binib bee Ijipt aatiŋ ni. Ijipt yaab yaa ki ŋun ke aa ŋa saanib kina kan,

Nkahm 16:22

Le Moses ni Aaronn tar lir kitiŋ bipuu pu, ki gaŋni, ki bui ke, “Uwumbɔr, sin le ye umɔfadaan. N‑yoonn mu unibaan ti tun titunwanbir na kan, aa geer binib ngbaan mɔmɔk pu liŋuul la aa?”

Nkahm 21:7

Le bi dan Moses chee ki nan bui u ke, “Taah len aa ni Uwumbɔr tibɔr ti kaa ŋan na, ti tun titunwanbir. Mee Uwumbɔr ke u gaa timi lii iwaa ngbaan chee.” Kina pu le Moses mee Uwumbɔr tii bi.

Nkahm 27:4

Israel yaab yaa suln waabɔr waah kaa nan kpa ubijabo pu na, ni ŋan aa? Lik tite aado yaab aatiŋ ponn ni, ki tii timi kitiŋ.”

1 Samuel 15:11

“Nsui bii, maah ŋa Sɔɔl ubɔr pu na. U fenn upuwɔb tii mi, le ki yii maah tuk u pu na.” Liŋuul nan chuu Samuel, le kinyeek ngbaan ki ti woln u nan bi gaŋni Uwumbɔr.