Nnyam 32:10 - Uwumbɔr aagbaŋ

¹⁰ Nimina ma kan, taa ki gaŋ mi. Liŋuul chuu mi sakpen, le m ga bii bi. M ga tee cha aa ni saamaal ma pɔr ki ŋa linibol sakpeln.”

Nnyam 32:10 ပူးပေါင်းရင်းမြစ်များ

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Ilahn 106:23

Uwumbɔr aah nan bui ke u ga kuln waanib na, waatutunn Moses, u u nan lee u na aa nan kii kina; u nan kiir Uwumbɔr, le waaŋuul aa kuln bi.

Nnyam 22:24

ki ga gee liŋuul ki ku nimi butɔb ni, le nimi aapuutiib ni nimi aabim mu ga ŋa bikpopiib ni nkpobim.

Nnyam 32:11

Tɔ, Moses nan gaŋ Udindaan Uwumbɔr le ki bui ke, “Uwumbɔr, ba ŋa aa cha saaŋuul fii saanib pu sakpen kina, naa ye saapɔɔn sakpiin pu le aa nan di nyan ni bi Ijipt aatiŋ ni ii?

Nnyam 32:19

N‑yoonn mu Moses fuu ni linampal ki kan unaajabo aawaal, aan binib ngbaan bi waa liwaal linimbiin ni na, le liŋuul chuu u. Le u di ŋitakpapapan na di lii lijool ngbaan aataab, le ŋi wii.

Nnyam 33:3

Ni cha kitiŋ ki kpa nkpan, ni n‑yaan, ki nyuun na ni la. Min mbaa aan dii nimi buen; ba pu? nitafal aah pɔɔ pu na, nibaakan m ga ti kuln nimi nsan ni.”

Jeremia 11:14

Jeremia, taa mee limeel tii binib ngbaan, taa gaŋ mi bi pu. Bi yaa bi tibɔr ni ki yin mi ki ban nterm kan, maan gar bi.”

Jeremia 14:11

Uwumbɔr nan bui mi ke, “Taa bui mi ke m ter binib bee.

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 7:16

Uwumbɔr bui ke, “Jeremia, taa mee limeel tii binib bee. Taa wii, ki taa mee limeel bi pu; taa gaŋni mi, ba pu? maan pel saameel.

Esekiel 20:13

Tɔ, nteersakpiin ni, nima chee le bi kpaan yii maamɔb. Bi bii maakaal, le ki yii maamɔkm mu tii unii umɔk gaa mu ki kii na limɔfal na. Bi nan bii Likpaakool daal aajoom pel pel. M nan gor nteersakpiin ni nima ke m cha bi bee maaŋuul aah pɔɔ pu na ki kuln bi.

Nkahm 14:12

M ga cha iween i bir sakpen na dan nan lir bi pu, ki kuln bi, ki tee cha sin Moses ma maa pam ki ŋa litimbokpaan, ki li kpa mpɔɔn sakpen ki jer bi.”

Nkahm 16:21

“Ni foor binib ngbaan chee aan ki cha m ku bi mɔmɔk libuul lee ni.”

Nkahm 16:22

Le Moses ni Aaronn tar lir kitiŋ bipuu pu, ki gaŋni, ki bui ke, “Uwumbɔr, sin le ye umɔfadaan. N‑yoonn mu unibaan ti tun titunwanbir na kan, aa geer binib ngbaan mɔmɔk pu liŋuul la aa?”

Ikaal 9:14

Aa taa kiir mi. M ban ke m kuln bi, nima kan, ubaa aan ki teer bibɔr, le ki ga cha saamaal ŋa litimbol sakpeln li ga li pɔɔ ki jer bi na.’

Ikaal 9:19

Uwumbɔr aah nan gee liŋuul sakpen pu na, le ijawaan nan chuu mi. Usui nan fii sakpen, le u ban ke u kuln nimi; le maah nan ŋa pu na, Uwumbɔr nan ki sɔŋ usui ki ŋun tii mi.

Jemisi 5:16

Nima pu na, ni kpiir nimi aatunwanbir ki tuk tɔb, ki mee Uwumbɔr tii tɔb, aan u tii nimi laafee. Unii u dii Uwumbɔr aasan mbamɔm na yaa mee Uwumbɔr linimaln kan, waameel kpa mpɔɔn sakpen.