Nnyam 32:1 - Uwumbɔr aagbaŋ

¹ N‑yoonn mu binib ngbaan nan bee ke Moses yunn lijool ngbaan paab, kaa sunn ni, ki bi nima chee na, le bi kuun ni ki mann goln Aaronn, le ki bui u ke, “Taa nyi tiwan ni ŋa Moses u nan nyan ni timi Ijipt aatiŋ ni na aan waa gir ni na, nima pu na, ŋa liwaal tii timi, ti li dii li.”

Nnyam 32:1 ပူးပေါင်းရင်းမြစ်များ

Mpiin 19:14

Le Lot san buen uchootiib bilee bi nan ban bi yoor ubisatiib na chee, ki ti bui bi ke, “Ŋa mala ki san nya do man. Uwumbɔr ban u bii kitiŋ kee la.” Le bi nan dak ke Lot ŋmanni bi la.

Mpiin 21:26

Abimelek nan bui ke, “Maa nyi unii u ŋa kina na. Saa tuk mi tibɔr ngbaan, dandana wee le m laa ŋun ti.”

Mpiin 39:8

Le u yii ki bui u ke, “Lik, m pu le maaninkpel di waachiln ni aawan mɔmɔk, ki di ŋa ŋŋaal ni, le utafal aa ki bi nibaa ponn ni. U bui mi ke m li lik waawan ngbaan mɔmɔk.

Mpiin 44:15

Le Josef baa bi ke, “Ba ŋa ni ŋa kina? Naa nyi ke min uninkpel kina aaboln ga ŋmaa baa ki bee naah ŋa pu na aa?”

Mpiin 44:4

N‑yoonn mu bi siir buen kaa foor kpala na, le Josef bui waanaagbiija ngbaan ke, “Ŋa mala ki san chuu bijab ngbaan, ki baa bi ke, ‘Ba ŋa ni di bakaa pan tiŋann?

Ilahn 106:19

Sainai aajoo chee le bi nan di salmaa naan unaajabo le ki dooni liwaal ngbaan;

Nnyam 13:21

Nwiin pu kan, Uwumbɔr nan bi ntaalangbam ni, le ki loln binib ngbaan pu nsan, le kinyeek kan, u bi mmii ni, ki wiin bi pu, nima kan, bi ga ŋmaa li chuun nwiin pu ni kinyeek.

Nnyam 14:11

le ki bui Moses ke, “Ŋikaakul aa bi Ijipt aatiŋ ponn ni la aa? Aa nyan ni timi ke ti nan kpo nteersakpiin mue ni la aa? Lik saah ŋa pu na, ki nyan ni timi Ijipt aatiŋ ni.

Nnyam 16:3

le ki bui bi ke, “Uwumbɔr yaa ba ku timi Ijipt aatiŋ ni kan, ti ba ga li gee kina. Ti ba ga li kani tinann ni tijikaar timɔk ti gee na ki ji, le ni joo ni timi nteersakpiin mumina ponn ni ti nan kpo nkon.”

Nnyam 20:23

Ni taa naan tikunabr, bee salmaa aawaa ke ni li dooni ŋi ki kpee m pu.

Nnyam 24:12

Uwumbɔr nan ki bui Moses ke, “Dan m chee lijool ngbaan paab. Buyoonn aa bi do na, m ga di ŋitakpal ŋilee ŋi m ŋmee ikaal ŋi pu na tii si, aa ti di mɔk binib ngbaan.”

Nnyam 24:18

Moses nan jon lijool ngbaan aapaacham ki koo ntaalangbam ni. U nan ti bi nima chee iwiin imonko ilee ni tinyer imonko ilee la.

Nnyam 32:11

Tɔ, Moses nan gaŋ Udindaan Uwumbɔr le ki bui ke, “Uwumbɔr, ba ŋa aa cha saaŋuul fii saanib pu sakpen kina, naa ye saapɔɔn sakpiin pu le aa nan di nyan ni bi Ijipt aatiŋ ni ii?

Nnyam 32:22

Aaronn nan giin bui u ke, “Uninkpel, taa gee liŋuul m pu; aa nyi binib ngbaan aanimbil aah man ke bi tun ni kaa ŋan na pu na.

Nnyam 32:23

Bi bui mi ke, ‘Moses, uma le nan nyan ni timi Ijipt aatiŋ ni, taa nyi tiwan ni ŋa u aan u ti yunn sakpen kina na, nima pu na, ŋa liwaal tii timi.’

Nnyam 32:7

Uwumbɔr nan bui Moses ke, “Gir sunn mala, ba pu? saanib bi aa nyan ni bi Ijipt aatiŋ ni na tun titunwanbir, ki yii mi a.

Nnyam 33:3

Ni cha kitiŋ ki kpa nkpan, ni n‑yaan, ki nyuun na ni la. Min mbaa aan dii nimi buen; ba pu? nitafal aah pɔɔ pu na, nibaakan m ga ti kuln nimi nsan ni.”

Esekiel 20:8

Tɔ, bi nan lik mi fam ki yii; baan ŋun tii mi. Baa nan di ŋiwaa ŋi sukr ponn ni na ngbaan mee, kaa di cha Ijipt yaab aawaa na mu. Ijipt aatiŋ ni, le m nan gor ke m cha bi bee maaŋuul aah pɔɔ pu na.

Hosea 12:13

Uwumbɔr nan tun ubɔnabr ke u ti nyan Israel yaab tinaagbiir ni Ijipt ni, ki li joo bi.

Maika 6:4

M nyan ni nimi Ijipt aatiŋ ni; m nyan ni nimi tinaagbiir ni; m nan tun Moses, ni Aaronn, ni Miriam ke bi nan loln ni pu nsan.

Nkahm 14:22

binib bee ubaa kina aan li bi ki koo kitiŋ ngbaan ni. Bi kan maawiihn mu moor lak lak na, ni lijinjiir aawan nimɔk m ŋa ni Ijipt aatiŋ ni, ni nteersakpiin ni na, le ki tɔŋni mi, ki ki gir tɔŋni mi kina, ki yii mi.

Matiu 24:43

Ni li nyi ke udichadaan yaa ba nyi buyoonn unaayuk ga fuu ni na kan, waa ba ga doon geen. U ba ga li ka lik, unaayuk ngbaan taa koo waadichal ni.

Matiu 24:48

Tɔ, ututunn yaa ye titunwanbirdaan kan, u ga dakl usui ni ke udindaan ga yunn,

Lituln 17:29

Taah ye Uwumbɔr aabim na, taa cha ti li dak ke Uwumbɔr aabimbin bi ke ŋiwaa na. Ŋiwaa po ye ŋitakpal le bi kpii ŋi, bee salmaa, bee tikunabr le bi di mɔɔ ŋi.

Lituln 19:26

Pɔɔl mu bi bii timi aatuln la. Ni kan aa? Ni ŋun waah len pu na. U len ke ŋiwaa ŋi binib mɔɔ ŋi na aa ye nibaa. Binib bi bi Efesus aatiŋ ni do, ni Asia aapepel mɔmɔk ponn ni na pam pak waah len pu na, kaa ki dii ŋiwaa.

Lituln 7:40

le ki bui Moses aanaal Aaronn, ‘Maa ŋiwaa tii timi, ti li dii ŋi. Moses u nyan ni timi Ijipt aatiŋ ni na, taa ki nyi waah bi niwɔb na.’

Ikaal 31:8

Uwumbɔr ubaa le ga loln aa pu nsan ki li bi aa chee. Waan jinn si inimɔɔn, ki mu aan di si lii aabaa, nima pu na, aa taa cha aataakpab yɔl, ki taa san ijawaan.”

Ikaal 9:1

“Israel yaab, li pel man. Din wee na, ni ban ni puur Jɔɔdann Aamɔɔl aan ki gaa ŋinibol ŋi wiir ki kpa mpɔɔn jer nimi na aatiŋ la. Baatim ye mukpaan la, le bi maa ŋigon ŋi fɔk ti nyan paacham na gob mu.

Ikaal 9:9

M nan jon Sainai Aajool paab, m ti gaa ŋitakpapapan ŋi pu Uwumbɔr nan ŋmee waakaal i u nan di tii nimi na. M nan bi nima iwiin ni tinyer imonko ilee, le kaa nan jin, ki mu aa nyun nibaa.

Josua 7:13

Fii sil. Toor binib ngbaan ki cha bi dan m chee. Tuk bi ke bi fe gor bibaa; ba pu? Min, u ye nimi Israel yaab Aadindaan Uwumbɔr na aah kpa pu m len na sɔ: ‘Israel yaab, ni joo tiwan ni m bui nimi ke ni bii ni na nibaa chee. Naan ŋmaa sil nimi aadim aanimbiin ni, see ni nyan tiwan ngbaan.’

2 Piita 3:4

ki ga bui ke, “Yesu Kristo aah puu tipuur ti ke u ga gir ni na, u bi la chee? Buyoonn titetiib nan kpo ki nan saa dandana wee na, tiwan mɔmɔk beenin bi ke naah nan bi pu buyoonn Uwumbɔr naan dulnyaa wee na la.”