Nnyam 31:3 - Uwumbɔr aagbaŋ

³ le ki gbiin u min Uwumbɔr aapɔɔn. M cha u kpa ŋuntii, ki kpa nlan ki nyi tiwan mɔmɔk aatuln,

Nnyam 31:3 ပူးပေါင်းရင်းမြစ်များ

1 Bibɔrb 3:9

Kina pu na, tii mi nlan mu m ga ŋmaa di joo saanib ibamɔn ni, ki li nyi ni ŋan na, ni ni kaa ŋan na. Naa ye kina kan, m ga ŋa kinye aan ki joo saanisakpem bimina?”

1 Bibɔrb 7:13

Ubɔr Solomonn nan tun ti yin uja u bi yin u ke Huram na. U nan ye uwanŋar, le ki koo Taya aatiŋ ni. U nan ye unii u ŋmaa joo tikumann naani tiwan na la.

1 Bibɔrb 7:14

Ute, u kaa nan ki bi na, nan koo Taya aatiŋ ni la. U mu nan ye tikumann aawanŋal kpaan la; Huram aana nan ye Naftali aanibol ni aanii la. Huram nan ye unii u bae ki nyi tiwan aaŋam sakpen na la. U nan kii Ubɔr Solomonn aayim ngbaan, ke u ga li yeh tikumann aatuln mɔmɔk.

2 Bibɔrb Aabɔr 2:7

Cha unii u nyi ki ga ŋmaa naan tiwan ŋa salmaa, ni tikunabr, ni tikumann, ni tikur pu na, ki ŋmaa luu ŋitambɔn, ni ŋitanyaan, ni ŋitaman aakeken na dan. U ni nte David aah nan nyan biwanŋab bi Juda ni Jerusalem ponn ni na le ga nan kpaan tun lituln.

Nnyam 28:3

Yin bikpaluub bi m tii bi nlan na, ki tuk bi ke bi ŋal tiwanpeenkaan tii Aaronn, nima kan, aa ga di u ŋa utotoor ki tii mi, ke u tun maatuln mɔmɔk.

Nnyam 31:4

u kpa nlandak ki nyi waah ga di salmaa, ni tikunabr, ni tikumann,

Nnyam 35:31

Uwumbɔr gbiin u mpɔɔn, le ki tii u nnyim, ni nlan, ni mbeem, ke u li nyi tiwanyaan aatuln mɔmɔk,

Nnyam 35:35

U cha bi ŋmaa kpii ŋitakpanyaan pu, bee tikunabr pu, ki ŋmee ki naani tiwan aabɔŋ ni pu, ki ŋmaa joo tikokonn luu ŋitanyaan, ni ŋikeken ŋiken aabɔŋ. Bi nyi ki ŋmaa ŋani tiwan aabɔŋ, ki ŋmaa joo ipiih aakur ti man chaun, ni nsiin, ni timann na gbaŋni nyɔla nyɔla mɔmɔk aabɔŋ.

Ŋiyataŋak 2:6

Uwumbɔr le tii nlan; uma chee le nlan, ni ichiin, ni tiwan aatataa aabeem nyani.

Aisaya 28:26

U nyi waah ga ŋa waatuln pu na; ba pu? Uwumbɔr mɔk u a.

Aisaya 28:6

U ga tii bibɔjirb ibamɔn aalan, ki pɔɔk bikikiib bi kii kitisakpeŋ ngbaan aabisamɔi na aataakpab n‑yoonn mu binib dan bi nan tak bi na.