Nnyam 30:8 - Uwumbɔr aagbaŋ

⁸ U yaa ki dan u nan see karyaa tiib kijook wɔb kan, u ki ŋa kina. Ni li seer tulalee aayon ngbaan tii mi n‑yoonn mɔmɔk, nibaa taa kiir nimi.

Nnyam 30:8 ပူးပေါင်းရင်းမြစ်များ

2 Bibɔrb Aabɔr 26:18

ke bi ti kiir u, u taa see tulalee aayon ngbaan. Bi nan len ke, “Usia, saa kpa nsan ke aa see tulalee aayon mmii ni ki tii Uwumbɔr. Bitotoorb bi ye Aaronn aayaabitiib aan bi finn bi ke bi li tun kina aatuln na baanja le kpa kina aasan. Nya chain aabuul lee ni. Aa tun Tidindaan Uwumbɔr titunwanbir la, kina pu na, saan ki kan waanyoor.”

Ilahn 141:2

Gaa maameel ke tulalee aayon aatork na, ki gaa maaŋaal i m yoor paacham na ke kijook aatork na.

Nnyam 12:6

Uŋmal ngbaan aawiin kipiik ni inaa daal aajoobɔŋ kan, Israel yaab mɔmɔk kpaan ki kɔr baawakor ngbaan.

Nnyam 25:37

Ni ŋa karyaa tiib bilole ki ŋeer ŋipan ŋilole ngbaan, aan bi yaa chɔŋ ŋi pu kan, mmii ngbaan ga li wiin nimbiin ni.

Nnyam 27:21

Aaronn ni ujapɔtiib le ga di karyaa ngbaan siin Libool li ponn ni m ga li bi na, likekeln li bi Uwumbɔr Aakaal Aadakaa aanimbiin ni na aapuwɔb nima chee. Nnimbiin ni, karyaa ngbaan ga li gaal kijook ki ti saa kichakpiik ni. Israel yaab ni biyaabitiib li joo nkaal ngbaan ki cha n‑yoonn mu kaa kpa aadoon na.

Nnyam 30:7

Kichakpiik mɔmɔk ni, n‑yoonn mu Aaronn ti dan u nan toor ki gor karyaa tiib na kan, u ti see tulalee aayon mu nu mɔ na nima chee.

Nnyam 30:9

Ni taa di tulalee aayon mu maa gee na ki di see nima chee, ki taa toor kiwakork aatork, bee njikaabim aatork li pu, ki taa bar ŋisubil aadaan kpir li pu.

Rom Yaab 8:34

Nima le ubaa aan ŋmaa galn timi. Yesu Kristo nan kpo ti pu, ki fikr nkun ni, ki bi Uwumbɔr aaŋangii wɔb, ki mee u ki tii timi.

1 Tesalonika 5:17

ki li mee Uwumbɔr n‑yoonn mɔmɔk,

Hiibru Yaab 7:25

U bi n‑yoonn mu kaa kpa ndoon na, u li mee Uwumbɔr tii binib bi dan Uwumbɔr chee u pu na. Nima le u ga ŋmaa gaa bi lii n‑yoonn mu kaa kpa ndoon na.

Hiibru Yaab 9:24

Kristo aa koo ni chain aapepel li ye paacham yaan aanaŋ li binib maa li na ponn ni. Paacham le u koo ni, ki si timi aasisiiyaan, Uwumbɔr aanimbiin ni.

1 Samuel 2:28

Israel aamaal mɔmɔk ponn ni, m nan lee waadichal le ke bi li ye maatotoorb, ki li toor kitork libimbiln paab, ki see tiwan ni nu mɔ na, ki li pee bitotoorb aawanpeenkaan, ki li bi maadiik ni. M mu nan tii bi nsan ke bi li yeh kitork aanann ti bi joo seer mmii ponn ni na tibaa.