Nnyam 30:7 - Uwumbɔr aagbaŋ

⁷ Kichakpiik mɔmɔk ni, n‑yoonn mu Aaronn ti dan u nan toor ki gor karyaa tiib na kan, u ti see tulalee aayon mu nu mɔ na nima chee.

Nnyam 30:7 ပူးပေါင်းရင်းမြစ်များ

1 Bibɔrb Aabɔr 23:13

Ujapɔpol Amram le nan ma Aaronn ni Moses. Uwumbɔr le nan nyan Aaronn ni uyaabitiib ke bi li joo Uwumbɔr Aadichal ni aawan ni bi chain na, ki ti saa n‑yoonn mu kaa kpa ndoon na. Bima le nan ki joo tulalee aayon ŋani mmii ni, ki dooni Uwumbɔr, ki tun waatuln na. Bima le mee Uwumbɔr aanyoor ŋani binib pu waayimbil ni.

1 Bibɔrb Aabɔr 6:34

ni Elkana, ni Jeroham, ni Eliel, ni Toa,

2 Bibɔrb Aabɔr 2:3

Solomonn nan tun Taya aatiŋ aabɔr Hiram chee ki len ke: “M ban ke aa kooh m pu tiwan ke saah nan kooh santina aadɔ tii nte Ubɔr David, buyoonn u nan bi maa waabɔrdichal na.

2 Bibɔrb Aabɔr 2:4

M bi maa Uwumbɔr Aadichal ke m nyuŋ Ndindaan Uwumbɔr la. Li ga li ye lidichal li bi chain, aan m ni maanib ga li seer tulalee aayon mu nu mɔ na tii u, ki dooni u na la. Nima chee le ti ga li joo boroboro u ye chain na tii u ipiin n‑yoonn mɔmɔk. Nima chee le ti ga li toor kitork ki joo seer mmii ni, kichakpiik ni, ni kijook mɔmɔk, ki kpee Likpaakool daal, ni Uŋmapɔɔn Aajim Aatork, ni iwinyaan iken na aatork, ki nyuŋni Tidindaan Uwumbɔr. U bui ke Israel yaab li ŋani kina n‑yoonn mɔmɔk.

2 Bibɔrb Aabɔr 26:18

ke bi ti kiir u, u taa see tulalee aayon ngbaan. Bi nan len ke, “Usia, saa kpa nsan ke aa see tulalee aayon mmii ni ki tii Uwumbɔr. Bitotoorb bi ye Aaronn aayaabitiib aan bi finn bi ke bi li tun kina aatuln na baanja le kpa kina aasan. Nya chain aabuul lee ni. Aa tun Tidindaan Uwumbɔr titunwanbir la, kina pu na, saan ki kan waanyoor.”

2 Bibɔrb Aabɔr 29:7

Bi nan di Uwumbɔr Aadichal aajaaleŋ tiib laŋ, le karyaa tiib junn; le baa ki seer tulalee aayon, kaa toor kitork ki bi ga di see mmii ni tii bima Israel yaab Aawumbɔr na.

Ilahn 141:2

Gaa maameel ke tulalee aayon aatork na, ki gaa maaŋaal i m yoor paacham na ke kijook aatork na.

Nnyam 30:34

Uwumbɔr nan ki bui Moses ke, “Ban mbaabil ŋi nu mɔ na. Ŋaayimbil sɔ, stakte, ni onika, ni galbanum, ni frankinsense aatulalee, ki cha ni mɔmɔk li ŋak tɔb.

Nnyam 30:6

Ni di tulalee aayon aabimbiln ngbaan ki di siin likekeln li gbin Uwumbɔr Aakaal Aadakaa chee na aapuwɔb. M ga dan nima, ni chee.

Nnyam 30:8

U yaa ki dan u nan see karyaa tiib kijook wɔb kan, u ki ŋa kina. Ni li seer tulalee aayon ngbaan tii mi n‑yoonn mɔmɔk, nibaa taa kiir nimi.

Nnyam 40:27

le ki see tulalee aayon mu nu mɔ na, ke Uwumbɔr aah nan bui u pu na.

Nkahm 16:40

Uwumbɔr nan cha ni ye nsurm, le ki mɔk Israel yaab mɔmɔk ke unii yaa kaa nyan ni Aaronn aamaal ni kan, u taa dan kitork aabimbiln chee u nan see tulalee aayon tii u. Unii yaa ŋa kina kan, u ga kpo ke Kora ni waajab aah nan kpo pu na. Eleasar nan ŋa tiwan ngbaan mɔmɔk, Uwumbɔr aah nan bui Moses ke u cha bi ŋa ni pu na la.

Lituln 6:4

Tima aanimbil ga li man limeel, ni Uwumbɔr aabɔr aamoon pu la.”

Ikaal 33:10

Bima le ga mɔk saanib aan bi li joo saakaal mbamɔm; Bima le ga di tiwakor toor kitork saabimbiln paab.

1 Samuel 2:28

Israel aamaal mɔmɔk ponn ni, m nan lee waadichal le ke bi li ye maatotoorb, ki li toor kitork libimbiln paab, ki see tiwan ni nu mɔ na, ki li pee bitotoorb aawanpeenkaan, ki li bi maadiik ni. M mu nan tii bi nsan ke bi li yeh kitork aanann ti bi joo seer mmii ponn ni na tibaa.

1 Samuel 3:3

le Samuel mu dɔ nin chee Uwumbɔr Aakaal Aadakaa nan bi na. Waahr aan ni nin woln na, buyoonn karyaa aa nan kee junn na,