Nnyam 30:23 - Uwumbɔr aagbaŋ

²³ “Di mbaabil ŋi nu mɔ na, ni li ye mir aanyun kuruwaa biloob, ni tiwan ni nu mɔ aan bi yin ni ke sinamonn na kuruwaa bitaa, ni ŋibun aayon kuruwaa bitaa,

Nnyam 30:23 ပူးပေါင်းရင်းမြစ်များ

1 Bibɔrb 1:39

Le Sadok nan yoor olif aakpan aah bi tiwan ni ponn ni, aan u nan nyan ni Uwumbɔr aanimbiin ni, Waabool ni na, le ki di kpir Solomonn aayil pu. Bi nan pii ukpiin, le binib mɔmɔk teen mpɔɔn pu ke, “Ubɔr Solomonn li kpa limɔfafɔfɔŋ.”

1 Bibɔrb Aabɔr 9:29

Biken mu le nan lik chain aawan niken na, ni n‑yon, ni ŋisubil aadaan, ni olif aakpan, ni tulalee aayon, ni tiwan nimɔk nu mɔ na.

1 Bibɔrb Aabɔr 9:30

Tɔ, bitotoorb le nan tee joo tiwan ni nu mɔ ngbaan na ŋmalni tɔb ni.

Ilahn 45:8

Tulalee tiib bi bi yin bi ke mir ni alos na le gbii saakeken pu; le bilahngaab ni biwangbaab bi ŋibɔrchin ŋi bi di iluub aanyin di toor ŋi na ponn ni ki pak si.

Nnyam 25:6

ni nkpan mu bi joo seer karyaa tiib na, ni tulalee u bi joo ŋmalni Uwumbɔr aakpan ni na, ni tulalee aayon mu nu mɔ na,

Nnyam 30:22

Uwumbɔr nan ki bui Moses ke,

Nnyam 30:24

ni nsupuun mu nu mɔ na kuruwaa biloob. Ni di tiwan ni bi joo ŋaŋni tiwan Maabool ponn ni na ŋaŋ ni mɔmɔk, ki di olif aakpan galaŋ ubaa di kpee,

Nnyam 31:11

ni maakpan, ni tulalee aayon mu nu mɔ, aan bi joo ŋani Chain Aapepel ni na. Bi yaa ban bi ŋa tiwan ngbaan kan, bi ŋa ni mɔmɔk maah mɔk si pu na.”

Nnyam 35:28

ni mbaabil, ni nkpan mu bi ga li joo ŋani karyaa tiib ponn ni, ni Uwumbɔr aakpan, ni tulalee aayon mu na.

Nnyam 37:29

U nan ŋa Uwumbɔr aakpan ni tulalee aayon mu nu mɔ na mu.

Ŋiyataŋak 7:17

M di tulalee tiib bi bi yin bi ke mir, ni alos, ni sinamonn na le di yɔk yɔk u pu.

Solomonn Aalahn 1:13

Mbɔɔn yaa dɔ paa m pu kan, waabaam nu mɔ ke mir aatulalee na la.

Solomonn Aalahn 1:3

Saabaan nu mɔ sakpen a; le bi yaa yin saayimbil kan, mbaan ngbaan nyani. Upii mɔk gee si la.

Solomonn Aalahn 4:14

ni safaronn, ni kalamus, ni sinamonn, ni tulalee mɔmɔk aabɔŋ na aasui bi nima chee. Tulalee tiib bi bi yin bi ke mir ni alos na aasufar mu bi nima ki kpa nnunun mu mɔ sakpen na.

Aisaya 43:24

Naa nan daa tulalee aayon tii mi, kaa nan di nimi aawakor aakpan tii mi. Naah nan tee tii mi tiwan ni na le ye nimi aatunwanbir; ni nan cha nlaasaab ti nyan mbaa ni nimi aatunwanbir ti ni tun na pu.

Jeremia 6:20

Ntafal aa bi tulalee aayon mu nyan ni Seba, aan bi joo nan tii mi na, kaa bi tulalee mam bi nyan ni dandar na ni. Maan gaa baapiin, ni kitork ki bi joo tii ni mi na.

Esekiel 27:22

Seba ni Raama aawantiirb nan di nleenyaan, ni salmaa, ni tulalee tiib bi ŋan sakpen na kpeln saawan.

Nkahm 4:16

“Utotoor Aaronn aajapɔɔn Eleasar le ga li lik Maabool ngbaan, ni laawan ni ye nkpan mu bi joo seer karyaa tiib na, ni tulalee aayon, ni njikaabim aapiin, ni nkpan mu bi joo ŋani tiwan chain na, ni tiwan nimɔk bi Maabool ni, bi di tii min Uwumbɔr na.”

1 Samuel 10:1

Le Samuel yoor likpasambil ki di mu kpir Sɔɔl aayil pu, ki moor utakpiln, le ki bui u ke, “Uwumbɔr le toor si ke aa li ye Israel aanib aajojoor. Sin le ga li joo waanib ki kii bi, baadim taa pii bi. Nimina le ga li ye seeraa u ga mɔk ke Uwumbɔr lee si ke aa li ye waanib aajojoor na: