Nnyam 3:9 - Uwumbɔr aagbaŋ

⁹ Mbamɔn, m ŋun maanib aah wii pu na, m kan Ijipt yaab aah ŋani bi falaa pu na.

Nnyam 3:9 ပူးပေါင်းရင်းမြစ်များ

Mpiin 16:11

Aa ga maa ubijabo, ki yin u ke Ismael; ba pu? Uwumbɔr ŋun saah wii limukl ponn ni pu na.

Mpiin 31:12

Le u bui mi ke, ‘Lik, iŋoja i mɔmɔk bi dur ininkpel na ye ibɔnbɔn, ni ichachal la. Min le cha ni ŋani kina, ba pu? m kan Labann aah ŋani si pu na.

2 Bibɔrb 13:4

Le Ubɔr Jehoahas mee Uwumbɔr, le Uwumbɔr aah nan waa Siria aatiŋ aabɔr aah ŋani Israel yaab mbiin sakpen pu na, le u kii waameel ngbaan.

2 Bibɔrb 20:5

ke u gir buen Hesekia u ye uma Uwumbɔr aanib aajojoor na chee, ki ti bui u ke, “Min Uwumbɔr u ye aayaaja David Aawumbɔr na ŋun saameel, ki kan saanyunyunn. M ga cha saaween sɔŋ, ki joo cha ni iwiin itaa na aa ga buen Uwumbɔr Aadichal ni.

Nehemia 9:9

Aa nan kan tiyaajatiib aah jin falaa sakpen pu Ijipt aatiŋ ponn ni na. Baah nan yin si ke aa ter bi buyoonn bi nan bi Nnyusakpem Mamam na chee na, aa nan kii.

Ilahn 12:5

Le Uwumbɔr bui ke, “Tɔ, m ga dan dandana wee, ba pu? binib bi kaa kpa na bi limukl ni la, le baah muk bi pu na, bi ker iween aadun. M ga tii bi lifuur li bi wii ban n‑yoonn mɔmɔk na.”

Ilahn 9:14

aan m ŋmaa sil Jerusalem aanib aanimbiin ni, ki bui bi tiwan nimɔk pu m pak si na. Saah gaa mi lii pu na le m mɔɔni.

Nnyam 1:11

Nima pu na, Ijipt yaab nan nyan baanib le bi lik Israel yaab ki cha bi tun lituln li pɔɔ na, ki ŋani bi falaa sakpen. Bi nan cha Israel yaab le maa ntisakpem mulee mu bi yin mu ke Pitom ni Rameses na, ntim ngbaan nan ye nin chee ubɔr nan joo waajikaar ni waawan mɔmɔk bilni na la.

Nnyam 1:22

Gbelngbeln na, ubɔr ngbaan nan siin nkaal ki bui waanib mɔmɔk ke bi di Hiibru yaab aabijabim bi bi laa ma bi na ki di mee lii Nail aamɔɔl ni, tɔ, bi taa ku mpiibim ma.

Nnyam 1:8

Le ubɔrpɔɔn u kaa nan nyi Josef aabɔr na jin nnaan Ijipt aatiŋ ni.

Nnyam 2:23

Ŋibin pam aah jer cha na, le Ijipt aabɔr u nan dii Moses u ku u na nan kpo, le Israel yaab nan beenin bi tinaagbiir ni, le ki wii ki ban nterm. Uwumbɔr nan ŋun baah wii pu na,

Nnyam 2:25

U kan Israel yaab aah ji falaa pu na, le naa mɔr u, le utafal nan bi bi ni.

Nnyam 3:7

Le Uwumbɔr bui u ke, “M kan maanib aah bi ji falaa Ijipt yaab aaŋaal ponn ni pu na. M ŋun bi wii ki ban unii u ga gaa bi lii na. M nyi baafalaa mɔmɔk aabɔr.

Ulandaan 4:1

Le m ki fenn lik beebee aatuln li tun dulnyaa wee ni na. Baah muk binib bi na nan wii la, le ubaa aa ter bi. Binib bi muk bi na nan kpa mpɔɔn la, le ubaa aa nan ter bi.

Ulandaan 5:8

Aa yaa kan ke biyidam muk bigiim, kaa tii bi baabamɔn, ni tiwan ni ŋan na kan, taa cha ni ŋa si iwaan. Uninkpel mɔmɔk aah bi unii u aataab na le kiir u. Le unii u jer bimɔk bilee na kii bi.

Amos 4:1

Samaria aapiib, li pel man tibɔr timina, nimi bi filk ke Basann aanaa i jin ki bab na, nimi bi muk binib bi kaa kpa mpɔɔn, ni bigiim na, nimi bi muk nichatiib ke bi li tii nimi ndaan n‑yoonn mɔmɔk na, li pel man.

Ikaal 26:7

Le ti wii yin Uwumbɔr, u ye tiyaajatiib Aawumbɔr na, ke u ter timi. U nan ŋun le ki kan timi aafalaa, ni limukl, ni kinimbaak.

1 Samuel 9:16

“Fen kinakokoona, m ga fe tun ni uja ubaa aa chee. U nyan ni Benjaminn aanibol ponn ni la. Toor u ki di u kaan nnaan, u li joo maanib Israel yaab. Le u ga gaa bi Filistia yaab chee lii. M kan maanib ngbaan aafalaa, ki ŋun baah wii pu ki ban nterm na.”